ولا صيني ولا هندي يا خويا...

[الأستاذة ام فيصل]

المشاركة الأصلية كتبت بواسطة أحمـدنجـم

وعشانك أنا روح الصين

احبك بالصيني

وعشانك أنا روح الصين
واليوجا هعلبها هناك
اوصلك بالروح والعين
لو قافلة الباب والشباك
توصل روحي وتسكن جسمك
من همسة تحسي وأحسك
مش هفضل ليكي مرهون
مستنيكي تحني برنة
يا ليلى قيسك مجنون
والمجنون بيروح الجنة
فرحي عليكي بكرة يكون
يعني خلاص الليلة دي حنا
هي اليوجا ومفيش غيرها
هتفرح قلبك يا حزين
وعشانها رايح ع الصين
*****
* احبك بالهندي

وعشانك أنا روح الهند
واتعلم سحر الكهان
قولت هعدي نهر السند
لو حتى القارب غرقان
واسحر نفسي ليكي هدية
وأكون علشانك فستان
امشي واتمايلي على المينا
زي سفينة وأنا القبطان
والقلة جنب الترسينة
من بدري واقف عطشان
هو السحر أكيد وبجد
وعشانه رايح ع الهند
*****
حبك بالانكليزي

وعشانك رايح هوليود
في أفلامهم آلة عجيبة
هتخليني أرجع مولود
أو توصل بيا للشيبة
قولت أركبها ورجع بيها عمري سنين
ولا سحر من الهند هجيبه
ولا يوجا هجيبها من الصين
أجري وأخطبها من أبوها
واسبق كل اللي حبوها
واطلعلها على شجرة روميو
وبدمي هكتب i love you
مش هديلها فرصة تفكر
وهجيبلها مهرك يا سي عنتر
وعشان كده من بكرة هحضر
ورقي وأسافر على هوليود
يمكن عمري ليا يعود
*******
أحبك بالعربي

وعشانك هرجع على مصر
بلد النيل والدفا والخير
ف سجودي ف صلاة الفجر
هدعي ألاقي قلب كبير
ولو مكتوب على قلبي يموت
قبل ما يلقى الحلم حقيقة
كفاية الضلة وشجر التوت
وناس بالفاس وقلوبها بريئة
ولا صيني ولا هندي تقولي
ولا هوليودي وكدب تملي
أنا عايش مصري وبحبك
صبحي وليلي وفجر وعصر
وعشانك هحضن أنا مصر
i love egypt 4 ever

ديما مبدع ورائع استاذ احمد نجم
بسم الله ماشاء الله عليك
حضرتك بارع في توظيف الحروف والكلمات وقت ماشئت
كالشجره المثمره من هزه بسيطه تسقط ثمارهاالناضجه
حروفك وكلماتك لها نكهه وطعم خاص ديما متجدده طعمه ولذيذه
سلمت يداك يافنان يامبدع يانجم المشاعر وكل المشاعر