موضوع ... يقبل اختلاف الاراء , امتحان التفاضل 2010 م. اولي

[a7mad 3abdo]

بصراحه كده ,
انا شايف ان الامتحان بتاع التفاضل و حساب المثلثات كما ينبغي ان يكون الامتحان
يا جماعة مش لازم كلنا نجيب 25
نفرض انك جبت 21
بس انت احسن من اللي جاب 25 في السنوات السابقة
لانك جبت 21 عن تفكير
الامتحان محتاج تفكير و ابداع من الطلاب
يجب التفكير في المسأله , و اهمال القوانين اللي انت حافظها لبعض الوقت
و تكيف المسأله عشان توصل للحل .
بس , هو انا عندي اعتراض بسيط ...
انا لا اعترض علي نظام الوزير في الامتحانات , لكنني اوافق معه و بشدة
لكن ,
امتحان شعبه علمي يجب ان يختلف عن امتحان شعبة ادبي
مع الاتفاق في نفس المنهج
بس لازم طلبة علمي يتدربون علي المسائل الصعبة
و ليس الغرض من المسائل الصعبه من باب عداء للطلبة او كرههم
مصلحة الطالب هي هدف الوزير
انظر الي حال طلبة كلية الهندسة
كتير منهم مستواهم مش تمام , و دا عشان هما مش متأسسين صح
عايزين حاجة تميز الطلاب
مش معقول كل الطلاب هيدخلوا هندسة او طب
و باقي الفروع ؟؟ مين اللي هيدخلها !!!
انا منتظر اراءكم !! بس بالراحه عليا

[tieto]

على فكره الامتحانات كانت عايزه وقت علشان نفكر بس مفيش وقت ده حت ال ساب حاجه فى الاول علشان يحلها فى الاخر ملحقش ولا حتى لحق يراجع الحل الى حله والله حرام ساعتين فى امتحان عايزتفكير بس مش اكتر دولى يدوبك علشان تحل الى عارفه وتتاكد انه صح اما بقلى التفكير والابداع ياخد اد ايه؟؟؟؟

[elsayed2]

انا عليز اسأل الاول ماذا اعطت الوزارة هذا العام من مسائل محترمة زى الامتحان على حد قولك الاول علم صح وبعدين شوف

نتاج التعليم ثم ثم فيه مثل بيقول لا يوجد قائد ناجح وجنوده فاشلين يعنى المفروض لو نتيجة وحشة يحاسب عليها القائمين على التعليم واولهم الوزارة واحب اقولك حاجة مهمة ان فى سنة من السنين وزير التعليم فى بلجيكا قدم استقالته بسب قيام طفل فى الروضة بخنق بطة تصور ده الفرق بيننا وبينهم

[وجه جديد]

والله يا جماعة انا شايف ان الامتحان الي حد ما كويس انا مقولتش سهل يا جماعة المفروض ان دة امتحان رياضه يعني طبيعي محتاج تفكير و تركيز حررررررررام الامتحان ده يتحل في ساعتين بس و حتي لو اتحل في ساعتين هيبقي من غير مراجعه و طبعا احنا بشر و مفيش بشر مش بيغلط لو هو عايز يشوف الطالب المتفوق و الضعيف كان يجيب الوقت علي اد الامتحان بصراحه الامتحان كان محتاج كمان نص ساعة بس

[mera_mar21]

هو فعلا مشكله الامتحان الوقت بس والله وانا بحل متاكده انى مش هلحق اراجع علشان كده كنت بحل واتاكد علطول وكمنان التوتر الى خلانى جبت مطاليب فى مساله المماس السؤال الخامس هو مش عايزهااااا وده خد منى وقت وملحقتش اراجع الباقى وربنا يستررر
********بس استفسار بسيط هى نهايات السؤال الاول الاجبارى عليها كام**********
الحمد لله قدر الله وماشاء فعل

[أحمد حسن أ]

[quote]
إلى متى يتم تسييس التعليم فى بلدنا عام يكون الامتحان مباشر وإذا تغير الوزير كان الامتحان صعب والوالدين تشرب المر ومكتب التنسيق مش هيرحم، وبعدين مغلبين نفسكوا ليه إذا أردت القضاء على أمة فعليك بتدمير الصحة والتعليم وهذا ما نجحوا فيه ، واللى هيقول غير كده يبقى منافق درجة أولى

[ساندى!]

عندك حق فعلان يا احمد

بجد حرام عليهم اوى اللى بيعملوه ده

[sabryhamed]

وإيه ذنب الأدبى

[mansho]

اة صحيح اية ذنب الادبى

[اللمبودى]

ايه أدبى وأيه علمى مش كله نفس المنهج ياسيدى وكمان ممكن طالب الادبى يكون متميز فى" الرياضيات" بالذات أكثر من طالب العلمى وموضوع أدبى وعلمى ده حسب ميول الطالب

[Amr Bn Hassan]

مهوش مش هيجيوا علينا وفي السن ده وبعد ما عدينا ابتدائي و اعدادي وثانوي ونقول محتاجين تأسيس كان فين ده كله من بدري ولا هما علشان يظبطوا خطة التعليم يخلونا بعد كل امتحان نطلع مبقتش فارقة معانا خلاص !!

[ايه ايوش]

امتحان التفاضل كان روعه كله من كتاب المدرسه و من الدليل بس هوه كان عاوز نص ساعه كمان مش اكتر علشان نراجع على الى احنا حلناه مش اكتر لكن هوه كان جميل جدا البركه فى استاذ جمعه

[ENG.HAGAR]

السلام عليكم
من الملاحظ ان امتحانات الرياضيات بتجمع درجات معقولة
لان على كل خطوة درجة
وسبحان الله الواحد ممكن يدخل مادة مطمن لها جدا ويلاقى الامتحان مش فى مستواه
وممكن يدخل امتحان خايف منه بعدين يلاقى الامتحان كويس جدا
وده حصل فى امتحان الانجليزى الواحد بقالة سنين متعلم انجليزى ودخل الامتحان ولا زى طفل اول مرة يدخل امتحان
وبعدين امتحان التفاضل مش كله صعب
ممكن الواحد فيه يجمع درجات عن طريق وضع خطوات يمكن المصحح تعجبه طريقة تفكير الطالب وتبقى فى صالحه
وسبحان الله ان مثلا فى مسألة النهايات اللى هى اسهل منها ما فيش قسمت وكل حاجة ونسيت اربع !!
يعنى اسهل حاجة غلط فيها
وربنا يستر على الاخطاء الباقية
مع انى متعودة على النمط ده من الاسئلة
وسبحان الله قدر الله وما شاء فعل !
وربنا يبارك فى المدرس اللى كان بيعلمنى رياضيات 1 ممتاز .
ربنا يوفقه ويوفق كل المدرسين امثاله والافضل منه .
وبالنسبة للسؤال الخامس ده تراكمى .
وكان غالبية المدرسين وضعوه فى اعتبارهم لانه موجود امثاله فى التقويم على حد علمى .
بالنسبة للسؤال الرابع ده اعتقد انه لا يحل بالنسبة للطالب المذاكر
ده محتاج طالب فائق مش مذاكر وده فى حد ذاته مش عدل !
ومسألة الارتفاع والانخفاض دى كل اللى شافها خاف واتجه للرابع املا فى حله
ولما يخرجوا من الامتحان اكتشفوا انها مسأله فى عام 2006 زمايلى حفظوها من كتر حلها

[مصلحى]

انا فى راى الوقت لو كان يزيد شويه انا عن نفسى حليت الامتحان ولكن فى السؤال الخامس لم اكمل حل المسالة الاخيرة كان نقصلى خطوتين فقط ولكن الحمد الله فى الاول وفى الاخر

قدر الله اقوى من كل شئ

[emy_87]

امتحان التفاضل كان جميل وانا حليته كلة هو بس المشكلة محتاج وقت مش اكتر لكن الامتحان نفسه مفيش فية حاجة صعبة.....الحمد لله علي كل شئ