عايز ادرس هندسه بعد 3 سنين في طب اسنان !!!

George Kareem · #1 02-05-2010, 04:46 AM

مساء الخير، ،

اسمي جورج ، عندي 19.5سنة.

اعتقد ان الموضوع غريب شويه بس اكيد في كتير مثلي و اني مش حاله منفرده !!!!!!!!!!

انتهيت من المدرسة الثانوية وحصلت على 98.2 ٪ في عام 2007 بمصر .
كنت في القسم الطبي في المدرسة الثانوية ، لذلك اخترت طب الأسنان المنصوره " بلدي " .
طول عمري كنت اعشق الهندسه و الاعمار و الابداع و لم اكن اميل للمواد الطبيه اطلاقا
مع العلم اني لا اعرف طبيعه مواد الاعمار و المناهج بس عامه انا بحب الشغلانه دي و انها كلها فكر و ابداع بعكس الكليات الطبيه اللي كلها حفظ فقط
و لكني لم ادرك الخطا القاتل باختياري كليه طبيه الا عند مرور سنه في طب اسنان
ونتيجة لذلك عيدت العام الماضي "" نجحت في اعدادي بمجموع 61% يعني يادوووب و سقطت في اولي "" ، واعتقد 99 ٪ أني هعيد نفس السنه تاني لاني مش عارف احفظ و لا استوعب الامور الطبيه !!! !!! و اللي صعب الموضوع ان طب اسنان المنصوره معروفه ب صعوبتها عن اي طب اسنان اخري !!!!

، لذلك اشعر بخيبة امل كبيرة خصوصا اعتدت على أن اكون طالب ممتاز ولكن الآن انا افشل في كل عام ، ، ،

لذا

أرغب في دراسة الهندسة المعمارية في مكان جيد و انسي 3 سنين طب اسنان و امري لله !!!

كان نفسي اسافر ادرس بره بس العيله رافضين تماما و مصرين اني لازم اكون واخد شهاده من هنا الاول ,, ف علشان ارضي نفسي و ارضيهم ,, ممكن ادخل حاجه هنا بس اعتمادها يكون دولي بحيث اخلص و اسافر

اللي اعرفه و ينطبق عليه الشروط دي auc ,, guc ,, bue المانيه و امريكيه و بريطانيه
الامريكيه غاليا جدا ف ممكن الغيها , البريطانيه اقل و الالمانيه اقل اكثر و خصوصا ان هيبقي لي خصم علشان مجموعي بس مش عارف اكمني خريج 2007 يبقي الخصم ده هيتلغي ؟؟
لو في جامعه تانيه كويسه ياريت محدش يبخل عليا بمعلومات
و انا مش متاكد ان الالمانيه فيها هندسه عماره لو حد ياكدلي المعلومه لو سمحتوا

و في حاجه مهمه انا كنت علمي علوم ف لازم اخود رياضه 2 و في جامعات كتير معندهاش مشكله و بتدي الماده علي انها ماده اضافيه في اول ترم او بتطلب معادلتها في الصيف فهل الجامعات دي بتطبق النظام ده ؟
و حاجه تانيه في مواد مشتركه بين اعدادي هندسه و اعدادي اسنان هل ممكن انها تتلغي باعتبار اني اخدتاها ؟؟

انا عارف انها خطوه جريئه و احتماليه الفشل فيها موجوده و ساعتها الفشل هيبقي صعب قوي
بس الواحد برده المفروض يعمل اللي عليه

ااااااااااسف علي الاطاله بس الموضوع مينفعش يختصر عن كده

ارجو المساعده باسرع وقت !!! ..........

fuoozz · #2 03-05-2010, 12:02 AM

للاسف ياغالى متنفعش تدخل هندسة نهائى لافى حكومة ولا خاص
لانك علمى علوم

George Kareem · #3 03-05-2010, 03:08 AM

الف شكر علي الرد
لكن من فضلك راجع معلوماتك
في كليات كتير جدا جدا بتقبل علمي علوم في هندسه و ده بشرط انه ياخد ماده زياده في الترم الاول من اول سنه و اللي هي بتكون زي معادله ل رياضه اتنين ,, او في جامعات بتطلب اجتياز اختبار رياضيات و بيبقي ليه منهج محدد و ده في الصيف قبل دخول الكليه ,, و بعض الكليات الدوليه زي الجامعه البريطانيه في مصر بتطلب اجتياز امتحان زي السات
و بالتالي الطرق كتير لان في الاخر الفرق بين علمي علوم و علمي رياضه هو ماده رياضه اتنين فقط

و شكرا مره اخري علي الرد

fuoozz · #4 03-05-2010, 08:38 AM

جايز والله ممكن تكون معلوماتى غلط اوك ياغالى انت تقدر تعمل سيرش على مواقع الجامعات دى
واتصل بيهم بس البريطانيه مصاريفها غاليه اوى ممكن تشوف كمان الاكاديميه البحريه

George Kareem · #5 03-05-2010, 05:23 PM

هي فعلا غاليه
بس بما اني جايب 98.2% في ثانويه عامه ف انا ليا خصم كبير 40% تقريبا
بس اللي عايز اتاكد منه و لو حد فيها او حد يعرف حد فيها
هي جامده ؟ و معترف بيها في بريطانيا ؟؟
و شكرا

fuoozz · #6 03-05-2010, 10:12 PM

مش عارف انا بخصوص بريطانيا دى بس اللى متاكد منه انها معتمده من جامعه فى انجلترا معرفش اسمها
هى طبعا سمعه الجامعات الاجنبيه فى مصر عاليه اوى وبتشتغل على طول
واهو موقع الجامعه
http://www.bue.edu.eg/

George Kareem · #7 04-05-2010, 03:07 AM

م انا كنت عايز اتاكد من الاعتماد و حضرتك اكدته ليا
و انا عارف موقع الجامعه من زمان
الف شكر ..

melanoo2020 · #8 07-05-2010, 03:50 PM

ينفع تدخل هندسة خاص والكلام ده اكيد
انا فى جامعة مصر للعلوم والتكنولوجيا وهندسة عندنا بتقبل علمى علوم
بس على شرط ياخد مادة رياضيات المستوى اللى قبل مستوى اعدادى هندسة
يعنى اللى مش واخد رياضة بيبدأ بكورس Math 099
واللى واخد رياضة بيبدأ من الكورس Math 101
وبتاخد بقية مواد هندسة عادى فى نفس التيرم
واعتقد ان معظم الجامعات الخاصة ماشية بنفس النظام