تعالا ادى اهدأك لحد ... وماتتفرجش وتمشى

[samar saad]

سلام عليكم ورحمة الله وبركاته , ازيكم عاملين ايه يارب تبقوا بخير وسعاده دايما طبعا خلاص شهر رمضان قرب الحمد لله ومها قولنا ومدحنا فى الشهر ده لا يكفى طبعا , وكلنا طبعا بنحاول على قد مانقدر نتغير لو حاجه بسيطه عن اي شهر اتنى فى السنة طبعا بنصوم ونصلى وبنعبد ربنا سبحانه وتعالى حق عباده وفى طبعا اكيد كلنا بنحبه عشان بنشوف فيه ما الذ وطاب من المأكولات هههه بهزر طبعا بس فى ناس فعلا مش بتشوف الذ الماكولات اللى فى شهر رمضان


بنحس فعلا انه شهر ايامه ليها طعم , طب لو سألنا نفسنا ليه, اكيد طبعا عشان الدنيا بتبقى لهيانا ومعطلانا عن العباده الا طبعا فى ناس بتداوم دايما على طاعة ربنا, يمكن عشان كل واحد بيحاول يطور ويغير فى نفسه عشان ينال رضى ربنا سبحانه وتعالى , يمكن عشان الاهل بيتجمعوا والجيران والاصحاب والاصدقاء, الحقيقة هى دى النقطة اللى اانا كان نفسى اتكلم فيها ليه بننسا بعض طول السنة ونيجى فى الشهر ده نتجمع بس يمكن ربنا كان ليه رحمه بينا فى كده , والله واعرف ناس كمان مابيزوروش بعض فى شهر رمضان , انا بتكلم كده لانى فى ناس مفتقداهم بجد من اهلى وبتمنى الشهر ده يلم شملهم تانى


يا جماعه انا بجد نفسى كل واحد يدخل ويقرا الموضوع ده يهدى اهداء لحد من اهله او اسرته او اصحابه حد مفتقده بجد ويقوله رمضان كريم , نفسى بجد زى ما بنحس براحه وسعاده فى الشهر ده نفسى نحس بده طول السنة , يارب تدخل السعاده دايما فى قلوبنا وتجمعنا دايما على الحب والخير وياريت بجد الواحد فعلا بيزعل وبيضايق لما يتعب فى موضوع ويلاقى بتاع مليون مشاهده وواحد بس اللى رد انا مش عايزة شكر ولا مجامله انا عايزة كل المنتدى يدى اهدائه لحد , وانا بدى اهداى لكل اخواتى هنا فى المنتدى واهلى وحبايبى كلهم وبقول يارب دايما يجمعنا على الخير

[Free Love]

أنا بدي أهدائي لكل اهلي وحبايبي

[*سلسبيل الجنه*]

اهدائى لكل اصدقائى واهلى الاقربين
كل عام وانتم جميعا بخير واكثر اهتداء وانتظام فى قراءه القران

[samar saad]

امين يارب العالمين

[أ/رضا عطيه]

كل عام وأنتم بخير
ومجردمشاهدة وقر اءة الموضوع يضاف لكى ويؤكد جمال الموضوع
شكرا ياسمر على الابداع والجمال