لو سمحتو محتاجه مساعدة ضرورى اوى

[الدنيا هى سمسم]

انا اخويا فى ثانيه ثانوى وهو علمى بس جاب 75 فى الميه
لا نه لعب طول السنه مع انه دايما كان الاول على مدرسته او التانى وعمره ما قل عن كده
بس لعب و دلوقتى نفسيته وحشه اوى وعلطول بيعيط عشان ضيع نفسه وكان عاوز يدخل هندسه

لو سمحتو هو ينغه يعيد سنه تانيه تانى؟؟؟؟

لو ينفع
ازاى ؟؟؟

وبجد محتاجه رد ضرورى عشان حاسه انه هيتعب نفسيا خالص كده ومدمر خالص


جزاكم الله خير

[samar saad]

على فكرة كده غلط اللى بيعمله وبعدين هو زعلان ليه مش هو اللى عمل كده فى نفسه يعنى كل واحد لازم يتحمل نتيجة غلطه المهم ان الواحد مايبكيش على اللى فات بس انا مش عارفة والله هو ممكن يعيد ولا لا

[الدنيا هى سمسم]

مرسيه سمر

شكرا لمرورك

[الدنيا هى سمسم]

مش معقوله 24 مشاهدة ومفيش رد

طيب اللى عارف انه مثلا ما ينفعش حتى يقول

او لو حد عارف انه ينفع ياريت يفيدنى بسرعه لو سمحتو ربنا يكرمكم

[Jehad Mohamed]

على ما اعتقد انه ينفع يعيد انا زميلتى مدخلتش الا امتحان العربى بس

وبقيت الامتحانات مدخلتهاش وهتعيد تانى السنة

لكن غير متاكده بالظبط ولكن هو اللى عمل فى نفسه كده

كل واحد يتحمل عواقب نفسه

ولكن ربنا معاه ويوفقه

[NeVeR CoMe BacK]

شوفى علا حد علمى انه طالمل نجح فى كل المواد مش هينفع يعيد السنة تانى هو كان ينفع يأجل من الاول لكن دلوقتى هو خلاص نجح فمش هينفع يعنى هو دلوقتى خلاص بقا فى تالتة

[Dr/Diroooo]

معلش بس هو مينفعش لانه دخل كل الامتحانات
ممكن يكمل ويقسم السنه الجايه ويحاول يشد حيله بلاش يضيع مستقبله فى اللعب
د:هدير

[**اية]

اولا ده نصيب واللي هو بيعمله ملهوش لازمة الان

بس خليه يركز في سنة 3ث وممكن ربنا يوفقه في حاجة تانية مش علي باله ويتفوق فيها

ثانيا بالنسبة لاعادة السنة فلا يمكن طالما دخل كل الامتحانات

وربنا يوفقه إن شاء الله