مذكرات طالب فاشل

[dr\villa]

انواع البنات ( الكلام اللي هيتكتب ده يعبر عن وجهه نظري انا و اي تشابه بينه وبين الواقع .....مصلحه ههههههه)

بغض النظر ان كل بنات طب وحشيييين ....هحاول اكتب عنهم
النوع الاول :
اكتر نوع بكرهه ....النوع اللي هو شايف نفسه حلو ده ( والغريب ان هو الوحيد اللي شايف ...ما علينا )
النوع ده فيه كميه تناكه مش موجوده عند حد وبيبقوا فاكرين ان كل الولاد هتموت وتكلمها ( يا شيخه اتنيلي ...نكلمك ايه يابت ...يا بتاعت الميك اب اللي من علي الرصيف ) وتمشي بقي في الكليه وتعمل نفسها منفضه لكل الناس ولا حد فارق معاها في حاجه (الحقيقه انها هتموت وحد يكلمها ....وطبعا التناكه بتاعتها تمنعها انها تبدأ بالكلام مع حد ...خليكي ا بقي قابليني لو حد عبرك جتكو القرف مليتو البلد D: واصلا الولاد بيبقوا فاهمين النوع ده كويس عشان كده الكل لا يري لا يتكلم لا يسمع مع النوع ده وكمان بيتريقوا عليهم تريقه لحد ما يموتوا من الضحك ....فيه حركه انا وواحد صاحبي بنعملها مع النوع ده دايما (يبصلها وبعدين يبصلي ويضحك وبعدين انا ابصلها وبعدين اضحك ....بنحسسها انها مسخره ههههههههه)
وفي الغالب ...ما بيبقوش حلوين ....تبقي البت من دول طالع عينها ومحدش يرضي يبصلها وضاربه ميك اب ولينسيس وعامله بلاوي سوده وبتتنك كمان ...حاجه تحرق الدم والله ...وتلاقيها ملمومه علي كام واحده اقل منها في الجمال ( يعني ضايعييين خالص ) عشان تحس انها حلوه بقي وتتنك براحتها ...لكن لو هتصاحب بنات حلوه هيدوها علي دماغها
ويا سلام بقي لو مضطر تتكلم معاها عشان دراسه او كده لازم تجيب 100000 حجه عشان تكلمها والا مش هتصدقك وتقول انك هتمووووووت عشان تكلم معاك (وتسوق فيها بقي وتعيش الدور وتحكي للي الشله الهبله اللي معاها ...ده كذا هيموت ويكلمني ..بقي انا ابص للاشكال دي ههههههههه والواد يا عيني عاصر علي نفسه ليمونه وهو بيكلمها وقرفان منها ) والنوع ده بيمثل حوالي 40% من بنات الكليه ...ومعظمهم بيحاول يلفت النظر بأي طريقه ..بأستايل اللبس او بالمشيه او بأي حاجه هبله من شغل الفقع بتاع البنات ده )

وانصحكم بتجاهل هذا النوع ....عليكم بالتجاهل يا شباب ( اعمل برم وخليها تيجي لحد عندك زي الكلبه هههههههههه)

معلش يا جماعه .....طولت اوي في النوع ده ومكتبتوش بطريقه كوميديه (اصل فيه واحده من النوع ده متغاظ منها اوي اوي ....تخيلت انها قدامي وانا بشتمها ههههههههه خيالي واسع اوي )

يتبع بقيه الانواع ......(كتبت دي كده علي السريع D

[dr\villa]

النوع التاني :
النوع ده بيتكلم مع اي حد وبسبب ومن غير سبب (بحس فيه بشويه هبل ) بنسميهم في لغه الشباب ((مع الشعب كلو ههههه)) عن نفسي ما بحبش اتعامل مع النوعيه دي رغم انهم طيبييين اوي ومن اطيب انواع البنات بس الطيبه تصل الي حد السذاجه ....في الغالب بيبقي فيه شويه مرح في التعامل معاهم ...بيحاولوا يبقوا استايل لكن ما بيعرفوش بيبقي شكلهم وحش اوي :D ما علينا ....

انا اعرف واحده من النوع ده ....النوع ده فعلا ساذج اوي اوي اوي لدرجه ان احنا (الشباب يعني ) عرفنا الشخص اللي هي بتحبه !!!!!! مع ان ده عند البنات صعب اوي ان حد يعرف حتي اقرب صحابها لكن احنا عرفنا من التصرفات الساذجه جدا بتاعتها ....النوع ده ما بيبقوش من اوائل الدفعه (بيبقوا مقضينها وخلاص ...عايشين اللحظه يعني !!!!!)
لو عايز تتعامل معاها ....انصحك تبدأ بالكلام للمره الاولي وبعد كده نفض ولا كأنك تعرفها (خليك شاب اتم ...غلس ...بارد ) وهي هتعمل حجه عشان تكلمك بأي طريقه ...اسألوني انا !!!! ولو نفضت ...اعرف انك غلس فعلا والبنات مش عايزه تعرفك يا اهبل هههههههه
بس احسن حاجه في النوع ده انك ممكن تطلع منه بمصالح ....ما هي ما بتصدق يبقي فيه اي حاجه ترغي معاك فيها
وكمان ممكن برضو تعرفك علي صحابها الحلوين هههههه( وهنا يطبق الشباب ((اعرف الوحشه تعرفك علي الحلوه هههههه)) )
النوع ده حوالي 10% من بنات الكليه ....وعلي فكره ممكن تشتغلهم بسهوله !!!! ولو عايز حاجه الكليه كلها تعرفها ...قولها ...هما 5 دقايق وجمهوريه مصر العالميه كلها تعرف :D

صح ....قبل ما امشي يا شباب (ما تنساش تعمل برم وتخليها تيجي لحد عندك زي الكلبه :D)
سلاااااااااااااااااااااااااااااااااااااااام

يتبع .......باقي الانواع