يا ريت لو سمحتوا لو حد يقدر يساعدنى ويقول لى رايه

[m e y a]

أنا والحمد لله على كل حال لانى مقدرش اقول اكتر من كدا جبت للاسف 81 مش عارفة اعمل ايه احول رياضة ولا ايه لانى شايفة كتير هيحولوا رياضة يعنى ممكن يرفعوا مجاميع رياضة وايه الانسب ليا وهل ممكن الحق اى كلية محترمة ........ مع العلم انى مظلومة فى الكيمياء و الرياضيات ........ وهل اعمل تظلم ولا لا ........ وهل ممكن يكون المجموع ده فيه خير ليا لانهم بيقولوا كل شىء ربنا مقدر فيه حاجة خير ...... اعمل ايه يا جماعة ساعدونى لو سمحتوا

[*يارب نور دربي*]

السلام عليكم ورحمة الله وبركاته

اولا بالنسبه للتحويل فرياضه مش سهله ومش صعبه كل الحكاية عايزه مخ شغال وروح طويله وذكاء وكدا فاذا كنتي عارفه انك هتقدري تحققي انجاز ف علمي رياضه كملي رياضه وان شاء الله هتطولي كلية محترمه

ثانيا التظلم بقي انا محتاره زيك بردو مش عارفه اعمل ايه تظلم ف الكيميا والجبر والفرنساوي

بصراحه مش عايزه اروح والف واتعب وف الاخر اتصدم تاني ومخدش درجات فانا لسه والله النهارده باذن الله هصلي استخاره واشوف حكاية التظلم دي وال ربنا عايزه هيكون

ربنا يستر والف مبروك

ع فكره انا كدا كدا الحمد للله قررت اكمل علمي رياضه وان شاء الله بردو هبدأ من دلوئتي اشوف المنهج فيه ايه لان ف ميكانيكا وحاجات تانيه كتير كدا فانا هبدأها من دلوئتي كتسليه كدا والحمد لله بعرف اذاكر لوحدي وكدا

فانا هبدأ من دلوئتي علشان اعوض ال ضاع مني وال اتظلمت فيه

[AMAR ELLYALY]

ربنا معاكى افضل من أى شىء وأن شاء الله يكرمك

[naira1]

العقل بيقول ع الأدبى على طول .... وده ان شاء الله خير لك

[احمد005]

انا برضة 81
بس علشان اصلا اللي خلى مجموعي كده الرياضة
فصعب خالص احول رياضة

يعني لو انتي شايفة انك هتبقى قد رياضة اتنين والفيزيا وهتقدري تعملي فيهم حاجة
يبقى توكلي على الله وشدي حيلك جامد في تالتة

[Retaa]

انا يا جماعة جبت 87% وكنت عاوزة ادخل علمي علوم بس انا كدة خايفة اني مادخلش كلية عدلة وعشان كدة قررت بعد ان هداني ربي إلى علمي رياضة مع إني مظلومة فيها جامد هما مديني 17 وانا المفروض اجيب 21 يعني مظلومة 4درجات في الرياضة و كمان الكيمياء جبت 42 مع إني حليت كويس جدا والمفروض اجيب 48 يعني مظلومة 6 درجات و في الفرنساوي جايبة 46.5 والمفروض اجيب 49 يعني مظلومة في 2.5 يعني مجموع الدرجات اللي استحقها 12.5 يعني المفروض اجيب 193 بلا من 180.5 شفتوا الظلم اللي انا فيه

اما بالنسبة للتظلم فهو لا يفيد بس انتوا بتدفعوا فلوس عشان تتحسروا على الدرجات الضائعة يعني اخي مثلا عمل تظلم وكان المفروض يدخل هندسة عين شمس و بعد الظلم دخل علوم حلوان

عاوزين تستردوا درجاتكوا بجد ارفعوا قضية بمحامي كويس هيردلكوا الحق الضائع انا زميلة ماما عملت كدة واستردت 9 درجات و بنتها دخلت صيدلة


مع تحيات المظلومة دائما

[m e y a]

شكرا والله ليكوا يا جماعة الف شكر بس هل لو كل الناس كدا حولت رياضة مجاميعها مش هتعلى فى التنسيق