ثقافه هيفا وهبى..ايجابيات ايجابيات

[الشفق الباكي]

اعزائى مشاهدى ومستمعى وقارئى .........................قناه بوابه الثانويه الاعزاء
سلام الله عليكم ورحمته وبركاته


اننا اليوم بصدد موضوع مهم جدا اوى خالص

الاول يارب تكونوا بتقضوا اجازه سعيده

ندخل بقى فى موضوعنا المهم الاوى الخالص دا

طلب صغنن من الاول كده
هتقل عليكوا التوبيك طويل اوى اوى
بس ياريت اللى هيرد عليه
يقرأ التوبيك كامل
علشان قصدى يوصل

طبعا نحيى جميعا المطربه المحترمه اوى اوى ذات الثقافه العاليه جدا والروح الحاضره والقلب الطيب هيفاء وهبى
دايما بتفكر ياعينى ازاى تسعد الشعب العربى وازاى تهتم بمشاكله وتسعده
اول مشكله وكان الكل بيعانى منها وبشده
ارتفاع متوسط عمر السيدات عن الرجال
الحمد لله المطربه الخلوفه هيفا وهبى حلت المشكله دى وببساطه شديده عادى جدا ياحاج عايز تموت الحاجه بدرى افتح اى قناه اغانى والمودام فى لحظه هيجيلها السكر والضغط وامراض القرن والحمد لله تكون دى اول مشكله الفنانه هيفا وهبى ساهمت فى علاجها بنجاح
احييها بجد على المجهود اللى بتبذله واللى محدش يقدر ينكره ابدا
نيجى بقى على المستوى التانى
وحلت مشكله مهمه جدا
الا وهى الاكتئاب النفسى عند الشباب
ودى طبعا مش هنتكلم فيها لانها نجحت وبشده
طبعا يعنى مش عايزه اتكلم علشان ماغلطتش فى حد فى التوبيك
ربنا يهديها يارب ويهدى الناس كلها


نيجى بقى على اهم مستوى واللى هى قدرت توصله بطريقه ناجحه جدا ستساهم فى خلق جيل مبدع ومحترم وملئ بالمواهب والمبادئ والاخلاق
شوفتوا بقى
تمثلت انجازتها فى هذا المجال فى اغنيه ماما ياروح ماما بتاعت الكوكو دى يعنى اكيد كلكوا عارفينها وواوا
طيب خلونا بقى فى المهم وسيبكوا من الشويه اللى فوق دول
دول عباره عن تريقه ليس الا
طيب افهم
ثقافه ايه دى اللى نربى عليها طفل عنده خمس سنين باغنيه زى دى
طب والله الطفل يشوف ايه بس فى كليب زى دا
لا وكمان ربت مبدأ مهم جدا الا وهو لاتؤجل عمل اليوم الى الغد
بكره الجمعه مفيش المدرسه فى الاغنيه الاولى
لااا وايه بتعتذر كمان
هتعقد العيال ياااناااس يعنى الطفل مش هيلاقى ام على المستوى دا ( طبعا مستوى عالى جدا)
بجد مهزله مهزله بمعنى الكلمه
دى ايه دى علشان تغنى اغنيه لاطفال
ومحدش يقولى الاطفال بتحبها
طب ماانا عارفه انهم بيحبوها ............... خلونا ساكته علشان خاطرى
اما الاغنيه التانيه
والله مااعرف بتعزز ايه
هى حاجه كده ملهاش دعوه باى حاجه

بجد احنا كده بندمر جيل بالثقافه اللى احنا بنزرعها فيه دا
والامهات والاباء فرحانين بولادهم لما يحفظوا الاغنيه
الله شفتوا انجاز الولد سريع البديهه هيطلع عبقرى احمد زويل ياعيال على ايد هيفا وهبى

اللى خلانى اكتب التوبيك دا حاجه استفزتنى جدا جدا
كنا يوم ماتش مصر وغانا بنتمشى وجبنا سيره الاغنيه دى انا واصحابى بعد الامتحان
وجنبا واحده ومعاها البيبى بتاعها
لقيت اللى بتقول معاكوا الاغنيه دى
انا استغربت جدا من السؤال
ولقيت اجابه سريعه جدا
اااااااااااااااه
قالتلنا طب ابعتوهالى

احم احم
انا بردو استغربت
صاحبتى سألتها اشمعنى الاغنيه دى
قالت بنتى بتتهبل عليها
انا بصيتلها
طيب يامام اتهبلى انتى وهى
طبعا صاحبتى بتعتلها وانا واقفه
لقيت اللى بتقول الاغنيه مش بتوصل بيقول الذاكره لاتكفى
طبعا كل دا علشان هى بتستقبل على ذاكره الهاتف واكيد مش مقضيه
سكت
لقيت اللى بتقول اصل جوزى عاملى فيها مسلم اوى وحاططلى القرآن على الموبايل
تصدقوا ساعتها كنت هديها فى وشها بس ربنا ستر ايدى كانت بتوجعنى وكنا فى الشارع واتحرجت
جوزك مسلم ياروح ماما
وانتى ايه ملتك باذن الله
وبنتك دى هتربيها بردوو ان بابى مسلم سيبك منه خليكى مع القطقوطه هيفا
هى دى تربيتنا ان شاء الله
جاتكوا...............مليتوا البلد

ملناش دعوه بالحاله دى دى حاله استثنائيه

لا والله
فى مليون حاله كده لا اكتر
لا تشوف تلت الربع الشباب مبلم ادام التليفزيون
يبقى دى حاله استثنائيه
هى دى الثقافه بتاعتنا دلوقتى
لما تشوف بردو اب
ونفس الحكايه
دى اخلاقنا ودى الحاجات اللى ان شاء الله هنديها لاولادنا
لما تشوف طفل صغير
بيشووف شويه مناظر مايعلم بيها الاربنا فى التليفزيون وهو صغير
دا ان شاء الله هيطلع متربى على ايه علشان ماعنديش فكره


احييى هيفا وهبى لانها بصرااحه جمعت الناس على حاجه واحده سبق تاريخى
محدش عمل كده قبلك ياهيفا
كفايه كل اللى بعدك غيران منك
وقاعدين من بعدك بيهدموا فى ثقافه مجتمعنا
من بعدك كله عرف طريقه للشباب وكل طبقات المجتمع
من بعدك كل ذرات الحياء فى التليقزيون اداست فى الارض وكله اعلنها نعم للحريات
حريااات ايه بس
تصدقوا انتو عالم .............
انا بقيت بستغرب الناس دى معندهاش دم ولا مش بتحس
طب والدين وقولنا ياللا هنقول معندهمش دين

كمان لادين ولا غير الدين
بقيت اتوقع اى حاجه فى القنوات بتاعتنا
جاييبن شويه مناظر ماعندهمش دم
واحنا بدورنا بنسااعد بردو
سايبين ولادنا
سايبين نفسنا اساسا
للثقافه دى والمناظر دى

دى طبعا الاغانى
والافلام كمان
اضف الى معلوماتك الافلام
خلاص مشاكلنا كلها انتهت وكل همنا الافلام العجيبه اللى بتناقش قضايا اعجب
تخليك اساسا لو قلبت صدفه على اعلان
كاره نفسك وحياتك والتليفزيون

والله حرام
طب والله حرام كمان مره

كلنا مسئولين عن حاجه زى دى
الاب مسئول انه يسيب اولاده لثقافه زى دى
انت انتى مسئولين انكوا تنسوا ثقافتنا ودينا
انا مايقولش نبقى شيوخ ولا بتكلم عن الدين دلوقت
انا بتكلم عن ثقافه عن احترامنا لنفسنا
ربنا سبحانه وتعالى ادانا نعم كتير جدا
وادانا عقل اقله يميز ايه الصح وايه الغلط


واخيرااا
طولت عليكوا
وعارفه ان الموضوع مش منظم

بس المناظر اللى بقت موجوده بقت مناظر ..........
ربنا يهديهم بقى
بس دا كله هدم ثقافى
سواء للشباب او للاطفال
لانهم اهم مستويين فى المجتمع
لو الشباب اللى هم امل دلوقت اتهدموا يبقى هدمنا الحاضر
ولو الاطفال ثقافتهم وهويتهم اتمسحت واتعملهم غسيل مخ ان دا الطبيعى يبقى خسرنا المستقبل

سؤال اوجهه لهيفاء وهبى وامثالها
استفدت ايه .؟؟؟؟؟؟
اه صحيح نسيت اقول اشمعنى هيفاء
بس علشان هى اختصاصى جميع مستويات المجتمع
ماسبتش
سلااام بقى
اصل ضغطى اترفع
واكيد زهقتوا من كتر القراءه
دا لو حد قرأ اصلا

[Dr.Rawan M.Fakhry]

لا انا قرات صراحه موضوعك صح بس النفس وما تهوي بس انا فعلا بكرها

[سمر2000]

ارجو تغير العنوان الى ايباحيات وايباحيات برده مش لاقيه ايجابيات خالص غير ان ربنا جعلها للتوازن البيئى اقولكم يعنى ايه زمان مكنتش لاقيه فايده للصرصار والفار والذباب بس عرفت انه طعام لغيره وعشان التوازن البيئى ربنا جعلها لنا على الارض

[دكتور اسلام]

احنا ف زمن

بقي شياطين الانس هم نجوم المجتمع

لاحول ولاقوه الا بالله