لما كل هذا الكره

[leprince2010]

دة نقص من المؤهلات المتوسطة مش اكتر بس بجد هما بيعرفوش اى حاجة فى اى حاجة واحنا كفاءة عنهم فى اى شى والدليل انهم بيستعينوا بك فى كل شئ بة تطوير وتكنولوجيا وتطور واسألهم يعنى اية icdl - intel

[قاهر الاسود]

المشاركة الأصلية كتبت بواسطة roosy

قاهر الاسود عامل رعب للناس فى المنتدى هههههههههه
مبالك بقى الناس اللى معاه فى المدرسه
بس بجد هما مينفعش معاهم الا كده
انا لما بضايق منهم بقولهم اوكى انا سيبهالكو خالص وماشيه
وطبعا لان فيه عجز جامد جداا بيخافو ويرجعو يراضونى تانى

فى المدرسة لليحقد على المتعاقد وينظرله نظره مش هى اوك
انما الباقى حبايبى واصحابى والكل اصبح جبهة واحدة على فكرة المثبيت ايضا والمدرس الاول بيخاف وبيخضع للناظر انما دلوقتى الكل قالوا والله يابنى كانوا مبهدلينى ربنا يكرمك
المشكلة يا خوانا فى السلبية والخوف انما احنا عقد كده كده مش ناقصة
اما اللى فى المنتدى كلهم حبايبى بجد حتى لو اختلفنا فى الراى ومهما كانت الاراء سخنة احيانا

[قاهر الاسود]

المشاركة الأصلية كتبت بواسطة roosy

كلامك صح على فكره مستر مصطفى
اصل مينفعش اعلى صوتى على المدير والاساتذه الرجاله
طب اعمل ايه؟؟ اعمل زعلانه بقى وخلاص هكلم الموجه يندبنى فى اى مدرسه
انا بتبهدل على ما اجلكو ينقلنى وبهدله ببهدله مش فارقه
يجو بقى يصلحونى ومعلش بنشد على بتوع البلد اصل بيراعو الغريب والكلام الفاضى دا
ربنا يكرمنا ونتثبت ونعرف نرد بصوت عالى ان شاء الله

لا ده انتى ترفعى صوتك ولا مؤاخذة فى اللى يغلط فيكى كمان ترفعى اللى فى رجلك
يا اخوانا نتهاون فى كل حاجة الا كرامتنا
المحترم نحترمه ونشيله فوق راسنا والغير محترم ياخد فوق راسه لغاية مايعرف ان الله حق

[قاهر الاسود]

المشاركة الأصلية كتبت بواسطة zemosat

هتلاقى حكايات ذى دى كتير طالما أن هناك سادة وعبيد أقصد ثابتين ومتعاقدين والمصيبة إن الثابت ده لم يكن ثابتا لكفاءته ولا المتعاقد بعقد لعدم كفاءته وفشله بس هو النصيب ويحمدوا ربنا انهم اتعينوا فى زمن الرخص
وده حصل فى مدرستى أيضا لما زميل متعاقد كان ماسك الإشراف وبينبه زميله الثابت على حصته أصله عايز كان يزوغ من الحصة ويروح لمدير المدرسة ويقوله أزاى واحد متعاقد يأمرنى ويتحكم فى
على الرغم من إن المتعاقد ده مؤهل عالى والجميع يشهد له بالجد والإجتهاد وهذه سمة المتعاقدين وأيضا أصحاب الضمير من الثابتين والزميل الثابت دبلوم صنايع
يبقى من العدل عشان أحافظ على مسيرة العملية التعليمية ولايكون هناك حقد طبقى دون ذنب لاحد فيه يبقى الكل متعين يا إماالكل متعقد والثانية طبعا مستحيلوة .....وحسبنا الله ونعم الوكيل

انت عارف الاشراف ده سلاح خطير
يعنى المدرس اللى كان عايز يزوغ من الحصة ده اللى بيقول للناظر ازاى واحد متعاقد يامرنى ويتحكم فى
كنت يا غالى كتبت فيه مذكرة وقلت فيها الكلام ده وجملة مما ادى الى تعطيل العملية التعليمية ومن اصل وصورة ومضيت الناظر على استيلام الاصل مع تهديد للناظر اذا لم يعطيه الجزاء اللازم هترفع الامر للادارة ولجميع الجهات واتهمك بالتؤاطأ مع هذا المدرس
وكنت شوفت حصل ايه وادعيلى

[قاهر الاسود]

اولا يا ابوشهد انت حبيبى وتؤام روحى لالسباب عديدة انت ابو شهد وانا كمان ابو شهد انت عندك بنتين شهد وشمس وانا كمان اسمك مصطفى وانا كمان مدرس متعاقد وانا كمان شوفت الصدف ههههههه
ثانيا الكلام ده((ويقول ابق قابلنى مفيش تثبيت انتم بتحلمو دمدير الادارة قال اى مدرس ميعجبكش ابعت اسمه واحنا نوديه ابعد مدرسة)))
كنت كتبت مذكرة ان الناظر بيقول ((ابقى قابلنى مفيش تثبيت انتوا بتحلموا)) وتقول هل هذا اخرتها اننا مقدريين ظروف البلد الاقتصادية والازمة المالية واننا متعاقدين والاجر ضعيف ومع ذلك تقبلنا فياتى الناظر يحبطنا ويشكك فى مصداقية السياسة والمسئولينا ويبث روح الاحباط والتمرد على الاوضاع وهو بذلك يطالبنا بالتجمهر وهذا بالتواطؤ مع مدير الادارة اللى بساند اراء الناظر
بس كده واديله نسخة منها وادعيلى

[الأستاذة هدى]

الحق ان هذا الكلام الذى وجه اليك أخى الكريم يضايق ويحرق الدم
لأنه ملىء بتثبيط الهمم وخنق الأحلام وهذا أقصى ما يقع فى النفوس وي***ها .. فيجعلها خاملة عن العمل .. هامدة عن الحركة ... فأى منفعة ينتظر من وراء هذا الفعل ونتائجه؟؟؟؟ ولمصلحة من ؟؟؟؟

لكنى ألاحظ تفاقم هذه المشكلة الخطيرة فى التعليم الإبتدائى خاصة حيث ينقسم المعلمون الى مؤهلات متوسطة وعليا ....

لكن كما نقول هذه فنقول تلك ......
أحياناً يكون المتعاقد بالتعليم الإبتدائى مستشعراً بأنه أفضل من المعلم المثبت لأنه أعلى مؤهلاً ..

وهذا من شأنه أن يثير النزعات والخلافات فى مكان يتوقع فيه التلاحم والتوافق وهو المدرسة التى يجب ان تعكس أداء من بداخلها ...

لذا لا عجب ان التعليم الإبتدائى يعانى من مشاكل خطيرة ووخيمة ....

وما أقوله لك أخى الكريم الا أنك كان يجب ان ترد عليه بالحسنى رداً تشعره فيه بخطئه تجاهك وتجاه زملائك

وفى النهاية أقول انها حالات فردية
وبالعكس من ذلك اجد مدرسين متعاقدين بمدرستى منهم متعاقدين بالحصة .. وصدقنى أقسم بالله أجد تعاطف كبير معهم من الوكلاء والمدرسين الأوائل

حتى ان حصص الخدمات لا يدخلها اى معلم منا ويتم تركها لهم حتى يستطيعون عمل مبلغ مالى آخر الشهر تعاطفاً معهم ومع ظروفهم وجميعنا ندعو الله لهم بالتثبيت ...

ولا توجد بيننا بفضل الله هذه المشاعر السلبية لكن ربما هذا بسبب أنه لا يوجد بيننا معلم فى التعليم الثانوى يحسد متعاقد لأنه أعلى منه مؤهلاً مثلاً او متعاقد ينظر لمعلم مثبت انه أقل منه مؤهلا وما ينتج عن ذلك من خلافات فهذا غير موجود

ونسأل الله العلى القدير ان تزول هذه المشاعر السلبية لأنها تعيب جموع المعلمين كما تعيب العملية التعليمية

وتقبلوا جميعاً تحياتى ...

[قاهر الاسود]

المشاركة الأصلية كتبت بواسطة ابلة هدى

الحق ان هذا الكلام الذى وجه اليك أخى الكريم يضايق ويحرق الدم
لأنه ملىء بتثبيط الهمم وخنق الأحلام وهذا أقصى ما يقع فى النفوس وي***ها .. فيجعلها خاملة عن العمل .. هامدة عن الحركة ... فأى منفعة ينتظر من وراء هذا الفعل ونتائجه؟؟؟؟ ولمصلحة من ؟؟؟؟

لكنى ألاحظ تفاقم هذه المشكلة الخطيرة فى التعليم الإبتدائى خاصة حيث ينقسم المعلمون الى مؤهلات متوسطة وعليا ....

لكن كما نقول هذه فنقول تلك ......
أحياناً يكون المتعاقد بالتعليم الإبتدائى مستشعراً بأنه أفضل من المعلم المثبت لأنه أعلى مؤهلاً ..

وهذا من شأنه أن يثير النزعات والخلافات فى مكان يتوقع فيه التلاحم والتوافق وهو المدرسة التى يجب ان تعكس أداء من بداخلها ...

لذا لا عجب ان التعليم الإبتدائى يعانى من مشاكل خطيرة ووخيمة ....

وما أقوله لك أخى الكريم الا أنك كان يجب ان ترد عليه بالحسنى رداً تشعره فيه بخطئه تجاهك وتجاه زملائك

وفى النهاية أقول انها حالات فردية
وبالعكس من ذلك اجد مدرسين متعاقدين بمدرستى منهم متعاقدين بالحصة .. وصدقنى أقسم بالله أجد تعاطف كبير معهم من الوكلاء والمدرسين الأوائل

حتى ان حصص الخدمات لا يدخلها اى معلم منا ويتم تركها لهم حتى يستطيعون عمل مبلغ مالى آخر الشهر تعاطفاً معهم ومع ظروفهم وجميعنا ندعو الله لهم بالتثبيت ...

ولا توجد بيننا بفضل الله هذه المشاعر السلبية لكن ربما هذا بسبب أنه لا يوجد بيننا معلم فى التعليم الثانوى يحسد متعاقد لأنه أعلى منه مؤهلاً مثلاً او متعاقد ينظر لمعلم مثبت انه أقل منه مؤهلا وما ينتج عن ذلك من خلافات فهذا غير موجود

ونسأل الله العلى القدير ان تزول هذه المشاعر السلبية لأنها تعيب جموع المعلمين كما تعيب العملية التعليمية

وتقبلوا جميعاً تحياتى ...

اللهم يكثر من امثالك يا استاذة
لكن للاسف امثال حضرتك قلة فى هذا الزمان وعملة نادرة

[moha_5500]

لله الحمد مدرستنا كلها متعاقدين تقريبا عشان كده مش حسين بالمشكله دى . بس واحد زميلى الموجه بتاعه قاله انتوا المتعاقدين شغالين بقلم رصاص . يعنى ممكن نمسح اسمائكوا بأستيكه و نمشيكم و حصل عليها فعلا مشاكل كتير . طبعا لان كل مكان فيه الحلو و فيه المنيل دا طبيعى انك تلاقى ناس كويسين و ناس مقرفين فى المدارس .

[ابو محمد الطيب]

اخواني الكرام

حياكم الله

حيا الله المتعاقدين

من هو المتعاقد ؟

هو أخي أو ابن أخي او ابن أختي

أو ابن عمي أو ابن خالتي

من هو المتعاقد

هو بالتأكيد مصري !

هو بالتأكيد إنسان !

لماذا أكرهه ؟!

هل أخذ شيء من راتبي

في مدرستنا ثلاثة متعاقدين

العلاقة بيننا على أعلى مستوى من الحب والإحترام

فهم يعرفون واجباتهم

ويبذلون طاقتهم في خدمة التلاميذ

.............................

إن من يكره الأعلى منه مؤهلا

أو الأعلى منه مكانة

إنسان مريض يحتاج إلى علاج

......................

وأقول للإخوة المتعاقدين

ادفع بالتي هي أحسن

قابل السيئة بالحسنة

لا أقول تهاون في حقك

ولكني أقول :

خذ حقك بهدووووء

.......................

للجميع التحية

والسلام عليكم ورحمة الله وبركاته

[abou wafaa]

هىىىىىىىىىىىىىىىىىىىىىىىىىىىىىىىىىىىىىىىىىى دنيا



البلاوى دى مش بتلاقيها غير ف الابتدائى

العقليات للأسف الاقل ف التفكير

[مستر .سعد الحجرى]

انا مع راى قاهر الاسود ((وفى السماء رزقكم وماتوعدون))

[خالدأبومحمد]

صلوا عا النبى/
العبد لله أخوكم (خالد) بقدرة ربنا عز وجل بقيت مدرس ثانوى ولعت فيهم وبقدرته عز وجل بقيت عندهم والأكاده بعرف والحمد لله والعياده بتجهز سلطوا علي المدير المدير اصلا مش تحتاج توصيه وأناطالب زعلنا مع بعض شويه زعل من ال بين الطالب ووكيل شئون العمال والنظافه حبايبي ال كانوا في المدرسه رحت لقيتهم كلك راحوا ومفضلش ال هو المهم ما أطولش قل ايه طول صاحبك يخش الفصل يلقيني بأشرح ويبص للعيال كده من تحت لتحت وعينيه بتقول هه قلولي بيشرح ولا لأاا ما متخفوش أنا بس قولولي ولا الهوا المهم دخل في يوم آخر التيرم في أول الحصه التحضير يا أستاذ طبعا نسيت اقول انا ما عنديش قيام المهم بيمضي التاريخ فين ياأستاذ قلتله ماشي حأكتبه جاه واخد الدفتر وماشي مع السلامه شويه وجاه المدرس الأول حبيبيييي ايه يأأستاذ خالد مش كاتب التاريخ ليه وراح ضاحك ابقي أكتب التاريخ عدت دي وماشغلتش بالي رقدلي يومين طبعا أنا لا سلام ولا كلام وحياتي ماشيه عادي أنا شفت من دا كتييييرررررررررر في الإبتدائي امال ايه عموما العيال بينادوا عليه علشان إتعشي أتعشى وأبقه أكملكم

[ا/عبد الفتاح شبانة]

انت لوحدك امام الكل حقا معنا الله لكن الناس دى بصة لينا نظرة مش كويسة وةالله يأخى انا تعبت من كتر التجاوزات للأساسين طبعا مش الكل فى ناس مابتجيش المدرسة والله يخوية ان طلبة رابعة ما استلموا كتاب دراسات الترم الاول لان البيه قال جابهم واتشالو منه ولا ولى امر جه واتكلم او سأل لازم امثال هؤلاء يعملو كده لأنه لارقيب كتب *بسكوت *وغيره والمسئولين نايمين فى العسل نفسى يكون المدير بالعقد علشان يحس بالخوف ويراعى الله فى عمله ياراجل دحلف على المدير بالطلاق واتصالحوا لان فى ناس مش عاوزة الموضوع يكبر وغيره لو قعد احكى النهلر هيخلص حسبنا الله ونعم الوكيل

[الاستاذ ايمن]

ان شاء الله بعد النتيجة والرخصة هتثبتوا

[mr_moh55555]

المشاركة الأصلية كتبت بواسطة قاهر الاسود

على الفكرة السبب فى ده انتم
انا متعاقد وواخد حقى فى المدرسة تالت ومتالت
هتقول ازاى هقولك العقود على الرغم من جميع المساؤى انما فى ميزة انت مش واخد بالك ليها
وهى مليناش ملف وتقرير ودرجة
انا باخد جدول زى المعلم الاول 22حصة والاحتياطى بتتعمل مراية الكل بياخد زى بعض
انا اشتغلت مرة واحدة بالشكاوى فى بداية العقد وكشفت الفساد واللى بيجى واللى بيمضى للكل وبلاوى المدرسة الحاقدين (الناظر والوكلاء)خدو جزاء يقطم الوسط واللجن كل شوية المدرسة اتقلبت
حاو بعدها يضغط عليا قلت له احنا كبيرك علينا جزاء وفى النهاية خصم من المرتب
انا مضحى بشهر من المرتب اى 10 جزاءات كل جزاء ب 3 ايام بس اللى ميزعلش وانت مجرب
والله باخد حقى والجدول اللى انا عايزه والاجازات كلها باخدها (نصف السنة والصيفية)وبتمضى لى حضور وانصراف
يا اخوانا فسادهم اكتر وخوفهم اكتر عليكم بالشكاوى للادارة والنيابة الادارية والرقابة الادارية وهتاخد حقك وشكراااااا كمان ان فى النيابة الادارية قالى دول عصابة بهدلتهم من اول شهر والان 4سنوات باشا فى المدرسة والكل اكتر ناس يخافوا منهم المتعاقدين

ههههههههههههههههههههههههههه

يا اسد يا مرعب...سيادتك بتفكرني بأفلام ابيض و اسود...البطل اللي بيضرب كل الاشرار
وحطط في شعره فوزلين...

يلا الكلام ببلاش

بس لاحظ انك غلطت في حق ناش انت شغال معاهم و بتعمل زيهم يعني انت مثلهم