|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
11-02-2010, 05:08 PM
|
||||
|
||||
خليكى اجمل بنت فى الدنيا
خليكى اجمل بنت فى الدنيا عاوزة تعرفى ازاى شوفى الحوار دة بين بنتين وهتعرفى  _السلام عليكم ورحمة الله وبركاته _وعليكم السلام ورحمة الله وبركاته _ازيك ياقمرايه أخبارك إيه ؟ _الحمد لله كله تمام _الحمد لله... _انا مبسوطه أوى _ يارب دايما... خير؟!! _انا حاسه أنى بقيت مع ربنا أوى .. وأنى علاقتى بيه بقت تمام _ده عظيم جدا .. ربنا يثبتك _يارب... آآآآمين _طيب ممكن نتكلم مع بعض شويه ؟! _أكيد...اتفضلى _انتى بتقولى أنك ولله الحمد بقت علاقتك بربنا تمام؟! _آه.. الحمد لله _طيب وإيه أخبار علاقتك مع المجتمع؟! اخلاقك ... ياترى الناس بتقول عنها إيه؟؟ _والناس مالها ومال أخلاقى؟!! _لاياحبيبة قلبى .. لازم تكون أخلاقى تعجب الناس ...عشان تفضل صورتى جميلة دايما ...!! _وإيه بقى اللى فى أخلاقى مش عاجبك ... ومش عاجب الناس ؟!! _هاقولك ... بس فى الاول قولى طباعك وصفاتك وكل حاجه فيكى تشبه مين ؟ واخداها من مين؟! _من ماما وبابا طبعا ... مش كل واحد بيكون زى مامته وباباه ولا ايه؟!! _تمام ... من ماما وبابا ... طيب ياترى ليه بقى أنت مش زيهم؟! _.... !!! انا مش فهماكى ... مش زيهم ازاى ... ده حتى كل الناس بيقولوا إنى أشبه بابا أوى فى كل حاجه .. !!!! _جميل أنك تكونى زى باباك فى كل حاجه ... بس الأجمل أنك تكونى زيه فى أخلاقه _الحمد لله ... أخلاق بابا تمام _الحمد لله ... أخلاق بابا وأنتى؟؟!! _.........؟!!!!! _طيب ... انتى تعرفى أنك ليكى أب تانى غير ده هو فى الواقع أعظم أب فى الدنيا كلها وهو كمان أب لكل البنات والأولاد ... _... ؟!!! وياترى مين ده ؟! _سيدنا محمد صلى الله عليه وآله وسلم _عليه الصلاة والسلام ... بس ازاى؟! _أقولك ... هو مش زوجات النبى عليه الصلاة والسلام أمهات للمؤمنين؟! _آه ... _طيب واحنا إيه ؟ أنتى وأنا وكل البنتوتات ؟!!! _مؤمنات طبعا ... !!! _يعنى هما ... ؟!! _امهاتنا ...؟!!! _بالظبط ... طيب وسيدنا محمد عليه الصلاة والسلام مش هو زوج الأمهات؟!! _آه ... !!! _طيب لما يكون زوج الأمهات هيكون إيه للبنات؟!! _أبوهــم ... !!! _جميل أوى ... يعنى سيدنا محمد لينا إيه ؟!! _أبونا ...!!! _بالظبط كده ... يعنى احنا كلنا بنات محمد ... معنويا طبعا .... _... !!!! يعنى أنا بنت النبى ؟!! _شوفتى ازاى ؟!! أنتى وأنا وكل بناتنا ... _.... ؟!!!! _طيب ممكن نرجع لكلامنا تانى ... دلوقتى ... أنت عارفه أخلاق النبى عليه الصلاة والسلام كانت إيه ؟!! _ ... ؟! إيه ؟!!! _أقولك ... فى واحد من الصحابة سأل السيدة عائشة رضى الله عنها ( إحدى زوجات النبى ) عن أخلاق الرسول فردت عليه رد رائع وقالت له : (كان خلقه القرآن) ... وشوفى كمان ربنا بيوصف لنا أخلاقه ازاى ... اسمعى كده ... يقول المولى عزوجل فى كتابه (وإنك لعلى خلق عظيم ) ... !!! _..... ؟!!!!! _شوفتى أنك مش بتعملى زى باباك ازاى وأنك مش شبه ؟!! _أيوه... بس ده الرسول وأنا إيـــه جمب الرسول ... بقولك إيه بلاش تتريقى عليا ... _والله أبدا ... أيوه فعلا ده الرسول ... بس بردوه مش الرسول ده بشر؟! _أيوه ... بس بردوه ده الرسول مش بشر عادى ... !!! _طيب أنا هاريحك ... هو مش الرسول ده قدوتنا ؟!!! _آه ....!!!! _ جميل ... ولما يكون حد قدوتك بتعملى إيه ؟!!! _طبعا بعمل كل حاجه هو بيعملها وبحاول أكون زيه فى كل حاجه ... !!! _جميل أوى ... أنتى اللى قولتى ... طيب ليه مش بنقلد رسولنا فى أخلاقه ؟!! _عشان ...؟!!! _إيــه ؟! صعب علينا نقلد أخلاق رسولنا ... ؟!!!! _.......!!!! _ إن كان رسولنا صعب علينا ... انتى ممكن تقلدى اى واحده من الصحابيات أو حتى الصحابة الكرام رضوان الله عليهم أجمعين ... _ أيوه ممكن ... بس دول بردوه صعبين أوى .. وبعدين هو أنا ممكن أكون زيهم ... ولا حتى أقدر أكون زيهم ؟!!! استحـــــــــــــــــــــــــــــاله طبعا ....!!! _ لاء طبعا ... مش استحاله ولاحاجه .... هما دول فى الاول كانوا عاملين ازاى ... وبالتعليم وواحده واحده اتغيروا وبقوا كده ... يعنى مش بين يوم وليلة حصل التغيير ... _ يعنى أنا أقدر ؟!!! _ أكيد طبعا تقدرى ... وتقدرى أوى كمان ... المهم تعملى وتجتهدى وتصبرى أوى وتستحملى كل اللى هيحصل معاكى ... وكل لما تصبرى كل ماربك هيكرمك ويعينك وتكونى أحسن بكتير ... ووقتها هتكون أخلاقك زى أخلاق نبيك أو زى أخلاق أى حد من الصحابه الكرام رضوان الله عليهم .... _ يااااااااااااااااااه ... ياريت ... _ طول ما أنتى مخلصه النية لله ... هتقدرى وهتنجحى ... _ يارب ... _ بصى ياحبيبه قلبى ... إذا كنت انا عايزاكى تغيرى أخلاقك فده عشان انا عايزاكى تكونى أجمل ... وأجمل حاجه فى البنت واللى بيزينها أخلاقها ... أنت مش عايزه تكونى جميلة من جواكى ومن بره كمان؟!! _أكيد طبعا ... وهو فى بنت مش عايزه تكون جميلة واجمل حد كمان؟!! _ جميل أنك عايزه ... طيب ومش عايزه كمان تكونى قريبه من الرسول صلى الله عليه وآله وسلم فى الجنة ؟!! _ أنتى بتقولى إيه ... أكيد طبعا نفسى ... وهو فى حد مش عايز يكون معاه وقريب منه ...!!! _ عظيم ... و لما رسولنا يقولنا ( أقربكم منى مجلسا يوم القيامة أحاسنكم أخلاقا ) ... اعمل إيه ؟!! _ أحسن أخلاقى عشان أكون قريبه منه ...!!! _يعنى احنا متفقين؟!! _امممممممممم ... متفقين _يبقى المفروض أنى أعمل إيه دلوقتى؟! _أحسن أخلاقى ... _بالظبط كده .... وده بسيط جدا... هادور واسأل نفسى أنا المفروض أخلاقى تكون عامله ازاى ... وياترى هاكون حابه نفسى ازاى وأكيد هاوصل .... وبإذن الله هتكون اخلاقى من اخلاق أبويا ... قصدى طبعا الاب المعنوى والاب الحقيقى كمان وأكيد ساعتها هاحس بالفرق وهاحس انى بقيت أجمل .... _طيب بعد إذنك ممكن أسيبك عشان أروح أراجع أخلاقى وأشوف أنا ناقصنى إيه فيها وأكمله ... _أكيد ممكن .... راجعى نفسك تانى ووقت لما تكونى محتاجه تعرفى حاجه أو تسألى عن حاجه إن شاء الله هتلاقينى موجوده وهنساعد بعض عشان نكون أجمل بأخلاقنا ... _إن شاء الله ... _السلام عليكم ورحمة الله وبركاته _وعليكم السلام ورحمة الله وبركاته وأنتى... لسه مستنيه إيه ؟!! أمتى هتراجعى نفسك وتشوفيها محتاجه إيه ؟! امتى هتكملى أخلاقك وتكونى أجمل ؟! أنتى لسه قاعده ؟! ... أنتى مش عايزه تكونى قريبه من رسولك ؟!! طيب ... قومى .. شوفى نفسك وراجعى أخلاقك ... كملى الناقص فيها ... وافتكرى دايما إنك بنت النبى صلى الله عليه وآله وسلم واللى قال على نفسه : ( إنما بعثت لأتمم مكارم الأخلاق ) ولازم تعرفى عشان أكون صح وأعيش حياتى صح واتغير بجد ... لازم أخلاقى تكون صح .... أخلاق الفتاة .. هى تاج عفتها
__________________
Day After Day Time Passed Away
|
|
#2
11-02-2010, 05:14 PM
|
||||
|
||||
ما شاء الله جزاك الله خير وجعلك الله منبرا للدعوه اليه
|
|
#3
11-02-2010, 06:58 PM
|
||||
|
||||
|
جزاك الله خيرا
__________________
|
|
#4
13-02-2010, 12:37 PM
|
|||
|
|||
|
موضوع جميل جزاك الله خير
لكن لا يجب ان تفترى على سيدنا وسيد الخلق أجمعين ونقول انه ابونا أزاى يعنى زوجاته أمهاتننا لكن حبيبى محمد ليس أبونا بلا رسولنا ويبدنا وتاج رؤسنا قال تعالى ( ما كان محمدا أبا أحدا من رجالكم ولكن رسول الله وخاتم النبيين ) أزاى احنا نقول انه ابونا عذرا محمد .. عذرا رسول الله .. عذرا حبيب الله تحياتى somaya gamal |
|
#5
13-02-2010, 12:48 PM
|
||||
|
||||
|
حضرتـــــــــك دى
للاقتنــــــــــــــاع مش اكتــــــــــــــــــــر ويعتبر ان احنا بناخد بصفات الاب كما مكتوب قبلة فعشان كدة حبيت الاقتناع فرسول الله فعلا نأخذ بصفاتة قدوتنا فى الدنيا ( يعنى ابونا مش معنى انة خلفنا لا معنا انة انة هو الشافع لينا وان احنا ماشيين على منهجة وواخدينة قدوة لنا فى كل شئ حضرتك افهمــــى طريقة الكلام اكتر وحضرتك هتعرفى بجد شكرا للملحوظة الجميلة لو فيها غلط يبقى واجب التعديل او لو اللى انا بقولة صح يبقى صح والله اعلم
__________________
Day After Day Time Passed Away
|
|
#7
04-03-2010, 03:06 AM
|
||||
|
||||
|
جزاك الله خيرا وجعله في ميزان حسناتك
موضوع جميل جدا
__________________
لا اله الا انت سبحانك اني كنت من الظالمين |
|
#9
05-03-2010, 08:15 AM
|
|||
|
|||
|
جمي جدا الموضوع بس الاهم نعمل بيه
جزاك الله خير وجعله فى ميزان حسناتك |
|
#10
05-03-2010, 12:07 PM
|
||||
|
||||
|
أحسنت الاختيار
جزاك الله خيرا
__________________
Be the type of person you want to meet
|
|
#11
05-03-2010, 08:47 PM
|
||||
|
||||
|
جزاكم الله كل الخير
موضوع اكثر من رائع بوركتم
__________________
لكل من قرأ حرفا اجتهدت فى اخراجه بصورة لائقة ..استودعكم الله ..لا تنسونى من صالح دعائكم ...فانا بحاجة اليه ..سلام الله ورحمته وبركاته .. http://www.thanwya.com/vb/showthread...91#post2171091 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 12:41 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
