ضرورى عشان امتحانى بكره (هندسة)

[ندى22]

السلام عليكم ورحمة الله
ارجو من اساتذة الرياضيات التفضل بالاجابة على اسئلتى عشان امتحانى بكره وقلقانة تيجى حاجة منها لانها من الامتحانات بتاعة الادارات
س1 اوجد مساحة المثلث المحصور بين المستقيمين: ل1:س=8-ص
ل2: ص=س+8 ومحور السينات ...
س2 اوجد معادلة كل من المستقيمين المارين بالنقطة (4"""""""-2) والذى يصنع كل منهما زاوية قياسها 45 مع المستقيم 5س+3ص-9=0
س3 قياس الزاوية المحصورة بين المستقيم ص=س والاتجاه الموجب لمحور الصادات ...............
س4 طول العمود المرسوم من احدى نقط المستقيم 7ص-14=0 على المستقيم 3ص=12

س5 اثبت ان الزاوية بين المستقيمين :ص=(1+ك/1-ك) س+4 """"""""""" ص=ك س +8 قياسها ثابت لجميع قيم ك لا تساوى 1 ثم اوجد قياس هذه الزاوية.
معلش طولت عليكوا
س6 دائرة مركزها نقطة الاصل و اب تقاطع دهه=ج ومعادلة اب : 5س-12ص+26=0
معادلة دهه = 4س-3ص+10=0
اثبت ان أب=دهه.
وشكرا وجزاكم الله خيرا بس بليز حد يجاوبلى عليهم

[ندى22]

مفيش ولا رد انا فى حاجات من الاسئلة دى عايزة اتاكد منها بس من فضلكم اللى يقدر يحلهم وعنده وقت يكتبهم مش يتاخر عشان امتحانى بكرة....

[ماجد سلطان]

انا جاهز بس دقايق

[ماجد سلطان]

س1 اوجد مساحة المثلث المحصور بين المستقيمين: ل1:س=8-ص
ل2: ص=س+8 ومحور السينات ...
الحل
هاتمثلي المستقيمين ها يقطعوا محور السينا ت الأول في (8 ، 0 ) والثاني في
( - 8 ، 0 ) وبذلك تكون القاعدة طولها 16 وحدة طول
والمستقيمين هايقطعوا محور الصادات في النقطة ( 0 ، 8 ) وبذلك الارتفاع = 8 وحدات
وبذلك تكون مساحة المثلث = نصف القاعدة في الارتفاع

تساوي نصف في 16 في 8 = 64 وحدة طول

[ماجد سلطان]

س3 قياس الزاوية المحصورة بين المستقيم ص=س والاتجاه الموجب لمحور الصادات ...............
الحل
المستقيم ميله = 1 أي يصنع زاوية قياسها 45 مع الاتجاه الموجب لمحور السينات وفي
نفس الوقت المستقيم يمر بنقطة الأصل
اذا المستقيم يصنع زاوية قياسها 45 مع محور الصادات الموجب

[ماجد سلطان]

س4 طول العمود المرسوم من احدى نقط المستقيم 7ص-14=0 على المستقيم 3ص=12
الحل
المستقيم معادلته 3ص - 12 = 0 وبالتالي
أ = 0 ، ب = 3 ، ج = -12
المستقيم الاخر 7ص -14 = 0
عند س =0 ص = 2
المستقيم يمر بالنقطة ( 0 ، 2 )
يعني س1 = 0 ، ص1 = 2
نعوض في قانون البعد يطلع الناتج = 2 وحدة طول

[ماجد سلطان]

س5 اثبت ان الزاوية بين المستقيمين :ص=(1+ك/1-ك) س+4 """"""""""" ص=ك س +8 قياسها ثابت لجميع قيم ك لا تساوى 1 ثم اوجد قياس هذه الزاوية.

الحل
ميل الاول = 1 +ك / 1-ك
ميل الثاني = ك
ظاي = +_ ( 1+ك /1-ك - ك ) على ( 1+ 1+ك/1-ك xك)
بتوحيد المقامات والاختصارينتج
ظاي = +_ ( ك2+ 1 / 1-ك) على ( ك2+1 / 1-ك)
= +_ 1
أي أن قياس الزاوية ثابت لجميع قيم ك لاتساوي 1

ي = 45 أو 135

[ماجد سلطان]

س6 دائرة مركزها نقطة الاصل و اب تقاطع دهه=ج ومعادلة اب : 5س-12ص+26=0
معادلة دهه = 4س-3ص+10=0
اثبت ان أب=دهه.
الحل
هذه المسألة تعتمد فكرتها على انه الاوتار التى على ابعاد
متساوية من المركز تكون على متساوية في الطول
نجد طول العمود الساقط من النقطة ( 0، 0 )
على كل من المستقيمين
نجد انه في الحالتين طوله 2 وحدة طول
اي ان الابعاد متساوية
اذا الاوتار متساوية

[ماجد سلطان]

دي طويلة وحلها كله كسور لأن هانستخدم فيها قانون الزاوية بين مستقيمين
ومفيش وقت اكتبها ببرنامج الرموز لأني مشغول والله
وعلى فكرة انا مدرس ثانوي يعني لو كان ليكي نصيب وشوفتي المسائل المحلولة
فاطمني للحلول وربنا يوفقك ويفتح عليكي من علمه ويارب اكون افدتك

[ماجد سلطان]

نمتي ولا شفتي الاجابة

[ندى22]

متشكرة جدا يا مستر ماجد انى تعبت حضرتك بس انا مش شفت الاجابات والحمد لله الامتحان طلع سهل ومفيش مشكلة بس انا كنت فئدت الامل ان حد يرد عليا ومرة تانية شكرا جزيلا واسفة انى تعبت حضرتك ان شاء الله مقدما كده هستنى ردود حضرتك واجاباتك القيمة فى الجبر وحساب المثلثات

[ماجد سلطان]

الحمد لله على أن ربنا وفقك وهذا هو أملي سواء شوفتي الاجابات أو لأ
هو المهم انك تحلي وتتوفقي وربنا يوفقك في باقي المواد عامة وفي
الجبر والمثلثات خاصة وانا جاهز وتحت أمرك وعلى فكرة امس أول ليلة
ادخل الموقع متأخر لأني كنت في مشوار وأنا والل لي أسبوع كل ليلة
ادخل لحل مسائل لزملاءك كتير جدا لوجه الله وحتى ننفع بعلمنا الذي
علمنا ربنا اياه ولكن كان حظك كده امبارح لكن تتعوض ان شاء الله
ودا واجب عليا بدون شكر دا حقكم علينا وتمنياتي بالتوفيق
ودا ايميلي على الياهو daim662000
ياريت تضيفيه عندك وقبل المثلثات بوقت كافي عرفيني
او ابعتي المسائل على الايميل او عرفيني برسالة بس
ان ليكي موضوع هنا وانا ادخل على طول
وبالتوفيق ان شاء الله