مش كفاية بئا؟؟؟؟!!!عايزين نتعلم صح

[egyptiancool]

السلام عليكم ورحمة الله وبركاته

أولا:بتمنى الأعضاء يخشوا ويكتبوا رأيهم بكل صراحة,مستقبل مصر في ايدينا استحلفكم الله بأن تكتبوا رأيكم بكل حرية وموضوعية عشان صوتنا يقدر يوصل للدكتور\أحمد زكي بدر,
بجد تعبنا خلاص من نظام الدراسة في مصر,كل حاجة نحفظ ونصم كلام خوفا من الامتحان ونروح نكبه في الورقة ونطلع ننساه,
والواحد فعلا ابتدى يحس أن التعليم في مصر خلى الناس مش بتفهم,
هنا كل حاجة الدروس والمذاكرة والاهانات :abdoog8:وعدم الاستقرار النفسي,
لدرجة اننا معدش عندنا وقت نتعبد فيه,نمارس أنشطتنا وموهبتنا,بجد احنا بندمر,
مش كل حاجه اننا نحفظ في مناهج ملهاش اي لازمه خوفا من الامتحان,مفهوم التعليم في مصر للأسف خطأ مليون في 100%
ومش الحل بأننا نجيب الامتحانات صعبةعشان نميز بين الطالب المتفوق والمتعثر!التمييز بيبقى عن طريق الموهبة خارج المنهج,
للأسف احنا كنا ممكن نبقى حاجه كبيرة أوي ومصر تبقى معانا كبيرة أوي لو سمحتوا لكل واحد بممارسة هوايته,والتحرر من ضغط الحياة الدراسية بالشكل الصعب ده
,بجد راعونا في مواهبنا,كل واحد مننا عنده موهبة من تأليف,رسم,موسيقى,ترجمة,خلينا نتقدم بقى كفاية تعثر,عايزين نحب المدارس بجد يكون فيها أنشطة رياضية على مستوى الجمهورية ومسابقات للشعر والرسم..الخ
وعايزين شكلها يفتح نفسنا,عايزين حياة تكنولوجية,عايزين يتغير المنهج ويبقى منهج مفيد يساير حياة التقدم التكنولوجي وينفعنا في دنيتنا وآخرتنا,عايزين تكون مسؤوليتنا قراءة المناهج واستوعابها وليس الحفظ الأعمى.
,من فضلك سيادة الوزير:لا تحكموا علينا بالاعدام,فبهذه الطريقة التعليمية حياتنا تهدر يوم بعد يوم ولم نتمتع بها

,نتمنى صوتنا يوصل ونتحرر من الضغط ده وبالذات ضغط الثانوية العامة,ونعيش حياتنا بشكل متسقر وفي نفس الوقت مننساش الدين والتعليم والأنشطة وبالشكل ده مصر هتعود لشموخها المعهود..........
وأنا فاتحه جروب على الفيس بوك عشان نتناقش في كل مشاكل التعليم
وده الرابط بتاعو لو حبيتوا تشاركوا
http://www.facebook.com/group.php?v=info&gid=109266405774048

[™Myth D™]

انا كل اللى هقولوة موضوع حلو بس انا مش هقول راييى تبا كارثة لو انا اكلمت بس موضوع شيق وجميل تقبل مرورى وننتظر المزيد

[mahmoud_khedr]

شكرا جزيلا على الموضوع وفعلا كل سنه التعليم مشاكله بتزيد وربنا يستر

[egyptiancool]

شكرا يا جماعه على مروركم الجميل
وعايزه تفاعل من بقية المدرسين والطلبه