شعور مختلف تماما

[مستر/ عصام الجاويش]

شتان الفارق بين شعورنا كمصريين بعد مباراه السودان وشعورنا بعد الفوز ببطوله افريقيا فارق كبير جداااااااااااااااااااااااااااااااااااااااااااااااا ااااااااااااااااا
الفرحه بجد جميله وتعطيك دفعه معنويه وحماس حتى فى عملك الخاص بل وتنعكس بشكل ايجابى على تعاملك مع كل من حولك اما الهزيمه تؤدى الى العكس تماما
من مزايا هذه البطوله انها وحدت مشاعر المصريين الانتماء لمصر فقط وليس للاعب بعينه ولا لنادى بعينه مع اعترافنا ان كل واحد بيحن اكثر للاعبى ناديه واحنا فى الاسماعيليه المنتخب ده يعنى قريب جدا لنا لان معظم لاعبى هذا الفريق حققوا انجازات للاسماعيلى يعنى احمد حسن بدايه تألقه فى الاسماعيلى وساهم فى تحقيق كاس مصر للاسماعيلى قبل رحله احترافه ثم عودته لنادى الاهلى العظيم طبعا وعندك سيد معوض واحمد فتحى نجوم الاسماعيلى سابقا والاهلى حاليا وهانى سعيد نجم الاسماعيلى سابقا والزمالك حاليا اضافه الى لاعبى الاسماعيلى حاليا الحضرى ومعتصم سالم وحسنى عبد ربه وطبعا نحن لاننسى اى لاعب لعب للاسماعيلى ولايمكن ابدا ان ننكر فضله وايضا اى لاعب لعب للاسماعيلى يحب جمهور الاسماعيلى العاشق لكره القدم ولكن فى البطوله كنا نشجع كل لاعبى المنتخب كلهم الانتماء للمنتخب وليس لنادى بعينه وهذا اجمل شيئ وياريت بعد البطوله دى نشوف الحب فى ملاعبنا مش عاوزين نشوف الهتافات العدوانيه واستفزاز الفريق المنافس وطبعا ده بيحصل فى كل الملاعب من جماهير الكره وكانت مبادره الاستاذ علاء مبارك للصلح بين جماهير الاهلى والاسماعيلى شيئ جميل ومع ذلك حصل تجاوزات بين الطرفين ونتمنى ان تزول كل هذه المظاهر السلبيه فى ملاعبنا بعد ان وحدت بطوله افريقيا مشاعر الجماهير ارجو الا تفرقنا بطوله الدورى مره اخرى وان تتقبل الجماهير انتقال اللاعبين من نادى لاخر لان هذا احتراف ومفروض الجماهير تفرح لما يظهر لاعب جيد فى اى نادى زى ماكلنا فرحنا بـ (جدو) وانا عن نفسى فرحان بلاعبى الاهلى الجدد شبيطه واحمد عادل ولاعب الزمالك بوجى ولاعب الاسماعيلى احمد على واتوقع ان هؤلاء اللاعبين سيكون لهم دور فى منتخب مصر فى المستقبل

[..Just Stop]

تحية كبيرة للاسماعلية واهلها

=======
اى نعم انا حاسس ان الموضوع بيتكلم عن الاسماعيلى
بس فهمت بردو ان لازم روح المحبة تسود على الرياضة
مش شرط نشجع المنتخب بكل حب علشان هو بيلعب ضد فرق غريبة
من مبدأ انا واخويا على ابن عمى ونا وابن عمى على الغريب
انا فرحت اوى لما كان الاسماعيلى والاهلى بيلعبو ورافعين شعار فى حب مصر
ربنا يديم علينا نعمة الحب السايدة اليومين دول
شكرا على الموضوع
دمتم فى رعاية الله

[مستر/ عصام الجاويش]

المشاركة الأصلية كتبت بواسطة ..just stop

تحية كبيرة للاسماعلية واهلها

=======
اى نعم انا حاسس ان الموضوع بيتكلم عن الاسماعيلى
بس فهمت بردو ان لازم روح المحبة تسود على الرياضة
مش شرط نشجع المنتخب بكل حب علشان هو بيلعب ضد فرق غريبة
من مبدأ انا واخويا على ابن عمى ونا وابن عمى على الغريب
انا فرحت اوى لما كان الاسماعيلى والاهلى بيلعبو ورافعين شعار فى حب مصر
ربنا يديم علينا نعمة الحب السايدة اليومين دول
شكرا على الموضوع
دمتم فى رعاية الله

لا الموضوع مش عن الاسماعيلى بقول ان كل بلد بتبقى فخوره بلاعيبها وده شيئ طبيعى لكن اللى احنا عاوزينه يحصل بعد البطوله هو ان الروح الرياضيه تسود فى كل مكان فى مصر لان لاعبى الانديه كلهم اولاد مصر
وميصحش اللى بنشوفه من المشجعين لما بيشتموا بعض ويتخلوا عن الروح الرياضيه ولو بصنا بحياد هنقول ان كل فريق فى مصر يستحق الاحترام الاهلى فريق البطولات اللى مشرف مصر فى كل مكان واداره النادى الاهلى نموذج هايل ومثل اعلى للاداره الناجحه ولو كل ادارات الانديه زيها هنشوف اقوى دورى فى العالم
اما الزمالك فريق يحتوى على كم هائل من اللاعيبين الموهوبين بس عاوز اداره زى اداره الاهلى والاسماعيلى زى ماهو واضح فريق قادر على صنع النجوم واسلوب لعب جماعى مميز برازيل مصر لكن مشكلته فقير ماديا كمان انديه المؤسسات عامله شغل هايل

[sympathique]

احم طبعا انا شرقاوى واهلاوى
بس ساكن فى الاسماعيلية علشان الدراسة
وحضرت مبارة الاهلى والاسماعليى
وبجد يامستر عصام الجماهير مقدرتش اى حد كان موجود ولا حتى الاستاذ علاء مبارك
وانا كنت مستاء جدا من اللى حصل يوم الماتش ده
مع العلم انى انا حضرت فى مدرجات النادى الاهلى وخرجت معاهم مباشرة على القاهرة لانى مكنش ينفع اخرج كده عادى وحضرتك عارف طبعا

بس خلينا من الموضوع ده وبلاش نتناقش فيه



اما بالنسبة للمنتخب فكلنا بنحبهم وبنشجعهم بس مش كل الناس بردع انا كنت بحضر الماتشات كلها فى الاسماعيلية وبجد لاعيبة الاهلى كانوا بيتهانوا

برده مش موضوعنا

المهم زى ماحضرتك قلت
ان احنا ننسى بقى اللى فات ده كله وبجد نتوحد فى كل حاجة وبلاش بقى الشعارات دى اللى بتحصل فى كل ماتش
ونلعب بقى بروح رياضية حلوة

وبجد ياجماعة فعلا

شعب الاسماعيلية ده شعب محب للكرة جدا وكروى الى درجة لاتتخيلوها وبيعشقوا حاجة اسمها كرة قدم

[Dr.Rawan M.Fakhry]

[aissat asmaa]

اود ان اضيف ان لم يكن لكم مانع

حقيقة حتى الاخوة العرب ككل فرحوا بفوزكم
و اتمنى ان يديم الله فرحة العرب المسلمين في كل بقاع العالم

بوركت استاذي للطرح الراقي للمواضيع الذي عودتنا عليه

اسفة ان ازعجتكم بتدخلي

[مستر/ عصام الجاويش]

حوار استفزنى جدا (نعرف ليه)
اليوم شاهدت برنامج على قناه الجزيره الرياضيه 1 يقدمه المعلق الجزائرى الذى علق على مباراه مصر والجزائر التى اكتسح فيها منتخبنا فريقهم باربعه اهداف مع الرأفه . استضاف المعلق الجزائرى بتاع (أولالا) شخص اخر من المغرب بيتكلم عربى مكسر هذا الشخص كلامه يقطر حقدا على مصر واستضاف من مصر الكابتن عدلى القيعى الرجل المحترم الذكى الهادئ الذى احترمه جدا .
موضوع الحلقه بيتكلم عن ليه مصر حصلت على كاس افريقيا واخفقت فى الوصول لكاس العالم ثم جاءت الاتصالات من بعض الجزائرين الذين اتفقوا جميعا على ان اهم شيئ هو وصول المنتخبات لكأس العالم اما بطوله افريقيا فهى بطوله ليس لها قيمه وطبعا قالوا ان المنتخب المصرى بيكسب لان مش عنده لاعبين محترفين وعشان كده بيقدر يجمع اللاعبين فى البطولات المجمعه لان الفرق التانيه لاعيبها محترفين ومش بيقدروا يجمعهم قبل البطولات بفتره كافيه وقعدوا يغنوا ويردوا على بعض ان الاهم الوصول للعالميه.
نشوف بقى رد الكابتن عدلى القيعى الرجل الذكى بجد قال ايه بقى؟
1- المشاركه فى كاس العالم لاتعنى الوصول للعالميه طب مااحنا شاركنا فى كاس القارات وكسبنا ايطاليا ولعبنا مباراه ممتازه امام البرازيل لكن الحصول على البطولات هو الفيصل
2- الهدف من المشاركه فى كاس العالم هو لفت انظار العالم لك واحنا بحصولنا على بطوله افريقيا اللى انتوا بتعبروها مش مهمه لفت انظار العالم كله لنا
3- كون الفرق العالميه زى مانشستر بتعمل حساب لفرقنا زى الاهلى والزمالك ده معناه وصول للعالميه
انا بصراحه باجماعه كلام الناس دول استفزنى جدا وحسسنى انهم فعلا بيكرهوا منتخبنا جداااااااااااااااا ومفيش امل للتقارب بيننا