هزززر مواصفات الفتة المصريه عشان تضحكو مش اكتر

[احمد صبري سيد]

--------------------------------------------------------------------------------

الكلام اللى هتقروه دلوقتى ده هزار طبعا.. يعنى الزعل ممنوع

البنت المصرية تتسم ببعض السمات الغير موجودة في باقي البنات اللي خلقها ربنا..
سبحان الله يعني ..
و هانتكلم هنا عن الحاجات دي واحدة واحدة ..

عارف ان التعميم غلط طبعا و إنه من الخطأ نقول : المصريات صفاتهم كذا و كذا و اللبنانيات بيتصفوا بكذا و كذا.. لأن صوابع الإيد مش زي بعضها... و كل بني آدم بيعتبر حالة خاصة مختلفة عن غيره من البني آدمين..
لكن اللي خلاني أكتب الموضوع ده هو إن فيه بعض الصفات المستفزة بصراحة اللي البنت المصرية مش عارفة إنها مستفزة (طبعا مش كل البنات المصريات برضه...بس بجد في بنات كتير فيهم اما بعض هذه الصفات أو معظمها أوكلها! )

نخش ع الموضوع يا باشوات



الصفة الأولى : التناكة

واحد مرة كان بيحكى بيقول:
مرة كنت في المهندسين رايح لعيادة واحد دكتور.. و كنت تايه لأني مش دايس في المهندسين قوي.. أعمل إيه في الحالة دي ؟

رحت راكن على جنب و سائل أي شخص معدي في الشارع- تصرف بديهي جدا مفيهوش أي حاجه يعني - لكن لسوء حظي العاثر يشاء القدر إن الشخص ده يكون واحدة بنت..!

بمنتهى التهذيب و الوقار سألتها :

" لو سمحتي عيادة الدكتور هشام فين ؟ "

و بمنتهى الرقي و التهذيب راحت بصّالي.. و راحت مسمعاني باقة منتقاه -من أروع ما أنتجته قريحة الصيع- من الشتايم !!

أعجبت طبعا بسرعة الأداء و مهارة الإلقاء -الحق يقال يعني !- لكن على إيه ده كله ؟؟
كانت فاكراني بعاكس سيادتها يا جدعان .. تخيلوا المهزلة الإنسانية ؟
و سابتني مذهول و راحت ماشية !!



الصفة التانية : التناكة برضه

البنت المصرية العادية تعتبر اي ولد يحاول انه يتكلم معها , تعتبره مجرما أثيما يحاول التقرب إليها لسبب خبيث حقير شرير ألا و هو التعرف عليها.. إلى أن يثبت العكس!!

لا حول و لا قوة إلا بالله !!

يعنى لو شاء القدر في الكلية عندك ( خصوصا الكليات العملية زي طب و هندسة... ) و اضطرتك الظروف إنك تكلم واحدة مش من شلتك أو بينكم صديقة مشتركة, فلا بد أن تكون لك ما يكفي من المبررات و الأسباب الكافية جدا, لكي تقنع سيادتها إنك لست ذئبا بشريا ,و انك لا تسأل عن موعد المحاضرة كمقدمة لسبب آخر لا داع لذكره (عشان ممكن تكون فيه عيال صغيرة بتقرأ الموضوع معانا)

هل لديك زميلة في كليتك من جنسية أخرى ؟ لاحظت بتتكلم معاك عادي إزاي كإنك بني آدم خلقه ربنا ؟! عادي يعني ..
انما لما تيجي تتعرف على بنت مصرية لازم تتكتك و تخطط و ترسم الخطط و الاستراتيجيات و كإنك داخل على موقعة حربية..
فيه إيه يا عم ؟؟ على إيه ده كله يا إكسلانس ؟



الصفة الثالثة: الشياكة

البنت المصرية (بحق ربنا) تتزين و تهتم بمظهرها بشكل لابأس به إطلاقا ( روح جنينة مول , مش باتكلم على معهد الصنايع اللي جنب بيتكم يا خفيف ) ..

المشكلة هنا هي نظرة البنت نفسها للمسائل دي ..
البنت دي في الأغلب و الأعم بتعمل الشويتين دول لتجذب الشاب الغلبان إللي هايتدبس يا عيني.. و بعد الجواز بقى انت عارف اللي فيها !!



الصفة الرابعة : احتقار الراجل !!

فيه راجل رحالة قديم جه على مصر في العصور السحيقة ..لاحظ سلوك الستات في مصر و كتب عنه..
بيقول الراجل ده في مذكراته فيما معناه :

"...... و حين جئت أرض مصر , وجدت فيها أمرا عجيبا مستغربا, ألا و هو تسلط نسائها على رجالها..!! عجبت لهذا الأمر عجبا عظيما , و انتويت سؤال أولى العلم في هذه المسألة الغريبة.. فجائني رجل بالسبب :

حين خرج فرعون لملاقاة موسى , خرج و معه كبار القوم و سادتهم , و تركوا النساء و العبيد.. فلما حدث ما حدث و هلك فرعون و من معه ..اتخذت النساء عبيدهن أزواجا !.. و من هنا جاء تسلط نساء مصر على رجالها حتى اليوم, فهم يعاملونهم كالعبيد......"

شايف القصة المهببه دي ؟ اهو الراجل مش من هنا و قالها بنفسه.. بتعملوا فينا كده ليه يا نساء مصر اتقوا الله فينا مش كده.. ده حتى عشان سمعة الوطن في الخارج.. يرضيكم اللي بيتكتب ده يعني ؟؟

نعمل إيه طيب ؟؟

بعد ما شفنا البنات بيتعاملوا معانا ازاي يا شباب.. لازم نعد العدة و نتعامل معاهم بنفس الأسلوب..

خد الحلول دي و ظبط نفسك :


الحل الأول : المساواة ..في الظلم عدل

زمان كانت الست المصرية بتحارب عشان حقوقها .. دلوقتي لولا الكسوف بس كان الرجال عملوا جمعية لمناصرة حقوق الراجل.. مش كده ؟؟

لاحظ كده لو كنت بتركب المترو أو الأوتوبيس .. سيب بس أي بنت حلوة لابسة ستوماك بادي تدخل و شوف إيه اللي هايحصل.. هاتلاقي شاب كده هلهولة عامل جنتل مان راح قايم و مقعدها مكانه .. و غالبا البنت هاتنزل آخر الخط و مش هاتقوم , عشان تخليه واقف أطول فترة ممكنة !

النصيحة التي أتحمل مسئوليتها الكاملة هي :
لو لقيت بنت حلوة عايشة الدور, داخله المواصلة اللي انت راكبها إياك تقوم و تقعدها مكانك..

أولا : صحتها أحسن من صحتك ميت مرة ( بطل السجاير و الحشيش بقى عيب انت كبرت!)

ثانيا : هي مش من بقيت أهلك ( لو اختك أو خطيبتك اللي داخلة ماتستهبلش يعني !)

ثالثا : لو عامل كده عشان تبين لها انك واد جنتل يعني و حنين , فاعرف إنها مش هاتخليك تتعرف عليها يا ناصح حتى لو عملت لها ***..يعني هاتبقى قمت ووجعت رجلك ع الفاضي..
و مش هتاخد ثواب كمان عشان نيتك غالبا مش كويسة

رابعا: البنت دي مش كبيرة في السن بالعكس دي شابة زيادة عن اللزوم زي ما أنت شايف..
تقوم ليه بقى ؟؟ طيب لو هي اللي قاعدة و انت اللي داخل كانت هاتقوم لك ؟؟

المفروض تقوم و تقعد البنت اللي واقفة في الحالات دي :

لو لقيتها بنت غلبانه أو بنت محترمة- زي بنات منتدانا طبعا (حلوة التثبيتة دي)- أو فتاه عاملة أو ست كبيرة , يبقى لازم تقوم لها طبعا مش عايزة كلام..
لكن لو بنت من اياهم , تبقى شاب لامؤاخذة ,لو قعدتها مكانك !


الحل التاني : و لا تعبرهم

سألت مرة بنت : " انتي بتلبسي ليه كده ؟"
اجابت : "عشان كده أشيك !"
ألحّيت في السؤال تاني عشان اعرف الإجابة الحقيقية ( رزالة بقى)
فقالت في النهاية بصراحة :
- "عشان الناس تبص عليا و أحس إن أنا حلوة....وكده يعني !"

شفت بقى يا معلم ؟
يعني البنت من دول عامله اللي هي عاملاه ده عشان كل ما انت تهتم بيها , سيادتها هاتتكيف و تنبسط أكتر.. و مش هاتعبرك برضه يا عم "الدون جوان"..!

أقول لك حاجه ؟

و لا تعبرها .. لو زميلتك عاملة كده يبقى احلقلها ميري يا معلم.. نفض لها وسيبها .. يعني لو بتكلمك و موبايلك رن, رد عليه و سيبها و امشي... لو واحدة ماشية في الشارع كده ,لا تبصلها و لا تعبرها ... كإنها هوا معدى

لعلمك الحركة دي بتجننهم جدا جدا فوق ما تتخيل .. لأن البنت من دول متعودة ان الناس بتطلب رضاها و معجبة بيها طول الوقت.. خلي كرامتك بقى تنقح عليك و نفض لها ..و لا تبصلها ..
بيّن ان انت مش عبيط زي الناس التانية و ان الحركات دي ماتخيلش عليك..
هاتلاقيها اشتعلت نارا و اتفحمت.. أحسن .. تستاهل

نصيحة أخيرة:
مايمكنك أن تطلبه من ولد,فلماذا تذل نفسك وتطلبه

[احمد صبري سيد]

أعرب النجم المصري تامر حسني عن تطلعه للزواج من فتاةٍ تثق به وتسمع كلامه، وفي الوقت نفسه لا تختلط برجال غيره أبدًا، مشددًا على أن الزواج عنده مسؤولية كبرى، ومن هنا لا بد من أن يحسن الاختيار، فلا يصلح معه أن يتزوج ثم يخون، لأنه يريد حياةً نظيفة بعد الزواج.

وأضاف تامر أنه ليس شرطًا أن تكون هذه الفتاة مصرية، بل المهم أن تتوافر فيها الشروط، حتى لو كانت من الهند، مشيرًا إلى أنه سوف يقدم فيلمًا ثالثًا بنفس اسم فيلم عمرو وسلمى" الذي تشهد دور العرض الآن

وقال إنه سيكون بنفس الأبطال؛ لأن قماشة العلاقة الزوجية تحتمل أكثر من عمل سينمائي، وإن ما يشجعه على ذلك هو نجاح الجزء الأول والثاني من الفيلم، اللذين شهدا قيام بطل الفيلم، وهو"عمر" بحب زميلته في الجامعة "سلمى"، وذلك في الجزء الأول، ثم تزوجها في الجزء الثاني، لتبدأ مشكلات الأزواج بين الاثنين، وهي مشكلات الشباب في هذه الأيام.

ولأن تامر حسني نفسه ليس متزوجا، ومع هذا قدم فيلما كاملا من تأليفه عن مشكلاته مع زوجته في الفيلم "مي عز الدين" فقد جاء السؤال: لماذا لا يحب ويتزوج، فأجاب: "أتمنى أن أحب، وأتزوج.. فأنا شاب مثل كل الشباب، ولكن لا أريد أن أكون مثل عمر.. بل أريد عندما أحب أن يكون حبا إلى الأبد، وحين أتزوج أن تكون الفتاة التي أتزوجها هي زوجتي حتى آخر العمر".

وتابع: "لهذا لم أتزوج حتى الآن لأن الزواج عندي مسؤولية كبرى، ومن هنا لا بد من أن أحسن الاختيار، فلا يصلح معي أن أتزوج ثم أطلق، ولا يصلح معي أن أتزوج ثم أخون أي أريد حياة نظيفة بعد الزواج".

وحول تواجد هذه الفتاة قال: "هي موجودة، وليس شرطا أن تكون مصرية، فالفتاة التي أجد فيها الشروط التي أريدها هي الفتاة التي ستصبح زوجتي حتى لو كانت من الهند، وسوف أرتبط بأي فتاة من أي بلد في العالم؛ لأن الزواج -ببساطة- "قسمة ونصيب".

وحول شروطه في زوجة المستقبل قال تامر حسني : "أول شرط هو أن تصلح كزوجة وأم، وأن تعيش معي 100 سنة الآن، ومستقبلا، وأن تدع لي قيادة حياتنا الزوجية، فأنا أحب أن أكون رئيس جمهورية حبي، ورئيس جمهورية بيتي، ورئيس جمهورية علاقتنا”.

واستطرد: "أما شخصيتها فموجودة على عيني ورأسي، فأنا أرحب بأن تناقشني، وأن تختلف معي، ولكن لا بد من أن تسلم لي نفسها، وأن تثق بي، وأن تسمع كلامي، وبالمناسبة: الرجل يحب الزوجة المطيعة، ويكره الزوجة ( المناكفة)".

وتابع القول: "أنا رجل غيور..غيور جدّا.. ولهذا سوف أغار على زوجتي من الهواء الطاير، ومعنى هذا أن زوجتي لا يمكن أن تختلط بأحد غيري، يعني لا تختلط (برجال) غيري أبدا، وهذا هو أسلوبي، ولابد من أن تعرفه، وأن تحافظ عليه".

وأضاف: "طبعا أنا لست رجعيا، ولكنني رجل شرقي وأحب احترام الزوج، وأهم شيء في هذا الاحترام أن تكون العلاقة بيني وبين زوجتي قائمة على الحب، وأن تعطيني زوجتي (برستيج) الزوج على أن أجعل منها ملكة بيتها، وفي هذه الحالة لو طلبت مني نجمة من السماء فسأحضرها لها، ولو (زعلها) أي شخص فسآكله بأسناني".

وفي الختام حدد تامر الوصفة الحقيقية للسعادة الزوجية في أن تكون العلاقة بين الزوج وزوجته فقط، ولا ثالث بينهما، وأن يتحدثا معا، وأن يحلا خلافاتهما ومشكلاتهما معا، وألا يتدخل كائن من كان بينهما



مشيرا إلى أن الناس لا تحب الخير للناس، بل بالعكس فإنهم يحاولون أن يخربوا أي علاقة سعيدة بين أي زوجين.. وفي فيلم (عمر وسلمى 2) كاد البيت ينهدم حين تدخلت أخريات في علاقة عمر وسلمى، فالشيطان يستخدم هؤلاء الوسطاء من أجل هدم البيوت السعيدة

[smsma81]

جاسوس يا بنات امسكوا الحقوووووه





لولا اعتذارك سبق كلامك كان زمانك خارج.....


خلاص يا جماعه هو عرف غلطته سبوه .ههه اي واحدمن الشباب حيدخل ويقول حاجه علي البنت المصريه هو حر...قال تثبيت قال!!!