انو احسن يا جماعه صحافه ولا مطريه :(

[* شيرى *]

السلام عليكم ورحمه الله وبركاته
يارب تكونو بخير
ياجماعه انا عايزه افهم حاجه
انا الوقتى كنت كاتبه معهد صحافه اول رغبه
بس جالى معهد المطريه

انا كنت جايبه 74 %

واللى فهمته ان الصحافه اخد من المجاميع العاليه شويه فوق ال 80 ف الميا لان اصحابى فى منهم جايب فوق ال 80 ف الميا ودخلو صحافه انما اللى ف ال 70 او اكتر دخلو المطريه وشبرا


طب يعنى انا عايزه اعرف معهد المطريه داوت ايه نظامو لان فى ناس بتشكر فى وناس تانيه تقول داوت زباله اوى

انا معرفش اعمل ايه ولا احول على ايه
لان اكيد الصحافه مش هتقبلنى

ومش عارفه ايه نظام المطريه داوت كمان
كويس ولا لاأ

حديقولى اعمل ايه (

[* شيرى *]

يعنى شوفو كام واحد شايف الموضوع ومش هاين عليه يرد

ماحد يرد عليا يعرفنى حاجه؟؟؟؟؟؟؟؟؟؟؟

[باسم باشا]

شوفي ايه القسم الي نفس فيه وشوفيه في انهي معهد
لانها بتختلف
بس الي انا اعرفه ان الصحافة احسن تقريبا يعني
بس اي واحد في الي اتنين ( نصيحة اخوية ) هتلاقيه معهد لامم طلاب من صنايع وتجاري ومن الشارع ومن الزبالة
لازم تخليكي في نفسك وملكيش دعوة بحد بنات او شباب وزكزي في دراستك وبس
اه حسبنا الله ونعم الوكيل كان نفسي اخش اي واحد من الاتنين فرقت معايا عى درجات بسيطة اوي

[* شيرى *]

اهآ فعلاٌ انـآ سمعت ان المطريه لامم ناس ياماااا
من التجاره والصنايع والثانوى عام كمان

وسمعت ان سمعته وحشه
بس انا مش عارفه اعمل ايه ومش هينفع احول
انا اهم حاجه عندى تكون الدراسه هناك تمام
لانى مش ناويه اختلط بحد هناك

وفى ناس قالو ان لزمن اخد دروس عشان انجح
غير كدهو هيسقطونى ..

[باسم باشا]

مش عارف موضوع الدروس دا بس انا على حد علمي ان الدراسة هناك سهلة بتشتري الكتاب يقلك كام محاضرة منه وارمي الباقي هو انهي يعتبر الاقرب منك ؟
انا اعرف ان فني صناعي شبرا اقسام ثانوي غير اقسام صنايع غير اقسام تجاري وكله في مبنى لوحدة ومينفعش حد يحول من هنا لهنا
يعني هتبقى المجموعة بتاعتك ثانوي عام دا لو كان النظام زي شبرا

[hamed_hetata]

haram te***hy ma3had el mataria da ma3hd wehsh 2awey hawley teshofy ay haga tanya ana banshk naseha akhwia wallhey

[t0t00]

هاى انا الموضوع شدينى وانا كنت فى صنايع ومجموعى 82.6 وخالت مطريه

[t0t00]

لو فى اى اسئله كلمونى على الايميل بتاعى toto_toto200017***********

[t0t00]

على الياهو

[t0t00]

انا رحت المعهد وقالى مهندس هناك ان الدراسه بعد الكشف الطبى ودفع المصاريف وبعدين انا ليه صحاب فيه وجيبين جيد جدا فى سنه اوله

[ahmedragababogabr]

لو نفسيك فى صحافة ادخلى اعلام مفتوح

[Amr_LorD]

بصى يا انسه شيرى

انا فى سنه تانيه فى المعهد ده وهقولكم تجربتى بالتفصيل فى السنه الاولى لعل وعسى تنفع حد

انا كنت جايب فى الصنايع 79%
وعلى ما اعتقد المعهد كان بيقبل من 75 ساعتها
المهم دخلته ودخلت قسم اجهزه الكترونيه وعرفت انى ممكن اخش هندسه من المعهد ده
بشرط انى لازم اجيب فى كل ترم فى السنتين جيداّ جداّ
بس الا معرفتوش انى فيه دكاتره لازم الواحد ياخد معاهم دروس عشان ينجح
ولاسف مجبتش مجموع فى الترم الاول بس عوضته فى الترم التانى

والمعهد كويس جداّ ومش وحش وفيه ناس كتير اوى دخلت هندسه منه

بس المشكله الوحيده
ان الواحد لازم يشوف نظام الدكتور الا هياخد معاه
سواء بتاع دروس وفلوس ولا لا
بس هما قليل جداّ الا بتوع فلوس

واهم حاجه المواظبطه فى المحاضرات والتقارير

وربنا يقدم الا فيه الخير

[ندي عاصم]

شيرى لعلمك انا دفعتك ودخلت المعهد رغم ان جالى تجارة انتساب القاهرة بس انا عايزة هندسة وعلشان نفسى فى حاجة ما فكرتش فى التفهات بس فكرت زاى اوصل لحلمى وانا طالما انى محترمة اقدر احافظ على نفسى مهما ان كانت الظروف
وانا دلوقتى فى معهد المطرية وطالعة اول سنة اهو وربنا يرسيك على الى فيه الخير ان شاء الله ولعلمك فى بنات من صنايع ومحترمة جدا وفى كل مكان فى الحلو وفى الوحش ونصيحة لو نفسك فى هندسة ومش عايزة تقضيها والسلام ادخلي المطري مش بشع اوى زى ما بيقولو

[كان نفسى ابقى مهندس]

اقسم بالله الصحافه جامد جدا خصوصا لخريجى الثانويه العامه بيخشو شعبه تكنولوجيا معلومات بيدرسو الشبكات وكرس سيسكو مجانا لمده عامين وال يجيب فوق ال88 هندسه على طووول وقاريبى خريج 2009 اعدادى عين شمس اهو وبسم الله ماشاء الله ... وفعلا المعهد زباله اخر حاجه عشان تبقى عارفه سواء مطاريه او صحافه وكله شوارعيه بس الحدق بقى ال يبقى فى حاله ومن البيت للمعهد فقط عشان المدرسين هناك بيحطو فى الاعتبار الحاجات ديا ومش كله بياخدو دروس هما بتاع اتنين بس وعندك كل ترم 6مواد والسنتين بيضافو لبعض خليكى فىكره لانى متابع كويس فوق ال88 هندسه اقل من كده لالالالالالالالالالالا ..لان المعاهد دى ال بيخش منها هندسه بيبقى توب توب توب عشان بيدرسو رسم واسقاط هندسى ودى محدش فى ثانوى عام يعرف عنها حاجه ودراستها جميله انا فى تجاره انجلش القاهره اولى لسه بس هاحول منها واخش المعهد ده انش اء الله السنه ال جايه ومعايا تنسيق 2008 /2009 المعاهد دى