أبو العريف كام مرة قابلته ؟؟؟؟؟؟؟؟؟؟

[علاء سيف]

تروي كتب الادب القديمة
أن رجلا كان يدّعي المعرفة وكل ما سئل أو طرح موضوع حتى لو لم يكن يعنيه .. أدلى بدلوه ..
وتعجب الشباب من سعة اطلاعه ومعرفته .. , اجتمع الشباب خلسة وقرروا اختباره .. ,فقال لهم اذكاهم : عندي لكم رأي .. كل واحد منكم يأتي بحرف .
اجتمعوا على رأيه .. فجاء الأول بحرف ( خاء ) والثاني بـ ( نون ) .. والثالث بـ ( الفاء ) .. وهكذا .., جمع (أذهنهم) أحرفهم ومن ثم ركبها ..
فكون كلمة ( خنفشار ) ..
و في محاضرة لمدعي المعرفة .. سأله أحدهم: ما هو الخنفشار أو ماذا تعني الكلمة ؟ .
فهلل وكبّر مدعي المعرفة .. ثم قال : بالله عليكم من لا يعرف ما هي الخنفشار .. الله أكبر .. لا إله إلا الله .. ألا تعلمون إنها شجيرة لا تنبت إلا برؤوس الجبال باليمن ..وقال فيها داودفي التذكرة أن عصارة أغصانها لا مثيل لها في علاج التقرحات المعوية ..
وقال فيها الشاعر القديم
ولقد عقدت محبتكم قلبي كما عقد الخنفشار اللبن
وقال فيها الرسول صلى الله عليه وسلم وهنا قالوا له حسبك ياجاهل
الا ان تكذب على الرسول انما هي لفظة اخترعناها من ساعة
وهذة الشخصية هي المعروفة في تراثنا باسم ابو العريف وما اكثرهم لا اكثر الله منهم

ابو العريف في الصفوة

سأل الامام مالك اما دار الهجرة في اربعين مسألة فأجاب عن اربعة منها وقال في الباقي لا اعرف فقال السائل وماذا اقول لمن خلفي قال الامام قل لهم مالك لا يعرف والان مشايخ الفضائيات وشيخاته -الا من رحم ربي - يسئلون في 40 مسألة يجيبون في 50 مافي سؤال يقولون فيه لا اعرف او سأإرجع لكتبي او سادرس الامر
المحلل الرياضي الشهير تلاقية بينظر ويحلل وفتت والطريقة والاستحواذ وهو بيدرب فريق مهزوم 10 مباريات من ال7 اللي لعبهم
الصحفي والاخواني والوزير السابق -برضة الامن رحم ربي
- يحل أصعب مشكلة قبل ان يرتد اليك طرفك ولما كان أكبر محلل سياسي عنصر اساسي وركن في النظام كانت نكسة 67
ابو العريف في العامة
تايه وبتدور على شارع تسأله يوديك حي تاني والشارع وراك
قاعد بيتفرج على مبارة يعدل ويقوللك لو سحبوا فلان ونزلوا علان وهو كرشه قدامه كأنثى الفيل الحامل في شهرها السابع عشر
يحكيللك عن الوزير ورئيس الوزراء بيقولوا ايه في جلساتهم الخاصة وكأن
عمر سليمان رئيس المخابرات كل ليلة يكلمه يديلة التمام وكلنا سمعنا قصة الريس لما قال ل و0 أ اعتبره ابنك مع ان القصة مفروض بين اتنين منهم واحد مات بالسكته يبقى اكيد الريس اللي قالها
ويقوللك فلانة الفنانة دي00000000 و00000 و0000 فلان رجل الاعمال او الفنان ده00000
ولكل هؤلاء ولنفسي قبلهم اذكرهم بقول الرسول صلى الله عليه وسلم

كفى بالمرء إثما أن يحدث بكل ما سمع

وارجو رأيكم من هو أبو العريف وهل لازم يكون جاهل؟؟
لماذ ينتشر ابو العريف بيننا هل كلنا احيانا ابو العريف
وسأكمل الموضوع اليوم ان شاء السميع البصير

[محمد على ابوزياد]

المشاركة الأصلية كتبت بواسطة علاء سيف

وارجو رأيكم من هو أبو العريف وهل لازم يكون جاهل؟؟
لماذ ينتشر ابو العريف بيننا هل كلنا احيانا ابو العريف

السلام عليكم ورحمة الله وبركاتة
كثير من العامة متعلم وغير متعلم
ابو العريف وتجده ( محمد احمد المصرى) الشهير ( ابو ؟؟؟؟)
بطبيعتة يحب ان يتكلم فى اى شيئ يعلمة ولا يعلمة يزيد علية قنطارين او اكثر (يعمل من الحبة قبة) كما يقال فى الامثال
هكذا الانسان المصرى الا قليل
من يقول الله اعلم
جزاك الله خيرا على الموضوع
استاذ/ علاء سيف

[Observer]

لو كان أبو العريف أبو العريف فعلاً فدة شئ كويس

أما لو كان أبو العريف مش أبو العريف فمن هنا يبدأ الفشر !!

أبو العريف يعنى فاهم كل حاجة بجد

عن نفسى ياريت أكون أبو العريف فى يوم من الأيام

بس مكونش أبو لمعة .. فى فرق !!!

[شهدالجنة]

موضوع حلو جدا وفكرته جديدة

ماشاء الله تسلم ايدك

لوكان ابو العريف فعلا زى الاولانيين مش العامية

يبقى فعلا شخصية كويسة جدا والواحدلازم يحترمها

لكن ل فى زمنا دة ابو العريف معتقدش انى ممكن احترمه

[علاء سيف]

اولا مروركم يسعدني ويشرفني
ثانيا اريد ان اوضح اسباب وجود ابو العريف
مجتمعنا بيشجع هذة الشخصية وبيدعم وجودها وحتى انا وانتم احيانا نقع في أسر هذة الشخصي
وهاوضحلكم قصدي بسؤال لو واحد منا سأله طالب سؤال لا يعرفه او لا يذكره ماذا يفعل
في الدول الاوربية عادي جدا انك تقول مش عارف او الاستاذة شهد متخصصة في الجزء ده اكتر و هاخليها تشرح لكم
طبعا هنا مش كتير ممكن يعمل ده ومش كتير من الطلبة هايقدر ده
زمان اول ما عملت بالتدريس حضرت تدريب والمحاضر قعد نص ساعة يجاوب على السؤال ده
لو واحد منا سأله طالب سؤال لا يعرفه او لا يذكره ماذا يفعل
اكتر من طريقة للهروب بشياكة وذكاء لو حد عاوز اكتر من 10 طرق يقوللي ههههههههه
طبعا مع الخبرة اصبح لدينا الخبرة والجرأة ان الواحد يقول معرفشي
سبب اخر عدم الثقة في كل ما هو رسمي من كتر ما تعودنا منهم الكذب اصبحنا نبحث عن اي مصدر
غير رسمي حتى في النشرة الجويه

[nothing]

ههههههههههههه
يااااااه ليا ذكريات غريبه مع ابو العريف ده
تقريبا كل المصريين تحديدا ابو العريف
يعنى تلاقيه مثلا يشرحلك طريق وانت راكب العربيه وهو اصلا غلط بس لمجرد انه مش يطلع مش عارف يقوم يألف
او مثلا تلاقيه يشرحلك حاجات غريبه او انت اصلا عارفاها
يعنى قابلت كتير اوى
تسلم عالتوبيك

[Amethyst]

المصريين أحسن شعب يألف
أحسن شعب يخترع
ميبحش يقول : مش عارف
عارف يعني عارف
حتى لو مش فاهم حاجة
مرة سألت حد في القاهرة عن مكان
كان يوم أزرق يوم ما سألت
البت توهتني
و خليتني أدخل شارع طويل كده و خلاص
و أصلاً المكان مش في المنطقة كلها
حسبي الله و نعم الوكيل

ياما قابلنا
و لسة هنقابل

شكراً ع التوبيك
تسلم

[علاء سيف]

شكرا مرورك الكريم ياريتها ترسى على وصفة وشارع غلط
لا في دواء غلط
ودين غلط
وتعليم غلط

[علاء سيف]

[abosalah_crazyboy]

انا شايف ان الشعب كله بقى ابو العريف

كله بيفتي في أي حاجة

وكله بيفهم في كل حاجة

ومحدش بقى فاهم حاجة

ويا سلام بقى لو تقعد بعد صلاة الجمعة تلاقي بقى كبار المحللين السياسين بيناقشوا أكبر المشكلات اللي بتحير العالم وكل واحد بيقول رايه ............ وتلاقي الكل يقول أنا أري . في رأي . أنا شايف زي ما انا بدأت الرد بتاعي كده ) وعلى رأي الشيخ محمد حسان المذهب ( الأرآيتي )

وكله كوم بقى والحلاق كوم تاني ..... بيبقى يوم أسود يوم ما أروح أحلق

وطبعاً ده مش مرتبط بعلم أو جهل ..... الكل بيفهم حتى لو كان دبلوم زراعة ومش عارف يطلع منه

و أنا شايف ... إن السبب الرئيس في ده كله إن الناس بقى معندهاش ثقة في نفسها وكل واحد بيحاول يثبت انه الأفضل والأول والأحسن والأكرم ... إلخ

والسبب الثاني في رأيي ......... هو المرض الخطيييييييييير اللي إنتشر وهو الثرثرة وكثر الكلام ... الناس مبقتش تبطل كلام رغم إن ده غلط ........ قال صلى الله عليه وسلم : ( إن من أحبكم إلي وأقربكم مني مجلساً يوم القيامة أحاسنكم أخلاقاً ... وإن من أبغضكم علي وأبعدكم عني مجلساً يوم القيامة الثرثارون والمتشدقون والمتفيقهون

[التائبة الى ربها]

اه والله عندك حق
بس انا الحمد لله لغاية دلوقتى ما شفتوهوش

[basmet el rabi3]

جزاك الله خيرا ... موضوع هادف و قيم
أنا حصل معايا موقف غريب ... كنت أسير فى الشارع فأوقفنى رجل بسيط الهيئة و الحال و سألنى عن شارع لم اسمع بإسمه من قبل ... فاعتذرت له بإنى لا أعرف مكانه ... فنظر لى بقرف و اعطانى ظهره و هو يردد بصوت واضح : قال مش عارفة قال !!!
مشيت و انا باخبط كف بكف ... كان لازم أقول له أى حاجة حتى لو كانت غلط عشان سيادته ما يزعلش . عاوزة أقول إن بعض الناس بتغصب على الواحد إنه يعمل أبو العريف .

[Ahmed Salah kaseb]

محدش يعرف يكون ابو العريف
ويعرف هنتعين امتى