الفرق بين المشجع و الكومبارس

[Golden Eagle]

بسم الله الرحمن الرحيم
يعني إيه مشجع النادي اهلي ؟؟؟
لغويا ً مشجع دي إسم فاعل من فعل رباعي شجع
يعني مشجع الأهلي شخص بيشجع الأهلي
يعني مالوش دعوة لا بزمالك ولا إسماعيلي
الدوري لو راح من الأهلي لا قدر الله مش هاتفرق بالنسباله راح فين
لأنه بيشجع الأهلي
و الأهلي اللي يخصه دا ضاع دوري
أنا عايز أقول إنك لما تشتم ف الزمالك و الاسماعيلي دا ماثبتش إنك بتحب الأهلي
أنا مش الواد العاقل في اللي ما بتطلعش منه العيبة أنا كنت باستمتع جدا ً لما أعمل الحركات دي
بس المهم ماتطلعش عن حدود الأدب
يعني تجيب واحد زمالكاوي تستفزه ماشي شغال ( بالمناسبة في واحد كان إسمه بودي ماحدش يعرف راح فين ؟؟؟ )
لكن ما تشتمش ولا تغلط
يعني مع كل إحترامي لمدرسة الإنجلش يعني إيه نحتفل بالسوبر ف عقر دارهم ؟؟؟ و هو حضرتك فرحانه بالسوبر علشان الأهلي أخدها ولا علشان تغيظي الزمالكاويه ؟؟؟
و هما الزمالكاوية هايتغاظوا ؟؟؟
ما هم متعودين إن الأهلي ياخد البطولات يعني مش جديد
و كلنا عارفين إن القصة مش بتفرق معاهم و مظاهر الفرحة المصطنعه دي بتكون للإستفزاز فقط و ممكن تنجح مع ناس و تفشل مع ناس غيرهم

الكومبارس بقي واحد بيكره النادي الفلاني أكتر ما بيحب النادي بتاعه
يعني لو في أهلاوي عايز الإسماعيلي أو الحرس يخسر ف أفريقيا يبقي كومبارس
و كل إسماعيلاوي رفع شعار رابطة ****وكا دا يبقي كومبارس


زتونة الموضوع
الاستفزاز طالما هاتستفز حد يبقي من غير غلط ولا شتيمة
حتي لو حد شتمك ( و الله حصلت معايا ) إفحمة بالأدب و إكسفه بردك و دا هايكون إستفزاز جامد جدا ً
لكن تشتم و تغلط و واحد طبعا ًًًًًًًًًًًًًًًًًيرد عليك و تولعوا ف بعض مش هاينفع
هايسئ للشخصيتين
يعني بصوا الموضوع دا
http://www.thanwya.com/vb/showthread.php?t=225780
و دا
http://www.thanwya.com/vb/showthread.php?t=228838
لولا السطر الأخير ف الموضوع الأولاني كان هايبقي إستفزاز فقط
كدا بقي سب و شتيمة
التاني إستفزاز بس من غير غلط



اللهم قد بلغت اللهم فأشهد

[Golden Eagle]

تحب تكون إيه




مشجع ولا كومبارس ؟؟؟
أفعالك هي الرد