ابدأوا معى الحملة ضد حكاية الـ10 محو امية الماسخة .. لا تعلموا شباب التعيين التزوير م

[Mark 2011]

المشاركة الأصلية كتبت بواسطة denzel-washington2010

الاستاذ / الفاضل
بعد التحيه
ان معك تماما فى هذه الحمله ضد تجبر المحافظين و الزامهم شباب المعلمين بمحو امية 10 أفراد وهم يعلموا تماما انه لا احد تمحى أميته !!وهم يعلمون الحقيقه وكذلك يعلمون كل الحيل التى يقوم به الشباب لكى يتخلصوا من هذا الكابوس! ولكن السؤال هو أين السيد الوزير ؟؟ اين السيد رئيس الوزراء؟! اين السيد الرئيس؟! كيف يسمح لامثال هؤلاء المستبدين ان يتسلطوا بهذا الشكل على شباب الخريجين؟! كيف يسمح لهؤلاء ان يجبروا الشباب على الكذب والتزوير حتى يظهروا هم بمظهر القاده الذين إستطاعوا القضاء عل الاميه؟! وبذلك يضمنوا البقاء فى كراسيهم حتى اخر العمر!!
توقيع: مدرس فيومى محروق دمه من خزعبلات المحافظ!!

معاك حق وانا مدرس أسيوطى مرفوع ضغطه

[mrhussein]

وبعد كده اكفل 2 يتاما في بيتك وبعد كده 3 من الاصلاحيه ولعد كده تبرع للحكومه بالمرتب اصلها فقير جدا واحمد ربنا انها سترتك وحتعينك ولا مش عجبك ؟
؟
قول مش عجبك وفي غيرك ملاين
هههههههههههههههههههههههههه

[nasserfathy]

الفيوم نفس الكلام وبعد م نجحنا في امتحانات الكادر20/11 الماضي وبعد ما قدمنا شهادة icdl بنشرة من الادارة

[دعاء 24]

وفى بنى سويف نفس القصة بس فى بنى سويف طالبين خمسة بس ومش عارفة أجيبهم وكل اللى عمل الحكاية دى هنا جابو ناس متعلمين أصلا

ياريت يا جماعة ما نسكتش على الموضوع ده نبعت فاكسات للوزير ونتصل بالبرامج الحوارية ونفتح الموضوع ده يعنى ايه يتلغى عقدنا أو ما نتثبتش عشان حاجة فشلت فيها كل الجهات حتى هيئة محو الأمية وتعليم الكبار اللى هى شغلها أصلا محو الأمية
كتير من الأميين مش عايزين يتعلموا ما عندهمش استعداد للتعليم ومن وجهة نظرهم ان الوقت اللى يضيعوه فى التعليم يشتغلوا فيه ويجيبوا قرشين لعيالهم وبصراحة عندهم حق هل المفروض ان احنا نجبرهم اننا نعلمهم ولا ندفعلهم فلوس عشان يتعلموا

ولا خلاص أى حاجة الحكومة تفشل فيها تشيلها للمتعاقدين بعد كدة مشكلة النظافة يقولولنا الشوارع مش نضيفة نضفوها عشان نثبتكم كنوع من الخدمة العامة و حسبى الله ونعم الوكيل

لااااااااااااااااااااااااااااااااااااا لشرط محو الامية

[ا/توفيق عزت]

الى جميع الحاصلين على بكالوريوس او ليسانس تربية او اى تخصص آخر و يطلبون العمل كمدرسين بشرط الحصول على مؤهل تربوى سنة و ليس معهم عقد او تعاقد
ارسل بياناتك الينا لنقوم بتجميعها و نرسلها جماعية الى الوزارة للتعاقد معك حتى و لو فى منطقة نائية فلنكن بديلا عن النقابة المزعومة التى ليس لها وجود
و لنضغط كلنا على الحكومة ربما نصل الى حل
البطالة موجودة عند جميع الخريجين
لكن ربما يجدوا طرق اخرى تناسب تخصصاتهم و شهاداتهم
و خريجى التربية و الكليات المختلفة
ليس لهم طرق اخرى
احصائيــــــــــــــــــــــــــــــــــــة
و للعلم بعد 4 سنوات فقط سوف يوجد عجز فى التربية و التعليم حوالى 30% من الموجود حاليا
و لعلم الشباب الخريجين
حدث من 55 سنة فى مصر
من عام 1952 حتى 1956 لم تحدث تعيينات
و فى 1956 تم تعيين كل من هو حاصل على اى مؤهل حتى الاعدادية

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــ
و بالنسبة لزملائى خريجى تربية او آداب او السن او لغات و ترجمة انجليزى الذين ليس معهم تعاقد او عقد او حصص
و لأننى عشت واقعهم بنفسى و عن تجربة شخصية
و الله يا استاذى ... يا استاذتى
هناك فى التربية و التعليم من يكره الانجليزى و خريجين الانجليزى تخصص
سنة 1983 كانت احصائية مستشار المادة بالوزارة لعدد مدرسى الانجليزى كالآتى :
نسبة العجز فى العدد المطلوب
الموجود 60% و العجز 40% على مستوى الجمهورية
هذه ال 60% الموجودة نسبتها كالآتى :
20% تخصص انجليزى و 80 % تربية او آداب او ليسانس حقوق او بكالوريوس تجارة و دبلوم معلمين و اعدادية قديمة
تخيل بعد تعيينى ب 3 سنوات و فى 1986 كان المدرس الاول الذى على فى اعدادى معاه اعدادية قديمة و كان يعمل محصل مياه فى مجلس المدينة ثم نقل الى التربية و التعليم
و الموجه سنتها ب 50 جنيه وزعه مدرس انجليزى
عندما تناقشت معه ذات مرة قال : انا باعرف اقرأ كتاب الانجليزى بتاع تالتة اعدادى و حفظت ترجمته و شغال درس و العملية تمام .........
و كلما يقابل الموجه يقول له : انقل العيال اللى انت جايبهم لى دول .... مش عارف اشتغل ... بيقولوا للتلامذة حاجات غريبة ... و انت عارف اخويا فى المديرية بيعمل لك المنحة للسفر الى لندن على حساب الدولة و ممكن يعطل الدنيا و يشيل الاسم بتاعك .. و تروح منك المنحة

هذه هى ثقافة الفساد .......... هذه هى مصر الواقع الذى يحدث فعلا
تعرف حاليا لو جمعت عدد مدرسى الانجليزى على مستوى الجمهورية حوالى 40% ليسوا تخصص انجليزى
لو تخلصوا منهم فسوف تتعين انت و آلاف غيرك ... انا بيشتغل معايا فى مركز التدريب على علوم الحاسب 4 بنات خريجات العام الماضى و من عامين و كلهم جيد جدا
و ليس لهم عقود او اى شىء
ربنا معاك و معاهم
ــــــــــــــــــــــــــــــــــــــــــــــــــ ـــــــــــــــــــــــــــــ
ارسل بياناتك الينا لنقوم بتجميعها و نرسلها جماعية الوزارة للتعاقد معك حتى و لو فى منطقة نائية فلنكن بديلا عن النقابة المزعومة التى ليس لها وجود
المهم ان شاء الله تمسك وظيفة
يارب

[تامر الفاضل]

معك يا استاذنا ولنبدأ في موضوع محو الامية ونرسل برقيات إلى احد البرامج الحوارية وياريت حد معاه رقم برنامج منهم وانا متبرع بالاتصالات بس نعمل حاجة

[مصروى عنيد]

يا ريت يا جماعة نعمل حاجة بجد ونخلص بقى من محو الامية والتزوير واللهى الواحد مستحرم الناس مش عايزه تتعلم وتر وح لغاية عندهم ويقولوا لأ واللى قدرنا نجبهم يوم الامتحان محضرش منهم غير كام واحد منجحش غير ثلاثةوبعدين يقولوا خمسة على الاقل نجبهم من اين نزور تانى ونقول محينا امية ناس هم فعلا جهلة احنا مش ضد المشروع ده لكن برضه اشمعنا احنا ما احنا فعلا فى مدارسنا بنمحى امية التلاميذيا ريت المسؤلين يستجيبوا ويبطلوا عند ويرحمونا شويه من طلباتهم اللى مبتخلصش والله المستعان

[MISS.DINA]

ايه حكاية موضوع محو الامية دة احنا مسمعناش بيه فى كفر الشيخ هو دة قرار من الوزارة ولا كاعادة من تاليف الناس

[Miss Doaa H]

الموضوع ده صحيح طبعا

انا من محافظه الدقهلية ومطلوب تعليم 10

جمعت الناس بعد عذاب

وطبعا كل واحد قال انا مش هحضر غير يوم الامتحان


مش علشان هما عايزين الشهاده لا شكلى صعبت عليهم

وبعد ان حضروا الامتحان

نجح منهم خمسه فقط ورسب خمسه

والمطلوب اييييييييه دلوقتى اقدم فى دورة جديدة عشان انجح خمسه كمان

وكله غش فى غش وهناك من يدفع الرشاوى وغيرها ونجحوا العشرة

انا دلوقتى مش عارفه اعمل ايه؟؟؟؟؟؟؟؟؟؟؟؟

انا نجح معايا خمسه فقط .

وهما عايزين 10

هنزل ادور فى الشوارع عليهم ولا ايه النظام

انا مستحيل اقدم تانى

وحسبى الله ونعم الوكيل

[nourhan200005]

اخبار محافظة الغربية اية ياجماعة انا بدات اقلق
ربنا يستر ارجوا لو حد من الغربية عنده فكرة عن الموضوع دى او خبر يرد عليا ضرورى