"تنسيق الثانوية العامة" ( استفسارات تم الاجابة عليها ) (موضوع تجميعى )

[جيرسى]

اولا انتى مش فاشلة لان الكلمة دى كبيرة ولازم يبقى عندك طموح وهدف ....... ثانيا ودى الاهم العملية حكاية نصيب واللى ربنا كاتبة ليكى حتشوفية.....انتى اكتر واحدة عارفة انتى قصرتى فى اية السنادى فلازم تصلحية وان شاء الله تزيدى ...........وانتى شايفة انتى ليكى رغبة انك تكملى رياضة 2 كملى وتزيدى اصل رياضة 2 يعنى هندسة لا حاسبات ومعلومات ولا عندك راى تانى غبر الكليتين دول
ولو برضة ادبى عادى بسى اهم حاجة انتى ميولك حفظ
يعنى بتعرفى تحفظى لو بتعرفى ادخلية وان شاء الله تزيدى كتير فية لان اللى بيدخل ادبى بيزيد وصلى استخارة....دة اللى اقدر اقولة ليكى وربنا يقدملك الخير دايما

[Mistakable]

اولا تقدرى تقولى على نفسك فاشلة فى حالة انك محاولتيش انما المحاولة بتلغى الفشل

و على فكرة اكبر غلط ان الواحد يقولك انا مجبتش مجموع فى تانية يبقا احول ادبى, تالتة محدش يقدر ينكر انها اصعب من تانية بس الصعوبة دى بتختلف من واحد للتانى فية ناس بتحب الفيزياء والرياضة اللى هما اصعب مادتين فى السنة وبيجيبو فيهم اكتر ما كانوا ممكن يجيبو فى مواد ادبية
وبعدين فى علمى لو حالتك المادىة كويسة حتقدرى تدخلى جامعات خاصة احسن من الهندسة الخكومى وعلى اقل تقدير بتلاقى قدامك كليات تانية زى علوم

على العموم اسئلى نفسك
ياترى انتى ادلعتى السنة دى ودة مش الطبيعى بتاعك ولا كان فية اى ظروف منعتك انك تجيبى مجموع اعلى و ياترى انتى بتحبى المواد اللى فيها تفكير ولا مش بتحبيها اكيد طبعا شفتى الكيمياء والرياضة 1 وكل المواد العلمية بتعتمد على الفهم والحفظ

واخر حاجة عايز اقولهالك الثانوى العام دة لعب عيال بالنسبة للجامعة خصوصا لو حتدخلى كلية علمية

بس اهم حاجة متضحكيش على نفسك واختارى اللى حاسة انك حتقدرى تكملى فية وان شاء الله خير

وعلى فكرة انا سمعت ان التحويل من علمى لــ ادبى او العكس اتلغى شوفى الموضوع دة قبل متفكرى فى اى حاجة