ردوااااااااااااااااااااااا رجااااااااااااء

[CaStLeS In ThE AiR]

السلام عليكم
ازيكوا يا جماعه
أنا ناويه أعمل تظلم في الانجلش انهارده
المشكله اني سألت كذا حد و كل واحد بيقول كلام شكل
اللي يقول أروح الكنترول و اللي يقول الإداره و اللي يقول المديريه ده المدرسين نفسهم مش عارفين
يا ريت يا جماعه حد متأكد 100% يقول التفاصيل و ربنا يكرمه و يقول ممكن أروح من الساعه كام لكام؟"

[msh-tlba]

بص يا اخت عبقرية الكيمياء

دة خبرة من جريدة الاسبوع الالكترونية و موجود في اليوم السابع و جرايد تانية كتير


قرر الدكتور أحمد زكي بدر وزير التربية والتعليم فتح باب تظلمات الطلاب من نتيجة الثانوية العامة اعتبارا من الاثنين ولمدة أسبوعين.، كما يلقي بيانا حول نتائج الثانوية العامة لهذا العام بمرحلتيها الأولي والثانية وأسباب إنخفاض نسبة النجاح فيهما.
ووافق الوزير علي الضوابط الجديدة لإعادة رصد الدرجات وهي أن تتضمن قيام الطالب بتسديد رسم قدره مائة جنيه عن كل مادة لحساب صندوق دعم وتمويل المشروعات التعليمية بأحد البنوك الوطنية وأن يتم التقدم بطلب لمندوب لجنة النظام والمراقبة بالمديرية التابع لها الطالب.
كما يقوم مندوب اللجنة بتحديد موعد للاطلاع علي صورة ورقة الاجابة ولن يسمح للطالب بالتخلف عن الموعد المحدد له ولا يحق له الحضور في موعد اخر، وفي حالة تخلف الطالب عن هذا الموعد يسقط حقه في الاطلاع ويتم الاطلاع علي صورة ورقة الاجابة للطالب بمقر لجنة النظام والمراقبة حسب الموعد المحدد ويسمح للطالب بالدخول مع احد والديه او ولي امره القانوني فقط ولا يسمح باصطحاب التليفون المحمول اثناء الاطلاع.
ومن المقرر ان يلقي الدكتور أحمد زكي بدر بيانا الاثنين أمام إجتماع لجنة التعليم والبحث العلمي بمجلس الشوري برئاسة الدكتور فاروق إسماعيل رئيس اللجنة، يتناول فيه نتائج الثانوية العامة لهذا العام بمرحلتيها الأولي والثانية وأسباب إنخفاض نسبة النجاح فيهما.

وكان وزير التربية والتعليم إعتمد أمس نتيجة الثانوية العامة، حيث بلغت نسبة النجاح في المرحلة الثانية 5ر50% وفي المرحلة الأولي 3ر72% .

http://www.elaosboa.com/elosboaonlin...age=fadingnews

[msh-tlba]

بس بيني و بينك كدة هل انت شايفة ان التظلم هيجيب نتيجة

انا ناقص درجتين ظلم فيه
مع اني كنت غلطان غلطة واحدة بنص درجة بس
و جبت 23

و في الكيميا ألعن
مكنتش غلطان في الست اسئلة كلهم
و جبت 48 و نص

و المحصلة النهائية طلعت 199
بعد ما كنت متوقع 202 علي الاقل

[*يارب نور دربي*]

سؤال سؤال سؤال


انا عايزه منكم طلب صغنن لو سمحتو ممكن حد يبعتلي لينك عليه حل امتحان الكيميا والفرنساوي

[جيرسى]

ادخلى من الجوجل على شبكة الاستاذ التعليمية وحتلاقى كل نماذج الاجابة لجميع المواد وبالتوفيق ليكى؟؟؟؟

[CaStLeS In ThE AiR]

المشاركة الأصلية كتبت بواسطة msh-tlba

بس بيني و بينك كدة هل انت شايفة ان التظلم هيجيب نتيجة

انا ناقص درجتين ظلم فيه
مع اني كنت غلطان غلطة واحدة بنص درجة بس
و جبت 23

و في الكيميا ألعن
مكنتش غلطان في الست اسئلة كلهم
و جبت 48 و نص

و المحصلة النهائية طلعت 199
بعد ما كنت متوقع 202 علي الاقل

أنا جايبه نفس المجموع 199
أنا معتقدش اني ممكن أجيب درجات مش عارفه إحساس و خلاص
بس المشكله كان عندي غلطه بنص و خطي حلو و كله زي النموذج ألاقي نفسي جايبه 23.5
بس حتي أعرف دول راحو فين بس لو غلطه في جمع الدرجات تاخد درجاتك

[msh-tlba]

المشاركة الأصلية كتبت بواسطة عبقرية الكيمياء

أنا جايبه نفس المجموع 199
أنا معتقدش اني ممكن أجيب درجات مش عارفه إحساس و خلاص
بس المشكله كان عندي غلطه بنص و خطي حلو و كله زي النموذج ألاقي نفسي جايبه 23.5
بس حتي أعرف دول راحو فين بس لو غلطه في جمع الدرجات تاخد درجاتك

انا راجعت كله حسب نماذج الاجابات بتاعة الامتحاات اللي جاية من الوزارة و توقعت مجموعي كدة

بس اللي خايف منه لو فكرت اني اروح اتظلم ... انهم يقولوا دة تقدير مصحح و احنا ملناش دعوة بفنيات التصحيح و الاسئلة



يعني لو حظنا كان وقع في مدرس بينهق و مفهمش حلولنا و راح منقصنا ... يبئا عوضنا علي ربنا

[msh-tlba]

ملاحظة

توقعت مجموعي كدة


معناه اني توقعته 202 كحد ادني ممكن

بس نقول اية !!!!!!!!!!!!!!!!!!!!!!!!

[CaStLeS In ThE AiR]

المشاركة الأصلية كتبت بواسطة msh-tlba

انا راجعت كله حسب نماذج الاجابات بتاعة الامتحاات اللي جاية من الوزارة و توقعت مجموعي كدة

بس اللي خايف منه لو فكرت اني اروح اتظلم ... انهم يقولوا دة تقدير مصحح و احنا ملناش دعوة بفنيات التصحيح و الاسئلة

يعني لو حظنا كان وقع في مدرس بينهق و مفهمش حلولنا و راح منقصنا ... يبئا عوضنا علي ربنا

المشكله انها في الانجلش بالذات ده تصحيحه دايما حلو و المستر بتاعي قاللي لازم تراجعي

[CaStLeS In ThE AiR]

المشاركة الأصلية كتبت بواسطة msh-tlba

ملاحظة

توقعت مجموعي كدة


معناه اني توقعته 202 كحد ادني ممكن

بس نقول اية !!!!!!!!!!!!!!!!!!!!!!!!

أنا حسبت لنفسي 201 بس نعمل ايه الحمد لله كده أحسن من ناس كتير

[alsakr30]

ظلم ظلم هذه السنة كلها ظلم
ليه كده

[msh-tlba]

المشاركة الأصلية كتبت بواسطة عبقرية الكيمياء

المشكله انها في الانجلش بالذات ده تصحيحه دايما حلو و المستر بتاعي قاللي لازم تراجعي

لو كلامك مضبوط كدة يبئا انت كدة شجعتيني اتظلم فعلا في الانجليزي

و اكيد هتظلم في الكيميا لو وضع التظلمات هيتغير و هيكون في صف الطالب في ظل هذا الوزير - رعاه الله - ههههه

بس صدقوني ممكن يكون كدة فعلا


عشان هو اول ما جه كان وافق مع الطلبة جامد اوي

و يمكن صعوبة الامتحانات و غباء التصحيح دة مش من اختصاصه .... يمكن الموجهين و المدرسين حبوا يغيظوه فطلعت فوق دماغنا احنا
و بخصوص تحديه لطلاب الثانوية بصعوبة الامتحانات دةكان فرقعة اعلامية مش اكتر من الصحف

جايز ناخد حقوقنا


يارب

[الأستاذة أم شاهندة]

ربنا معاكم
وقلبى معاكم
بالتوفيق للجميع

[Mohamed Omran]

يا جماعة الى حاوز يتظلم يتظلم

صحيح متعرفوش التظلم هيبقى ازاى فى ظل الوزير ده

ده صارف للمدرسين اللى بيصححوا مكافآت كبيرة

عشات يتأنوا فى التصحيح

وكل طالب ياخد حقه

حتى لو لم يعطوك حقك

وانت مثلاً كاتب صح والمدرس معلملك خطأ واللى بيراجع الورقة يقلك مليش فى كده

انا براجع التجميع بس

ومعرفتش تاخد حقك

ارفع قضية

وهتاخد حقق


انا اعرف واحد راجع الإحصاء فى سنة مرتين ومرجعش ولا درجة

رفع قضية ورجعله نص درجة وغير الكلية فى وسط الدراسة


يعنى ما تسبش حقك