طرائف وعجائب وغرائب من حياتي ...!!فماذا عنكم !!

[AHMED ELSHEREEF]

المشاركة الأصلية كتبت بواسطة عمدة الثانوية

اسمحولى بقى احكيلكو موقف حصل معايا
مرة وانا فى تالتة اعدادى فى آخر السنة يعنى أيام الفوضى بس المدير كان مشدد قوى على حكاية الهروب دى وكل يوم بعد الفسحة يمر عالفصول ... المهم فكرت أهرب من المدرسة لأنه كان عليا حصة انا مبحبش المدرس بتاعها المهم عملنا الخطة انا وصحابى ونزلنا بعد الحصة الاولى وحاطين الكتب بتاعتنا فى بطننا تحت التيشرتات علشان محدش يكشفنا ...نصاحة بقى...المهم وصلنا سور المدرسة بنجاح وتم البدء فى تنفيذ العملية نط اول واحد والتانى والتالت وانا طبعا اللى برفعهم وانا اخر واحد يامعلم .....متخافوش محدش مسكنى بس كان الاستاذ اللى عليه الحصة طالع عالسلم وشافنى من شباك كبير عالسلم راح نده عليا هو عارفنى طبعا بس اللى هو يعرفة ان الواد عماد ده بريمو ومؤدب وقدوة لزمايله ...ههههههههههه..... اصلى كنت بقعد ساكت فى حصته لانى مش عارف حاجة وهو فاكرنى مؤدب .....المهم علشان مطولش عليكم بعد مانده عليا وانا فوق السور قلى رايح فين قلتله مروح يابييييييه ورحت ناطط ورا صحابى ...طبعا كملت باقى اليوم بره البيت وروحت فى معاد المدرسة
واليوم طبعا عدى بسرعة بعد الليل ما ليل راح ابويا كان راجع من صلاة العشاء راح قالى انت جيت البيت الساعة كام قلتله الساعة كذا المهم قالى انت كداب وانت هربت من المدرسة وكده المهم اترنيت علقة موت تانى يوم اقنعت ابويا ان الطلبة كلهم بيهربو وان الاستاذ ده متغاظ منى مش عارف ليه وهربت تانى يوم وكان ابويا عارف طبعها ده كان اخر يوم ليا فى المدرسة ومش هروح تانى غير فى الامتحانات رحت مهزق الاستاذ تهزيقة تمااااااااااااااام ورحت ناطط ورا صحابى برضو ورحت واخدها جرى عالبيت راح الاستاذ بعت ورانا فراش المدرسة علشان يجيبنا بس على مين ده احنا نسبق الهوا الطاير وطبعا انا اكتر من خمسة والفراش واحد رحنا مسكنا فى حتة وقلناله هنموتك وهنعمل فيك ونسوى وخليناه يرجع يقول انه ملحقناش وروحت ساعتها راسى مرفوعة مترين فوق راسى من الفرحة ............. يلا ربنا معانا

دا انت زيي بئا يا عمنا عماد
انا برضه كنت قائد حملات الهروب في المعهد
وكان السلم جنب مكتب شيخ المعهد
بس الحمد لله ولا مرة اتقفشنا هههههههه
يللا عايزينك تقوللنا مواقف تاني
وفين باقي الاعضاء؟
انا بسوّق للموضوع نيابة عن صاحبته
بعد اذنها طبعا ههههههه