نائب إخواني لشوبير: دورك في قضية العمال (مشبوه) وشوبير يرد: (أنا مشبوه.. يا وسخ.. وحي

[سمير الجابرى]

نائب إخواني لشوبير: دورك في قضية العمال (مشبوه) وشوبير يرد: (أنا مشبوه.. يا وسخ.. وحياة أمي ما هسيبك)

اضغط للتكبير
أحمد شوبير عضو مجلس الشعب

• احفظ الخبر
• اطبع
• أضف تعليق
• ارسل

2/22/2010 11:49:00 PM
القاهرة- محرر مصراوي- نشبت أزمة عنيفة بين النائبين أحمد شوبير ويسري بيومي أثناء اجتماع لجنة القوى العاملة يوم الاثنين بمجلس الشعب وكادت المشادة تصل الى حد الاشتباك بالأيدي لولا تدخل الأعضاء فتوقفت الأمور عند تراشق لفظي وتبادل السباب بين العضوين.
بدأت الأزمة مع تأكيد حسين مجاور رئيس اللجنة على أنه سيتم صرف شهرين لعمال شركة طنطا للكتان حتى يتم انتهاء الأزمة وهو ما اعترض عليه نواب المعارضة ومنهم النائب الاخواني يسري بيومي الذي قال"الحرامية باعوا مصر ولابد من تدخل النائب العام".
ورد أحمد شوبير ب*** قائلاً: "هو كلام هجص.. المستثمر كتر خيره ولا هو وجع قلب" فرد عليه يسري بيومي موجهًا حديثه إلي شوبير "إنت ليك هدف ومشبوه" فعلق شوبير قائلاً: "أنا مشبوه يا وسخ؟!.. أنا وطني وأشرف منك".
وواصل شوبير ثورته محاولا الاعتداء على يسري مرددا "والله ماهسيبك يا وسخ يا حيوان وحياة أمك مش ح اسيبك وأمثالك هما المشبوهين" وأقسم شوبير: "عليّ الطلاق من بيتي ومراتي تكون محرمه عليّ أنا طالع عين أمي عشان أوصل معرفش النائب ده من أي داهية أو مصيبة" ورد بيومي موجهاً حديثه لشوبير "يا راجل ده العمال كانوا هيضربوك".. فقال شوبير "ده أنا مش راضي أقول إني دافع للعمال 250 ألف جنيه من جيبي".
فيما نجح حمدين صباحي في إنقاذ نائب الإخوان من قبضة شوبير في اللحظات الأخيرة، حيث التقط حمدين شوبير وسقط به من علي منصة الاجتماع وقام حمدين بالاعتذار للنائب الإخواني يسري بيومي .
وفي مداخلة هاتفية مع برنامج القاهرة اليوم قال شوبير أنه بالفعل نعت النائب الاخواني "بالوسخ" وأنه قال له" وحياة أمك مش ح اسيبك وأمثالك هما المشبوهين" وعلل شوبير تصرفه بأنه جاء ردا على اتهامات النائب الاخواني له بأنه مشبوه.
وأضاف شوبير أنه بالفعل حاول الاعتداء بالضرب على يسري بيومي لولا تدخل النواب.
المصدر: جريدة الدستور، مصراوي.


اقرأ أيضا:
غالي : قلت (هطلع ... المخالفين في عزبة الهجانة) في دردشة جانبية بمجلس الشعب

[Mr. Medhat Salah]

دووووولف خلاص عايزين يرحوا كيجي ون عشان يتعلموا الادب

[مستر رضا الغريب]

إن دل هذا فانما يدل على الإنحطاط الأخلاقى لكثير من أعضاء مجلس الشعب سب و قمار ومهازل حسبنا الله ونعم الوكيل.

[prof/ Ahmed Gouda]

كلنا نعلم هذا النائب ( شوبير) وكيف وصل إلى قبه البرلمان بالتزوير والرشاوى بل نستطيع القول أن امثاله من ماسحى بلاط السلطه هم الذين يفسدوا
ولا نستطيع إلا أن نقول حسبى الله ونعم الوكيل

[زغلول شكوكو]

ده العادى بتاع شوبير
الا متعرفش عمل ايه فى القضيه بتاعت البنت الصحفيه مع مرتضى منصور
ممكون يكونوا خلاصوها فى قاعده حلوه كده فى الساحل ولا حاجه
اللى يعرف يا جماعه يرد ما يبخلش؟؟

[BaNZeR]

اذا خرج العيب من اهل العيب ما اصبح عيباً

[سمير الجابرى]

[ا/شريف حلمي]

جاءنا البيان التالي من مقر النائب احمد شوبير من شارع الحلو بطنطا .

وللاسف اننا من طنطا . انا عاوز احكي من الاول تقدم شوبير في اول مرة في الانتخابات وسقط وقدم نفسة تاني مرة ونجح
تعرفوا اية السبب علشان حزب وطني شوبير درس الموضوع بعد اول مرة وعرف من دخل في دائرة الحزب الوطني يعدي وبالفعل نجح .


بس كل واحد المفروض يقول الي لية والي علية احمد شوبير مواليد طنطا شارع الحلو بالجلاء .
هو احد ابناء مدينة طنطا الي فجاة ظهر علي الساحة الكروية وفجاة علي الساحة السياسية والاجتماعية بيجوز ايتام كتير وبيعمل خير كتير وقوافل طبية كتير بس كلة بردة بثمنة اكيد وراها حاجة معلش .

هو صحيح بيخدم اهل الدائرة بس الفترة الاخيرة مشاكلة كترة اوي حتي مع المستشار مرتضي منصور وحكاية السيدهات وكلنا سمعنا السي دي بتاعت الصحافية وتاكدنا انه هو صوتة علي الرغم ان النائب احمد شوبير رافض زي مسمعنا انه رافض يروح يعمل اختبار صوت علشان يتاكدوة من صحة بصمة صوتة .

اما عن مشكلة عمال طنطا للكتان فاحمد شوبير معملش كدة وادي 250 الف جنية من جيبة الله يرحم ايام مديح وطنطا كلها عرفاة . زي مبيقول المستشار.

طبعا لما ادي 250 الف جنية علشان الدورة الجاية يحجز مقعدة يعني دي زي بمثابة حجز مقعد للدورة القادمة .
وان حكاية المجلس الهدف منها هو ان شوبير بيقول ان هو موجود بس كنت غايب عنكم شوية .

حكاية كان نفسي اقولها من زمان
وشفنها كلنا في طنطا احمد شوبير لما كان بيتحاكم علية في قضية مرتضي كان بياجر اتوبيسات وبياخد الناس البلطجية عندنا في طنطا في سيجر والعجيزي وكل حتة مقابل وجبة من مديح وكنتاكي و50او 100 جنية مقابل طنطا كلها بتحبك يا شوشو ال يعني الشعب اهبل .

وال صعبان علية وشوشو حنين عليا .
قوللهم لسة قاعد و 250جنية دول هدية.

جاءنا البيان التالي والمصادر مؤكدة

[dr.abdullah]

ايه الانحطاط ده ؟؟
ده مبقاش مجلس شعب ده بقى مجلس حارة !!
بغض النظر عن الغلطان
ازاي الالفاظ دي تتقال في مجلس زي مجلس الشعب ؟؟
وفين الدكتور فتحي سرور ؟؟

والله المفروض واحد زي شوبير ده يفصلوا من المجلس
ويروح يشتغله محلل رياضي ولا حكم ولا اي حاجة ..

[kanarylove27]

شوبير = انحطاط + بلطجة

[h2714]

لايسعنى فى هذا الموقف الا ان اقول واتذكر المثل الفلاحى البيقول( إذا كان رب البيت بالدف ضاربا فشيمت اهل البيت الرقص )
والله يعوض علينا فى اولى الامر منا وحسبى الله ونعم الوكيل ... اللهم مانزل عليهم سخطك وغضبك على هؤلاء البشر المفسدين فى الارض وارينا يوما عظيما بهم كل بتاع مصلحتة تجارة الحديد وتجارة الاثار والسرقة والقنوات السورسية والتلفونانت التصنتية والبوظان التعليمى والنفاعلات النووية والكراهية التى جلبت من الخارج لنا والمياة الهتروح مننا والغلبان المطحون يارب يارب يارب يارب انزل سخطك عليهم دى بقت فاوضة وقلت ادب والله الدول الاخرى احن مننا هتزول النعمة وهندخول فى حروب وتهب .........

[أبو إسراء A]

إن لله وإنا إليه راجعون

[totti_pop_2008]

فعلا شوبير طول عمرو مشبوه الراجل مغلطش ...!

[Magi_90]

فعلا
هما خير من يمثل الشعب