عشــــــــاق الأســـحار

[المشتاقة إلى الجنة]

<div align="center">
ممكن أسأل سؤال؟؟؟



لو والدك أو والدتك بينادوا عليكي هتردي عليهم ولا هتعملي نفسك مش واخدة بالك؟؟؟؟؟
طبعا لإنك بتحبيهم وباره بيهم جدا أكيد هتردي عليهم مش كده برده؟؟؟؟؟؟
طب تخيلي معايا بقى إن ربنا سبحانه وتعالى بيتجلى في الثلث الآخر من الليل إلى السماء الدنيا كل ليلة وينادي:
من ذا الذي يدعوني فأستجيب له ؟ من ذا الذي يسألني فأعطيه؟ من ذا الذي يستغفرني فأغفر له ؟
طبعا كلنا بنحب ربنا بس ياترى كام واحده مننا بتلبي النداء ؟
طب يا ترى مين فينا اللي مش محتاجه ربنا او تقدر تعيش من غير نعم ربنا ؟
سبحان الله شوفي ربنا رحيم بينا أد إيه؟..فعلاً ،ليس العجب من عبد يتملق سيده ،ولكن العجب كل العجب من سيد يتودد إلي عبيده وهم يفرون منه !!!!! سبحانه وتعالي رحمن رحيم عفو كريم حليم ...

لو إنتي بعيده عن ربنا ونفسك تتوبي لبي النداء وقولي يــــــارب ارزقني توبة نصوح
لو انتي خايفه على التزامك ونفسك ربنا يثبتك لبي النداء وقولي يـــــــــــارب ثبتني
لو الدنيا ضلمت أدامك و كل هموم الدنيا اتراكمت عليكي وملقيتيش حد يمسح دمعتك غير ايديكي لبي النداء وقولي يا رب فرج كربي ،يا رب خفف عني.......

يا الله يا ذا الجلال والإكرام
صدقيني هتحسي بلذة عمرك ما حستيها قبل كده وهتلاقي نفسك بتقولي ياريت الصبح ما يطلعش والفجر ما يأذنش علشان تفضلي على الحال ده ، دا انتي كمان هتلاقي نفسك اتشحنت بطاقة هايلة تعينك على العبادة واداء واجباتك ومسؤلياتك طول اليوم.
يا تري نويتي تقومي ولا لسه برده ، ممكن لسه لكن بعد ما تسمعي كلام ربنا عمرك ما هتتأخري ....


يقول الله تعالي في الحديث القدسي :
"إن لي عباداً من عبادي أحبهم ويحبوني ،ويشتاقون إلي وأشتاق إليهم ، ويذكروني وأذكرهم ،وينظرون إلي وأنظر إليهم ،فإن حذوت طريقهم أحببتك ،وإن عدلت عنهم مقتك ، قال :يا رب ..وما علامتهم ؟ قال :يراعون الظلال بالنهار كما يرعي الراعي غنمه ،ويحنون إلي غروب الشــمس كما تحن الطير إلي أوكارها ،فإذا جن الليل ،واختلط الظلام ،وخلا كل حبيب بحبيبه ،نصبوا إلي أقدامــــــــهم ،وافترشوا إلي وجوههم ،وناجوني بكلامي،وتملقوا إلي بإنعامي ،فبين صارخ وباك ،وبين متأوه وشاك ،بعيني ما يتحملون من أجلي ،وبسمعي ما يشتكون من حبي ...
أول ما أعطيهم :أقذف من نوري في قلوبهم ،فيخبرون عني كما أخبر عنهم
والثانيه :لو كانت السموات السبع والأرضون السبع وما فيها في موازينهم لاستقللتها عليهم
والثالثه :أقبل بوجهي عليهم ،أفتري من أقبلت بوجههي عليه ،أيعلم أحد ما أريد أن أعطيه ؟


ها لسه مكسله برده ، طب بتبخلي علي نفسك ليه ؟؟ فيه ثواب أكبر من كده ؟؟فيه سعاده أكتر من كده ؟؟؟
يعني يحبك الله عز وجل ويذكرك في الملأ الأعلي ويقذف من نوره في قلبك ويعطيك ملء السموات والأرض ثواباً.........
إيه لسه قلوبنا قاسيه برده ؟؟؟؟؟لسه بتأخر عن تلبية النداء واحنا عارفين مدي حاجتنا إلي الله عزوجل ؟؟؟؟؟
أختي الحبيبه :اعمليها مرة واحده بس واصحي وادعي ربنا ييثبتك عليها وادعي ربنا يفرج كربك ويعينك علي هم الدنيا والاخره ...وإن شاء الله ربنا يستجيب ......كما قال عز وجل:
(وإذا سألك عبادي عني فإني قريب أجيب دعوه الداعي إذا دعان فليستجيبوا لي وليؤمنوا بي لعلهم يرشدون)
وكما قال حبيبك  (إن من الليل ساعه لا يوافقها عبد مسلم يسأل الله تعالي خيراً إلا أعطاه إياه )
أخيتي : حبيبك محمد كان يقوم الليل حتي تتورم قدماه فقيل له :أتكلف هذا وقد غفر لك ما تقدم من ذنبك وما تأخر فقال: أفلا أكون عبداً شكورا ؟؟
حبيبتي.. متي تلبي نداء ربك وتسيري علي درب حبيبك وتكوني من عشاق الأسحار؟؟؟
متي تلبي نداء ربك وتسيري علي درب حبيبك وتكوني من عشاق الأسحار؟؟؟
متي تلبي نداء ربك وتسيري علي درب حبيبك وتكوني من عشاق الأسحار؟؟؟

مستنينك الليله دي الساعه 4 الفجر ،ومتنسيناش من دعواتك الحلوة
</div>