برنامج : طريق الجنان مع الشيخ تامر...لعام2200

[The_Relativistic200]

[SIZE=3]برنامج طريق الجنان
عام 2200

المذيعة (غير واضح بالضبط ما إذا كان مذيعاً أم مذيعة ، ولكن الراجح أنها مذيعة) : نبدأ الأسئلة ، ومعانا الشيخ تامر الساهل علشان يرد على أسئلتكم .
الشيخ إلى جوارها يرتدي بنطلون أبيض ضيق ، وتي شيرت ، وأنسيال .

السؤال الأول بيقول (تقرأ من ورقة في يدها) : أنا بسبب الانشغال باضطر أصلي الظهر ركعتين بس ، فمش عارف إيه الوضع بالنسبة لي .
الشيخ تامر : يا جماعة قلنا قبل كده إن صلاة الظهر ثلاثة ركعات ، وإن أدائها كاملة ضروري إلا في حالات الضرورة ، وحالات الضرورة هي على سبيل الحصر : ماتش كورة على الهواء ، يعني مش ماتش مسجل ، بلاش التلاكيك ، وفيه بعض العلماء قالوا إنه لازم يكون ماتش نهائي دوري أو كأس ، لكن إحنا تسهيلاً على الناس ح نقول كفاية يكون ماتش على الهواء مباشرة ، وعندك كمان المسلسل العربي ، وحالة أن الواحد يكون زهقان أو منيق أو مزاجه مش قد كده . دي حالات الضرورة اللي حددها الفقهاء الخمسمائة .

المذيعة : السؤال اللي بعده بيقول : حضرتك قلت إن اللي يرتكب جريمة الزواج المكرر ، يعني اللي يتجوز على مراته ، يخرج من الملة ، ويكون كافر ، حسب المرسوم الأمريكي رقم 1356 لسنة 2050 ، مش شايف حضرتك إن الرأي ده فيه تساهل ، على أساس إن فيه بعض الشيوخ قالوا إنه يجب إهدار دم هذا الشخص؟
الشيخ تامر : يا جماعة حكاية ال*** دي حكاية مش سهلة ، وأنا أختلف مع من قال بهذا ، وأتمسك بأن الشخص ده كافر بس ، ويجب علينا ننصحه .

المذيعة : السؤال اللي بعده ، مشاهدة بتسأل عن الشمبانيا وهل ينفع تشربها بكثرة؟

الشيخ تامر الساهل (وهو يضحك من قلة علم السائلة) : الشمبانيا العلماء قالوا إن حكمها (ماشي حالها) ، أما الكونياك فهو اللي حكمه (مش ظريف) لرداءة نوعيته ، والويسكي فهو مختلف فيه ، وأحب أنوه إني شايف إن الأسئلة كلها بتسأل في حاجات ثانوية ، زي الصلاة والخمر وكلام من ده ، يا جماعة خلونا نركز في المسائل المهمة .

المذيعة : السؤال اللي بعده : حضرتك قلت (أحب أنوه) يعني إيه أنوه .

الشيخ تامر : آدي الأسئلة الجميلة ، أنوه دي من الألفاظ العربية القديمة اللي كانت بتستخدم في أوقات قديمة ومعناها أوضح أو أبين .

المذيعة : السؤال اللي بعده : مشاهدة بتسأل : أنا بأصلي بالبادي والسترتش زي ما حضرتك أمرت في الحلقة اللي فاتت ، لكن بأحس إنهم بيتقلوا حركتي وبيضايقوني ، فهل ممكن أخفف؟

الشيخ تامر : يا بنتي أنا مش عايز أظهر متشدد ، أو متزمت ، لكن كل اللي أقدر أقوله إن الدين يسر ، يعني لو خففتي ما فيهاش حاجة ، أنا كنت بس بأقول للي عايزة تجتهد ممكن تزود وتلبس البادي والسترتش .

المذيعة : السؤال اللي بعده : بناءً على الفتوى اللي حضرتك أصدرتها في موضوع الحج ، أنا حاولت أحج لكن المشكلة إن قطر بتبقى زحمة قوي في وقت الحج لأن الحجاج بيبقوا كتير أعمل إيه .

الشيخ تامر : يا جماعة قلنا قبل كده ، إن ما يشترطش التقيد بموعد معين في الحج ، يعني الناس بتصر على إنها تحج في موعد الحج فقط اللي هو رمضان ليه مش عارف ، طب ما تحج يا سيدي في العيد الصغير ، أو في الكريسماس ، هو يعني تلاكيك وتشدد والسلام ، أهو ده اللي بيسموه التنطع في الدين ، وكمان مش شرط يا أختي تحجي لقطر ، الفقهاء الخمسمائة قالوا الحج ينفع لأي بلد تشترك مع قطر في جزء من الليل أو النهار ، أو أي بلد متوفر فيها خدمة الإنترنت علشان رمي الجمرات ممكن يتم بالماسنجر .

المذيعة : مشاهدة بتسأل : أنا وصاحبي فيه بيننا مشاكل بسبب إني حملت وما عرفتهوش ، وهو زعلان ، أعمل إيه؟

الشيخ تامر : يا بنتي إزاي تخدعيه وتكدبي عليه ، أهو كده ممكن ما يتجوزكيش ، حاولي توسطي حد في الموضوع ، وحاولي تقنعيه إن ده في مصلحتكم علشان تجربوا بعض في عملية التربية والالتزام بمسؤولية الأولاد ، يمكن ربنا يهديه .

المذيعة : عندنا سؤال من مشاهد من فلسطين بيقول : إمبارح فكرت بيني وبين نفسي إن بلادي محتلة وإن يجب علينا استردادها من المحتلين ، ومن ساعتها وأنا حاسس بالذنب لأني عارف إن الفقهاء الخمسمائة حرموا رفع السلاح في وجه أشقائنا اليهود ، أعمل إيه .

الشيخ تامر وقد أغمض عينيه من شدة التأثر : أستغفر الله العظيم ، مشكلتنا هي الجهل بالدين ، يا إبني حاول تستغفر وتتوب ، وقلنا قبل كده ، إن التفكير في المسائل دي حرام ، وإن النفس أمارة بالسوء ، وقلنا كمان إن من قبيل إظهار سماحة الإسلام إن الواحد مننا في فلسطين المحتلة أو مصر أو أي بلد مسلم يتنازل عن بيته لأخيه الصهيوني ، ويا حبذا لو تقاسم معاه مرتبه الشهري ، الإسلام لم يعلمنا الأنانية والاستئثار بالخير لأنفسنا فقط ، ربنا يا ابني يتوب عليك وعلى كل عاصي ، وأحب أذكر إخواننا بآيات السماحة في القرآن الكريم ، وبنص المرسوم الأمريكي المقدس الصادر عام 2130 اللي بيشرح هذه الأمور باستفاضة .


مفعول..

[نور العمر]

بجد بجد بجد انا مش عارفة اضحك

ولا اعيط ع حال المجتمع اللي احنا فيه

بصراحة هما دول شيوخ اخر زمن <_<

حسبي الله ونعم الوكيل


المذيعة : السؤال اللي بعده : مشاهدة بتسأل : أنا بأصلي بالبادي والسترتش زي ما حضرتك أمرت في الحلقة اللي فاتت ، لكن بأحس إنهم بيتقلوا حركتي وبيضايقوني ، فهل ممكن أخفف؟

الشيخ تامر : يا بنتي أنا مش عايز أظهر متشدد ، أو متزمت ، لكن كل اللي أقدر أقوله إن الدين يسر ، يعني لو خففتي ما فيهاش حاجة ، أنا كنت بس بأقول للي عايزة تجتهد ممكن تزود وتلبس البادي والسترتش .


بصراحة لا تعليق


شكرا ع الموضوع

[Miss_CaR!zma]

ههههههههههههههههههه
فكرتنى بقناه كنوز اللى مش عارفه اصنفها صراحه
اعتقد ممكن نشوف حاجات من دى فيها
والموضوع جامد بجد يا خالد ولكن اعتب على الشيخ تامر انه مش لابس سلسله ( كيف يجرؤ؟)
حسبى الله ونعم الوكيل

[The_Relativistic200]

<div class='quotetop'>إقتباس</div>

بجد بجد بجد انا مش عارفة اضحك

ولا اعيط ع حال المجتمع اللي احنا فيه

بصراحة هما دول شيوخ اخر زمن
ده فى سنة 2200 خلى بالك

حسبي الله ونعم الوكيل


<div class='quotetop'>إقتباس

المذيعة : السؤال اللي بعده : مشاهدة بتسأل : أنا بأصلي بالبادي والسترتش زي ما حضرتك أمرت في الحلقة اللي فاتت ، لكن بأحس إنهم بيتقلوا حركتي وبيضايقوني ، فهل ممكن أخفف؟

الشيخ تامر : يا بنتي أنا مش عايز أظهر متشدد ، أو متزمت ، لكن كل اللي أقدر أقوله إن الدين يسر ، يعني لو خففتي ما فيهاش حاجة ، أنا كنت بس بأقول للي عايزة تجتهد ممكن تزود وتلبس البادي والسترتش .[/b]

بصراحة لا تعليق


شكرا ع الموضوع[/b][/quote]
شكرا يا نور على مرورك
<div class='quotetop'>إقتباس</div>

ههههههههههههههههههه
فكرتنى بقناه كنوز اللى مش عارفه اصنفها صراحه
اعتقد ممكن نشوف حاجات من دى فيها
والموضوع جامد بجد يا خالد ولكن اعتب على الشيخ تامر انه مش لابس سلسله ( كيف يجرؤ؟)
حسبى الله ونعم الوكيل[/b]

كنوز...اكيد اطفال
اما الشيخ بقى
كفاية الانسيال....مش عارف شعرخ كان سبايك ولا فلات توب..!