الجزيرة الرياضية تشكو التليفزيون المصري للكاف

[wishmaster]

قدمت شبكة قنوات "الجزيرة" الرياضية شكوى للاتحاد الإفريقي لكرة القدم (كاف)، بعد منع التليفزيون المصري لكاميرات القناة القطرية من دخول ستاد "الإسماعيلية" لتصوير كواليس مباراة الإسماعيلي وشبيبة القبائل التي أقيمت مساء الأحد.وأضاف: نطالب في الشكوى بحقنا في تصوير كواليس المباريات القادمة من البطولة التي تقام بمصر، خاصة مباراة النادي الأهلي والنادي الإسماعيلي.
يذكر أن التليفزيون المصري أعلن أن قنوات "الجزيرة" لا يحق لها سوى نقل فترة المباراة فقط، منذ صافرة البداية إلى صافرة النهاية، أما كواليس قبل وبعد المباراة، فلن تذاع إلا من خلال "ستاد النيل" على قناة "نايل سبورت".

وقد أرسل التليفزيون بالفعل خطابات رسمية للجهات المعنية بالإسماعيلية، تطالبها بعدم السماح لأي قناة بتغطية كواليس قبل وبعد المباراة غير قناة "نايل سبورت"، وعدم السماح لأي قناة خاصة بتلك التغطية حتى لو كانت قناة الجزيرة صاحبة حق البطولة الإعلامي.

[MR : ABO BATTA]

وما دخل الجزيرة في ذلك هذه خصوصيات وليس لكم الحق في نقل الا ال 90 دقيقة فقط

[wishmaster]

لا ليها الحق يا استاذ انها تذيع التسعين دقيقه والي بعدها من لقاء في الاستاد كمان بس انت عارف المشاكل بين الجزيره واتحاد الاذاعه والتلفزيون المصري وحجات تانيه مع ان اما كنتartهي الي بتنقل كانت بتعمل لقائات عادي يعني

[أ/رضا عطيه]

المباراه التى تكون فى مصر ليس لها الحق يا أستاذ

وده شرط موجود فى المباريات داخل مصر وهذه الشكوى مثل منعها من تصوير مظاهره داخل مصر--

وعملت إيه الجزيرة مع قنوات نيجيريا وأنجولا وموريتاني اللى ذاعت البطوله الافريقيه وكأس العالم كله على الهواء مباشرة

غير اسرائيل وأمريكا وأوربا اللى شاهدوا المباريات بدون مايدفعوا مليم

راجع المباريات اللى اتذاعت على فضائيات الجزيره المفتوحه هتلاقيهم الـ22 مباراة اللى اشتريتهم مصر تفتكر ليه؟

هى دى الجزيره اللى بتشتكى مصر لسبب من حقها

ولم تفكر حتى فى محاسبة أولوم من سرق حقها فى بث كل مباريات كأس إفريقيا وكأس العالم وعلى الفضائيات كمان

شكرا على الموضوع الجميل وجزاك الله خيرا

[honda]

هو دة الكلام المظبوط
كفاية عليهم نقل المبارة فقط
اما التحليلات يخلوها من من داخل الاستوديهات

وخلى الباقى خاص بينا احنا
حلو الموقف دة من اتحاد الاذاعة

وكمان ياريت مايبقاش فى تفاعل من الجماهير المصرية مع مراسلهم
لانهم زادوا عن حدهم مع مصر
وخصوصا المذيع ثقيل الدم

[Golden Eagle]

المشاركة الأصلية كتبت بواسطة wishmaster

لا ليها الحق يا استاذ انها تذيع التسعين دقيقه والي بعدها من لقاء في الاستاد كمان بس انت عارف المشاكل بين الجزيره واتحاد الاذاعه والتلفزيون المصري وحجات تانيه مع ان اما كنتartهي الي بتنقل كانت بتعمل لقائات عادي يعني

مالهاش الحق غير ف الماتشات اللي برا مصر بس

[wishmaster]

بس مش هي المفروض الناقل الرسمي للبطوله يعني يبقي ليها الحق يعني

[أ/رضا عطيه]

الناقل الرسمى للمباريات الـ90دقيقه ياأستاذ

وعندى سؤال برىء
ليه الجزيره اللى من حقها نقل اللقاءات قبل وبعض المباراه
ليه مانقلتشى إستقبال جماهير الاسماعيلى الكبير للفريق الجزائرى
قبل المباراه وبعد المباراه ولو بالتليفون المحمول زى ماعملوا فى مظاهرات الأسكندريه
ولتعلم أن لها فى كل مكان أكثر من عشرين مراسل - لو عايزين يصفو ا الخلاف بينا وبين الجزائر
كانوا عرضوا ماحملته كاميراتهم الخفيه --- لكن ركزوا على قطع الكهرباء فى الملعب لمدة نصف دقيقه
فى حجرة الملابس وعملوا منها حكاية- ليه وإزاى؟

أرجوك بلاش تدافع عن الجزيره لأنها لاتريد الخير لأى مصرى
مش حضرتك مصرى برضه
شكرا على الخبر وجزاك الله خيرا

[wishmaster]

يا استاذ والله العظيم اكره قناه عندي هي الجززيره وعارف كل الحجات دي بس كنت بسال مش اكتر
وانا مصري ياعم ومن المنصوره كمان

[أ/رضا عطيه]

من المنصوره أهلا وسهلا
والمنصوره وطنطا ولاد عم
ولو من منية سمنود
تبقى خال الأولاد كمان
شكرا لك وتسلم يا أستاذ

[MR : ABO BATTA]

المشاركة الأصلية كتبت بواسطة wishmaster

يا استاذ والله العظيم اكره قناه عندي هي الجززيره وعارف كل الحجات دي بس كنت بسال مش اكتر
وانا مصري ياعم ومن المنصوره كمان

يا مرحب بالمنصورة وناسها
انا بقى شهريا بكون في المنصورة لأنهم أخوالي ولو انت من المنصورة نفسها يبقى اكيد تعرف شارع الجلاء اللي هم ساكنين فيه
عموماً قناة الجزيرة بتكره مصر وعلى رأي المثل حبيبك يبلعك الزلط وعدوك يتمنى لك الغلط
وهي بتتصيد الأخطاء من مصر فقط وتغض النظر عن باقي الدول