طب لو سمحتم اي مشاركه

[مسلم موحد]

فيا جماعة لما نطبق الاول حقوق الجار ونشوف الاخ ايلي ظالم اخوة في الارض وواكل حقة ويشوف كل واحد فينا ايلي له وايلي علية في الامر بالمعروف والنهي عن المنكر ونطبق كل دة

هنجد تلقائيا اننا تركنا اللحية .... والله العظيم كدة

بُص يا أخي الحبيب ،،
في ناس كتير للأسف عندهم المفهوم ده ،،
وهو إننا لما نطبق الأول كذا وكذا نبقى نلتحي !
طيب هل يمنع انك تطبق الأول كذا وكذا مع اللحية ؟
أكيد مفيش مانع ، وبدل ما اخد حسنة أخد حسنتين ، منبخلش على نفسنا من الحسنات دي جنة والجنة درجات ،،

غير كده انا مش بتكلم ان حد يلتحي دلوقتي حالاً مثلاً وإن كان ده أمر مطلوب ،،
اننا أول ما نسمع أمر النبي صلى الله عليه وسلم ننفذه ،،

زي بالظبط لو سألت نفسي سؤال ،،
وقلت لو أنا ماشي في الشارع ، وفجأة سمعت صوت من ظهري بيقولي ،،
يا فلان ، اعف لحيتك وحف شاربك !
ونظرت إليه فإذا هو النبي صلى الله عليه وسلم ،،

هل في الوقت ده هقوله ، بس يارسول الله انا لسه ما........وأصل أنا عندي........وأصل في...... ،،

لا والله وكلنا هيقول كده ، في ساعتها هقوله سمعاً وطاعةً يا رسول الله ،،

طيب يا أخي الحبيب ، ما هي هياها ،،
النبي مشافكش أكيد ، بس أمره موجه لي وليك ولكل المسلمين ،،
والنبي في أكتر من حديث أمر بإعفاء اللحية ،،

حتى وإن كان في ناس بيستغلوها غلط (ومبنكرش) بس ده مش معناه إني اترك أمر النبي عشان العذر ده ،،
وحط في دماغك إن النبي أمرك وجهاً لوجه ،،

كمان حاجة بسيطة للي مش مقتنع إن اعفاء اللحية واجب مثلاً ،،

أولاً في قاعدة في أصول الفقه بتقول : الأمر يُفيد الوجوب ما لم تأت قرينة تُحيله من الوجوب للندب ،،

بمعنى إن أي أمر من الله عز وجل أو النبي صلى الله عليه وسلم فهو واجب ، إلا لو في دليل من قول آخر أو فعل للنبي أو إقرار للنبي صلى الله عليه وسلم ينقل الوجوب للاستحباب ،،

مثال مثلاً ،، ربنا يوفقنا كلنا ، واحنا قاعدين في المدرج ،،
دخل الدكتور ، وقال يا فلان قم !

وفلان هو انا مثلاً !
ففضلت قاعد !!!!!

فالناس اللي حوالية وصحابي يابني قوم انت مش سامع !
اقولهم يا جماعة هو مش بيفرض علي اني اقوم ، لا ده بمزاجي عايز اقوم اقوم مش عايز عادي !!!


بالله عليكم هل أنا في الوضع ده عاقل ؟!!!
وكلامي مُقنع ؟!!!
ولا بتلكك ؟

بالظبط ،، النبي صلى الله عليه وسلم قال في أكثر من حديث "اعفوا ، وفروا ، أرخوا " اللحى !

كلللللللللللللللها بصيغة الأمر ،،

ومفيش قرينة تُحيله للندب ،،

يعني لا النبي حلق لحيته ، ولا في شاف حد حالق لحيته ومأنكرش عليه ،،

بل بالعكس ، ده لما دخل على النبي اتنين من المجوس -عبدة النار- وكانوا حالقين لحاهم ، ولم يحلقوا الشارب ،،

تأذى (دي لفظة الحديث) من منظرهم ! وقال ويلكم من أمركم بهذا ؟! قالوا ربنا -أي كسرى-


وحتى انت يا أخي قلت ، هتلاقي نفسك تلقائياً اننا تركنا اللحية ،،

ما ده اللي بتكلم فيه ،، ممكن تكون دلوقتي مش ملتحي ،،

لكن افرض انك بعد يوم يومين ، سنة سنتين ، أقل أو أكثر ،،
أردت أن تُنفذ أمر النبي باعفاء اللحية ،،

ليـــــــــــــــــــــــــــــه تلاقي شغلك عقبة ؟؟


بارك الله في الجميع ، وأتمنى إن وجهة نظري تكون وصلت .