دخلت سياحة وفنادق لية......؟؟؟

[eslam_2009]

يلا كل واحد يقول دخل كلية سياحة وفنادق ليه ؟؟؟

انا الصراحة انا ما كنتش اسمع عنها فى تانية ثانوى وكان فى دماغى الاحلام الوردية بتاعة كل طالب ثانوى كلية طب بقى وبتاع او هندسة وكنت عملى فى تانية وحولت ادبى وجبت 90.6% فى السنتين
وقررت ادخل سياحة وفنادق والصراحة انا مسمعتش عنها الا من واحد قريبى من بعيد وعرفت عنها كل حاجة منه فهو كان خريج كلية سياحة وفنادق قسم سياحة واشتغل اول حاجة موظف استقبال فى فندق فى مصر بمرتب صغير شوية واتوظف سنة فيه بس تانى سنة اشتغل فى شركة سياحة عالمية فى مصر بس ده بعد ما قوى الانجليزى وكمان كان معاه لغة تانية ( المانى ) وهو دلوقتى مظبط نفسه وبياخد 3000 جنية فى مصر وهو خلاص قرر يسافر الامارات مش عارف ليه الصراحة .


المهم هو اللى حاطها فى دماغى بعد ما خلصت تانية ثانوى وكمان انا بحب دراسة اى حاجة فيها لغات وكمان الكلية الصراحة دراستها شيقة من وجهة نظرى يعنى وكمان ليها مجالات كتير فى الشغل .

[soha fouad]

وانا والله ماكنتش في بالي اصلا
لان كل حلمي من 3 اعدادي اني ادخل فنون جملية لكن الصدمة اللي حصلت اني جيبت غير لائق في امتحان القدرات(ومش عارفة ازاي مع اني شايفة اني كويسة والحمد لله في الرسم والتظليل والالوان)
بس الحمد لله ع كل شئ

-وانا بجهز ترتيب الرغبات لقيت سياحة وفنادق وعملت عليها سيرش
لقيت فيها كل الحاجات المتفقة معايا
1- اللغات(لاني كنت هزعل جدااااااااااا لو الانجلش بتاعي اتنسى ومفضلتش مستمرة فيه) غير اني بموووووووووووووووت في الايطاليانو
2-التاريخ(اكتر حاجه بحب استمع ليها واني بحبه جدا)
3- الكلية كلها سواء الدراسة او تدريب عملي او في الشغل بعد كده كلها حاجات تعامل مع الاخرين
وانا بحب كده جدااااااااااااااااااااااا
4-بحب الطمووووووووح جدااا وان شاء الله الاقي طريقي اللي بحلم بيه في الكلية دي

[sympathique]

هممممممممم

[seco33]

انات دخلتها عهلشان بحب السفر والرحلات وعلشان احسن الانجليزى بتاعى واقويه وبموت فى التاريخ واللغات

[riham_eg]

انا لسه مادخلتهاش يعنى لسه الانترفيو بس خلتها اول رغباتى عشان بحب اللغات اوى وبحب اتكلم اكتر من لغه وكمان الدراسه فيها مش نظريه بس وكمان لانى بكره الدراسه النظريه جدا واحب ان الكليه يكون مجلات الشغل فيها كتير مش وظيفه واحده او اتنين بس

[rodita]

انا بقي دخلتها عشان متفقة مع رغباتي بس بفكر احول تجارة انجلش مشكلتي اني مترددة جدا وخايفة من تجارة انجلش لانها صعبة اوي وانا اصلا مش بحب الرياضة والحسابات والحاجات دي اوي فمش عارفة اعمل ليه بس انا حبه كلية السياحة مووت والحمد الله محدش معرفش اي حد من صحابي دخلها

[sendrlavig]

انا زيك يا روديتا بجد انا محتارة موووووووووووت بينها وبين تجارة انجلش وانا كويسه فى الرياضه اوى بس انا كان نفسى ابقا مرشده ومحتارة بين قسم الارشاد ودراسات سياحيه مش عارفه ربنا يقدملنا الى فيه الخير

[karem karm]

انا دخلت لانى خريج من مدرسه خمس سنوات سياحه وفنادق يعنى يمكنم اكون مش على اقتناع لانى كنت مش هكمل بس ربنا اراد وربنا يكرم بس واقبل عشان لسه الجواب مجاش

[ميدو ابن حميدو]

انا بقى كان مجموعى في تانية 92.9 فكنت متوقع انى هالحق هندسة
وللاسف طبعا كلنا عارفين اللى حصل في بتوع علمي رياضة والحمد لله جبت في السنتين 90.1(369.5) فتوقعت انى ممكن الحق هندسة في اي محافظة او اللحق حاسبات واحول اقليمي وده كان الاحتمال الاكبريعني بنسبة 95% فطبعا كنت كاتب في الرغبات بعد هندسة وحاسبات اي حاجة
وجات الصدمة يوم نتيجة التنسيق لما عرفت انى دخلت تجارة بني سويف
والصدمة التانية لما عرفت ان حاسبات الفيوم فيما بعد خدت من90.2(370)فطبعا
يعني مكنتش ناوى اتغرب على تجارة فقررت والحمد لله انى ادخل سياح لانها اتفقت مع كذا حاجة
1_انى بعشق الانجلش والحمد لله مستويا فيه كان روعة وانى بحب اللغات .
2_ انى بحب التاريخ واحب انى اسمعه واقره.
3_انها بردوا الكلية الللى هاقضي فيها ايام الجماعه رحلات وكده يعني وتعتبر من الكليات القمة وفعلا ليها الشكل الخاص بتاعها .
بس هو ده السبب واشوفكم مع حلقة جديدة من مسلسل
طلاب الثانوية والكليات المفترية
أخوكم
ميدو ابن حميدو

[amiro4u]

انا عن نفسى دخلتها ع شان بموت فى حاجة اسمها سياحة و انا بحب كمان السياح اووووى
و بجد كان نفسى ابقى مرشد سياحى من زماااان اوى و اهو ربنا معايا كلنا

[sympathique]

المشاركة الأصلية كتبت بواسطة amiro4u

انا عن نفسى دخلتها ع شان بموت فى حاجة اسمها سياحة و انا بحب كمان السياح اووووى
و بجد كان نفسى ابقى مرشد سياحى من زماااان اوى و اهو ربنا معايا كلنا

ان شاء الله ربنا هيوفقك وهتبقى افضل مرشد سياحى

[zomahisham3]

انا بقي دخلتها علشان انا حابب جدا لغة الأنجليزي و كنت عايز اقوي نفسي فيه و غير كدا كنت عايز اطلع شيف و انا في ابتدائي و كان نفسي اختلف عن المجتمع كمان في حاجات كتيرة و غير كدا نظرت من نحية تانية الدخل يكون كتير فيها للأتمكن من المعيشة الجيدة لي في الحياة و اردت كمان شغلة الشيف دي بتحسسك بي موتعا و انت بتشتغلها و انا كان هذا حلمي الجميل الي كنت عوزه و الحمد الله ان ربنا كتبهالي و شكرا

[البرنس الكبير اوى]

اكتر رد عجبنى هوا رد ابن حميدو ...... رد جامد و روش مووووووت
ربنا يوفقه و يوفقنا جميعا .... انا بأه كنت داخل حقوق المنصورة وعايز احول سياحة السنة اللى جاية بإذن الله لأنى بحب التاريخ و اللغات جدا جدا بس متردد ادخل ارشاد ولا سياحة بس اتمنى تكون دراسة التاريخ فى الكلية دى شيقة و ظريفة ومتكونش معقدة و رخمة وتكره الواحد فى تاريخ بلدة