الكلية التكنولوجية المتقدمة بالاميرية

[ولاء555]

المشاركة الأصلية كتبت بواسطة mostafa.ezzat

انا عايز اعرفك حاجه ان احنا بجد علي قد التعب اللي احنا فيه دفعه محظوظه عشان اول دفعه وزي ما انتي شوفتي النظام كلوا هاينجح محدش هايسقط عشان سببين بساط جدا الاول ان حاليا مفيش سنه ثالثه ثانوي يعني مفيش تقديم في الكليه السنه الجايه يعني مفيش اوله عندنا السبب التاني اننا اول دفعه يعني بالبلدي كده وش القفص لازم يسوقونا من غير اي استفاده مننا في الوقت الحالي انتي مش واخده بالك اننا مدفعناش جنيه من اول السنه وهنفضل الاربع سنين علي كده وكمان هناخد فلوس وفتره الاجازه هندرب في اكبر توكيلات السيارات وكمان خلي في بالك ان من ساعه ما الخبير الانجليزي مستر ديفيد ما جه الكليه والوضع اتظبت شويه واتخصصنا وكده وبالنسبه بقه لموضوع امتحانات الترم المفاجيء فأعزريني انا السبب في الموضوع ده

المشكلة مش بس في الامتحانات او في التسيب اللي في الكلية المشكلة اننا كنا مش مرتاحين في الترم الاول بس قالوا ان النظام هيتحسن في الترم التاني وانا شيفه ان الموضوع هيعيد نفسه تاني اكيد انت شفت الاسيمنت بتاع كل مادة قد ايه اكيد لما احل هياخد لوحده مش اقل من ثلاث ايام فما بالك ان كل مادة بقي ليها اسيمنت المفروض حله في نفس الاسبوع وكمان اكيد انت شايف الوقت اللي بيضيع في الجامعة قد ايه (انا مش بحاول اظهر في مظهر المظلومة بس انا بجد تعبت بدنيا واكتر نفسيا ) اكيد انت كمان تعبت والكلية كلها تعبت علي فكرة اللي خلاني اتكلم كده اننا اخدنا الاسيمنت بتاع دكتورة مادة (eed) وحليته وكل الجروب بتاعي حله علي اساس اللي بنفهمه في السكشن بس الدكتورة قالت ان الكلية كلها بتجاوب غلط علشان المادة الخاصة بيها مش بتتحل عادي بتتحل بالزوايه فشوف لما نتعب في حاجه وفي الاخر يقولوا لينا انها غلط بالبساطه دي انا اتخنقت من الكلية ومن المعيد وحتي الدكاترة والمهندسين اللي هما حتي مش عرفين يكونوا مدرسين لمواد احنا ممكن نشرحها اكيد انت حاسس بكل حاجه من اللي انا بقولها صح ارجو الرد

[BOSBOSLOVERS5]

My initial name is(S....) I With all Iam in in this cluster

اختصار اسمى (س)انا فى الكلية التكنولوجية فى الاميرية و انا معكم

[BOSBOSLOVERS5]

لكل من يريد التقديم فى الكلية التكنولوجية فى الاميرية قدموا وادخلو بدون خوف ولكل مجتهد نصيب و ده احسن من غيره(bosbos)

[mostafa.ezzat]

لكل من يريد التقديم فى الكلية التكنولوجية فى الاميرية قدموا وادخلو بدون خوف ولكل مجتهد نصيب و ده احسن من غيره(bosbos)


بجد انا مش لاقي رد ارد بيه عليكي يا انسه(س) غير ان حرام عليكي لو الكليه زي ما بتقولي تقدري تقوليلي ليه مفيش نتيجه ولا اجازه وخدنا الكارنيه امتي وانتي فاهمه ايه من المواد مع مرور سنه من دراستك