خير تعمل شر تلقى

فى يوم كنت راكب المكروباص المهم كانت قاعده جانبى واحده منقبه المهم كلمتنى براحه وقالتى معلش ممكن تحسبلى علشان معيش فكه المهم انى كمان مكنش معايا فكه فاقلتلها ماشى اديت للسواق 20 جنيه وبعتلى الباقى لسه بنزل من العربيه صرخت الست النقبه دى وقالت حرامى سرق العشرين جنيه اليه معايا قلتلها انا قالت اه حسبى الله ونعم الوكيل فيك قلت للسواق ياريس انا مش لسه باعتلك 20 قلى ايوه بس انا معرفش مين اليه بعتها المهم المكروباص وقف وكان بالصدفه فى كمين واقف وصل امين شرطه وقال ايه الحكايه حكتله على اليه حصل راح قايل اركبوا انتوا الاتنين البكس وصلنا قسم الشرطه الظابط بيكلمنى وبيقول متقول ياله انك انتا اليه خت الفلوس وتخلصنا ورح ضربنى بالقلم على وشى انا وقفت مصدوم مقدرتش اتكلم بعديها بشويه الظابط شك فى الست اليه منقبه قلها اخلعى النقاب قلتله ازائ ياباشا قلها اقلعى النقاب وله اقلعهولك قلعت النقاب وكانت المفاجاه الست دى واخده موس فى وشها الظابط قلها هو انتى يامديحه قلى خلاص معلش ياكابتن خد بطاقتك وفلوسك واتفضل رديت عليه وقلتله ازاى يعنى انا اتهنت واتهزقت واتضربت وفى الاخر امشى كده قلى الظابط عايزنى اقدملك اعتزار رسمى يعنى قلتله لا بس اقل حاجه اضربها القلم اليه خته قلى انتا عبيط يابنى المهم من هنا لهنا الظابط وافق لسه بمد ايدى بضربها بالقلم </span> 0000000 ايدى خبطة فى السرير صحية من النوم ههههههههههههههههههههه</span>

[Miss_CaR!zma]

هههههههه
اكيد الجو كان برد
يللا بقى خليك انت الطيب :D
دى مديحه وما ادراك ما مديحه
ابقى قول اذكار النوم قبل ما تنام نصيحه يعنى

[القطة الروشة]

يا راجل

واضح ان فى عدوة ماشية فى شباب المنتدى الايام دى

اهدى يا ابنى واستعذ بالله ومتخفش يعنى هتخف ده هو مش مرض معدى

بهزر

هههههههههههههههههههههههههههههههههههه

بجد حلو اوى الموضوع يا سيف

شكرا على التعليق هتقل على نفسى وانا نايم

[القطة الروشة]

ايوة اعمل بالنصيحة بدل ما يجيلك كوابيس وعفاريت (بسام طبعا اوعى حد يقولة على حاجة) وجن

وتيجى تطلعهم علينا

كفاية الثانوية

هههههههههههههههههههههههه

بجد الموضوع حلو ويا رب اكفينا شر البت مديحة

[The_Relativistic200]

ابقى اتغطى كويس يا حبيبى :P
آدى اخرة كل اللى بيسيب صباعه الكبير عريان
بس على فكرة ده مش حلم بتحصل كتير

[الامير صاصا]

هههههههههههههههههه
بجد حلو ياسيف

[The Lord Of The Rings]

المهم في الموضوع ده كله


انت كنت قاعد ف آخر كنبة ورا ولا في اللى قدامها
أصلها تفرق

و العشرين جنيه كانت جديدة ولا قديمة
أصلها تفرق

و الأجرة كانت كام بالظبط

بس المفروض انك واخد باقي العشرين جنيه يعني مش عشرين جنيه كاملة
فازاي هي تقول انك سارق منها عشرين جنيه
ده يثبت كدبها
ماشي يا مديحة


أه معلش نسيت
ده الموضوع مقلب
مشكووووووووووووور عليه يا سيف

[LA STELLA]

شد اللحاف كويس

و ع العموم هبقى ابعت لك كتاب لتفسير الاحلام قريب :P هههه

[am_online5]

بجد بجد
خير تعمل شر تلقي
احتسبها عند الله ولك الاجر
..............

[مهرة]

<div align="center">
رغم كل التعليقات الجميله

ورغم الحلم اللى ازعجنى

الا ان قدرتك على التاليف روعة .. لانى فعلا صدقتك ..

واتعاطفت معاك ... وثورت ازاى كل جريمة ترتكب يكون الاسلام وسيله من وسائلها

بس ازاى احنا بقينا نشوه صورة الاسلام بايدينا

يا ترى بعد الموضوع ده اى بنت هتفكر فى النقاب............؟؟

اكيد لاء...

بجد انا زعلانه

مش منك

ولكن مننا كلنا .. اصبحنا نشارك اعداءنا فى تشويه صورتنا كمسلمين

شكرا يا سيف يا ارهابى

مش انت مسلم تبقى ارهابى

اتمنى ان كلامى مش يزعلك

...</div>

[MohammeD el_SadaT]

يعنى هى القصه جميله بس انا مش هرد


عشان اهر سطر شويه المنظر العام

وضيع حلاوة القصه

[ez edeen]

سامحك الله أأول إيه بس إذا كنا احنا اللي بنتريق على شعائر ديننا , وبعد كده نزل ونغضب لما أعداء الإسلام يستهزؤا بالدين , انت يا أخي مسمي نفسك سيف الله المسلول يصح إن إنت تتيريق على لباس زوجات الرسول ( صلى الله عليه وسلم ) , وتعلى شوف نتيجة استهزاءك واستهزاء غيرك بيه , " رئيس جامعة حلوان يمنع النقاب داخل المدينة الجامعية , ويطرد المنتقبات , وينكل بهن ......http://www.ikhwanonline.com/ik/Artic...25&SectionID=0 ( ابسط يا سيدي ) , أما سمعت قول الله عز وجل للناس الذين كانوا يضحكون ويستهزؤون بالدين على سبيل الدعابة في عهد الرسول ( صلى الله عليه وسلم ) فنزل القرآن فيهم : (( قل أبلله وآياته ورسوله كنتم تستهزؤون * لاتعتذروا قد كفرتم بعد إيمانكم)) , أسأل الله أن يتوب علينا , وأنا عارف إن إنت مش قصدك حاجة بس هية دي حقيقة أعداء اٌسلام ما بيسدأوا , فأجو منك يا أخي أن تلغي الموضوع و بالتنسيق مع الأستاذ المشرف (( اللهم بلغت اللهم فاشهد ))

اسف ياجماعة لو كان الموضوع ضايقك بس فعلا حصلة قصة حقيقية مشابها وفى قصص كتير بتحصل ابطالها بيتخفوا تحت اسم الاسلام والتدين
انا اسف مرة تانيه
ومعلش محدش هيزود عليه فى دينى انا اعرف دينى كويس