|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
21-01-2010, 04:32 PM
|
||||
|
||||
الفرق بين عقاب المدرس وبين مكافأتة عن عمل جيد
السلام عليكم ورحمة الله الاعضاء الكرام بصراحة الخبر الذي سيكون موجود بعد هذه السطور ترددت كثيرا في ان اجعلة موضوع هنا لكني بعد الاطلاع علي الخبر وقراءة ما جاء به حدث عندي نوع من الدهشة او ممكن تقدروا تقولوا عنها صدمة او شيء محبط موجز الخبر ان او اقولكم انسخلكم الخبر والرابط طبعا الخبر نقلا عن جريدة المساء وهي جريدة حكومية تتحري الاخبار طبعا قبل نشرها ولا اطيل عليكم ساعرض الخبر واعقب عليه.
الناظر أول من يعلم! دروس خصوصية في معمل المدرسة البحيرة كارم قنطوش: قرر اللواء محمد شعراوي محافظ البحيرة استبعاد ناظر مدرسة الخوالد الابتدائية بإدارة إيتاي البارود ووقف كمال حمروش "مدرس" ثلاثة أشهر عن العمل لقيامه بإعطاء دروس خصوصية لطلاب الثانوي بمعمل المدرسة في الفترة الصباحية بعلم الناظر. كما قرر المحافظ صرف 50 جنيهاً مكافأة لحسن أحمد مدير مدرسة منشأة النصر وصرف نفس المكافأة لعيد الشبشيري مدير مدرسة كفرالشيخ مخلوف بإيتاي البارود ومكافأة تسعة من العمال بالمدرستين بصرف 25 جنيهاً لكل منهم لانتظام العملية التعليمية ونظافة المدرستين. http://www.almessa.net.eg/ نستعرض الخبر علي او نحلل الخبر علي محورين الاول : نشوف المحافظ هاقب بايه طبعا استبعد الناظر من المدرسة واكيد اعطاه كام يوم جزا هدية من عمو المحافظ والمدرس ايلي بيعطي دروس في المعمل تم ايقافة عن العمل ثلاثة اشهر وبما ان المدرسة ابتدائي مفيش فيها امين معمل كان فاتة اخذ ايقاف هو الاخر طبعا لسلطة المحافظ في اللامركزية الله يخليها لنا. المحور الثاني : المحافظ لما يعطي مكافأة ؟ هنا السيد المحافظ ربنا يبارك فية اعطي اتنين مديرين مبلغ كبير جدة قدرة 50جنية مصريا ياسلام افرح يا عم المدير وجه علي عمي العامل الرجل الطيب اعطاه 25جنية مصريا عرفتوا الفرق بين قرارين للمحافظ كام استبعاد مع ايقاف ده قرار اول ولما شاف مدرستين نظاف ومنتظمين اعطي المدير ثمن كيلوا لحمه وللعامل ثمن نصف كيلوا بجد انا زعلان من هذا الخبر ليه في التربية والتعليم المدرس او الموظف يكلف بعمل لايحصل عليه اجر ان اتم العمل جيدا وان اخطيء فعليه الجزاء مثال علي ذلك اعضاء ورئيس الكنترول المدرسي لا يؤخذون اجر علي اعمال الكنترول ولو واحد فيهم نقل درجة غلط فالتحقيقلت والشئون المالية والقانونية والنيابة الادارية معلهشي طولت عليكم شوية.
__________________
|
|
#2
21-01-2010, 05:32 PM
|
|||
|
|||
|
شكرا على الخبر يا مستر
بالنسبة للشق الاول سيدى العقاب با*** من هذا مطلوب لان العمل بهذه الطريقة شائن وقذر ( وجهة نظرى) استباحة فصول درسة واساسها ومعاملها فى عمل غير قانونى بعلم ادارة المدرسة امر غير مرفوض ولابد من عقاب رادع.... اما بالنسبة للشق الاخر وهو الثواب بجد مش عارف اقول ايه واقول لمين لكن بامانة لو معايا اقوله شكرا مش عاوز حاجة ... ربما اقبل بورقة بربع جنيه عليها كلمة شكر مثلا ولا اقبل بمثل ما حدث هذا من ناحية ( دا رايى ومحدش يزعل وكل واحد حر يا عم توفيق !!!!!!!!!!! ) من ناحية اخرى مش عارف الى متى يستمر هذا عندنا للاسف بس ناس درجة اولى وناس من غير اى درجة ولا عصاية حتى ناس تتقاضى الافا متلتلة مش عارفة توديها فين وناس بتنام تحلم تقضيها ازاى بالعافية وكل مرتبها المتواضع على الاكل والشرب لا علاج - لا ماوى محترمة ولا اى نوع من انواع البساطة مش الرفاهية الى متى سيظل عندنا ناس تعتنى بالاسماء وتهتم بالفشخرة والمنظرة ومتاسف على التعبير يعنى وناس تسخر من الاخرين مثلا سيدى شفت برة حاصلون على دكتوراه ويدرسون بالابتدائى بكل حب ومشفتش حد بيقول لواحد يا دكتور ولا يا بروفيسير ولا خلافه تعالى سهوا خلى طالب جامعة يغلط ويقول للدكتور اللى بيدرسه يا استاذ............. هتكون وقعته سووووووووووده بساطة عادية دى مش معناها عدم احترام او تقدير الناس اللى اقصدة محدش بيهتم بالالقاب ولا بالمظاهر زى عندنا شفت ان الكل محترم ما دام يؤدى عمله بضمير وباقتدار مهما كان عمله ولا يوجد عمل وضيع وعمل سوبر زى عندنا كدا كل الاعمال لها نفس الدرجة من البرستيج او الاهمية ما دامت مقبولة اجتماعيا او شريفة يعنى !!!!!!!!!!!! شفت انهم بيحتفلوا بعيد ميلاد الجيناتور ( العامل) البسيط زى ما بيحتفلوا بالظبط بمدير الجامعة مثلا!!!!! شفت ان محدش بيبص لحد فى طريقة اكله ولا مشيته ولا بياخد كام ولا هو مين ولا ابن مين ولا غيره عشان كدا الناس دى اتقدمت نرجع عندنا إن الله لا يغير ما بقوم حتى يغيروا ما بأنفسهم دعونا نؤدى عملنا باتقان واخلاص ايا كان دعونا نثق فى الله تعالى ونرضى بما قسمه الله لنا دون ياس او قنوط او دون عنطزة او تفاخر دعونا لا ننتظر مكافئة من احد حتى لو كانت 50 جنية زى بتاع المحافظ للناظر او المدير السوبر!!!!!!!!!! او 25 جنيه للعامل الغلبان اللى من غير درجة خااااااااااالص تقبل تحياتى على شياكة مواضيعك أخى الكريم الاستاذ/ توفيق رفعت عجيز
__________________
معلم نفسه ومؤدبها أحق بالإجلال من معلم الناس ومؤدبهم من أقوال أمير المؤمنين عمر بن الخطاب
رضى الله تعالى عنه |
|
#3
21-01-2010, 08:07 PM
|
|||
|
|||
|
يا استاذ توفيق حضرتك مستغرب ليه عمرك شفت لجنة متابعة راحت مدرسة واتكلمت عن ايجابيات شافتها؟
للأسف احنا عندنا قاعدة بتقول المتابعة معناها اكتشاف سلبيات تحب احكيلك تجاربى الشخصية عندك مثلا الموجه بتاعى سنة 1996 كان دايما يشكر فيه فى المدارس التانية والادارة لكن فى مدرستى وامام زملائى كان لازم يطلع لى سلبيات دى حاجة كان المدرس الاول بتاعى دايما يقولى قول حاضر وخلاص لأى متابع اوعى تناقشه لكن انا كنت لازم اناقش فجالنا متابع مرة وحب يطلعنى غلطان ناقشته قالى قول طيب وخلاص من ساعتها وفهمت الدنيا ماشية ازاى |
|
#4
21-01-2010, 09:10 PM
|
||||
|
||||
|
اقتباس:
ثانيا انا لست معترض علي العقاب طبعا المدرس ايلي يعمل كده ويعطي دروس خصوصية في المدرسة يجب محاسبتة ولا اخفي عليك سرا ان مثل هذا متواجد كثيرا في المدارس ولكن وجه اعتراضي هو التكريم يعني مثلا سيادتة المحافظ شوف كم تكلف موكبة عندما ذهب للمدرستين ناهيك عن الاستعدادت الخاصة للمحليات عند زيارتة لهاتين المدرستين وهل هذا المبلغ يعتبر شيء قيم ليكافيء به مدير مجتهد وعامل اعتقد ان سيادة المحافظ لن يعطية لابنه كمصروف والا غضب الابن منه؟ وبمناسبة كلام حضرتك علي سلوك المجتمع وبالخصوص في المدارس فعلا تجد ما يقال بين الناس بعضهم البعض غير مناسب وهناك من يري ان فئه بعينها ليس لها لازوم في العمل بالتربية والتعليم ولم نجد ذلك في اي مصلحة ثانية غير التربية والتعليم.
__________________
|
|
#5
21-01-2010, 11:16 PM
|
|||
|
|||
|
كلكوا عمالين تقولوا يا مستر .... يا مستر
انا برضه مستر آه و النعمة الشريفة فى عام 1990 أخدت دبلومة ( 13 شهر ) بالمصاريف من مركز المعلومات و التوثيق بجامعة الزقازيق ... لكى احول الى حاسب آلى و اترك الانجليزى للموجه المتعالى المحبط و الذى لايهدأ له بالا الا لو المدرس يبوس على ايده و الا يشرد المدرس قدمت الطلب لمدير الادارة و معى 3 امتحنوها مرة واحدة بالعربى ( تربية بيولوجى ) اما انا امتحنتها مرتين بالعربى و بالانجليزى و كنت مقدم صور الشهادات الموجه بتاعهم قال للمدير العام : خدهم و خد 10 معاهم انا عندى زيادة و دول من ابناء طلبة عويضة كانوا 50% فى الثانوية و تنسيقهم معهد فنى تجارى - و رئيس الجامعة الله يستره دخلهم تربية الموجه بتاعى قال : انا عندى عجز صارخ فى الانجليزى و عندى عدد المدرسين المؤهلين الحاصلين على تربية او آداب تخصص انجليزى 40% من مدرسين الانجليزى و الباقى فلسفة و تاريخ و علم نفس و تجارة و اعدادية قديمة و هذا المدرس بالذات غير محترم و انا ارسلته الصنايع يتأدب و يعرف ان مافيش حاجة اسمها دروس و اذا اصريت يا أيها المدير العام : اكتب له انت نشرة على مسئوليتك و لو مدير الصنايع صرخ و قال لك انا عندى عجز 50% و ما فيش بند حصص زيادة ابقى رد انت عليه!!!!!!! حسبى الله و نعم الوكيل حاليا .... و الله .......... هم ماتوا و انا بدون دروس و لا اى سبوبة .... ظروفى احسن منهم و لله الحمد و المنة الحمد لله و الشكر لله اللهم ديم علينا النعمة طولت عليكم ... معلهش .... شوية فضفضة
__________________
لا للفلول - لا للبلطجية - لا ل***ة الشهداء - لا للحزن الوثنى لا إله إلا أنت سبحانك إنى كنت من الظالمين أ/توفيق عزت عبدالعزيز
|
|
#6
22-01-2010, 06:08 AM
|
||||
|
||||
|
اقتباس:
ومش عارف هل هو نقص او يشعرون بنقص الله اعلم هم كذلك ويعتقدون انهم علي صواب وعلي خلفية كلام حضرتك يوجد مدرس كان مدرس لي في الاعدادية في الثمناينات في اواخرها 89 المهم في موجهة اتحداه واراد ان ينقله الي الصنايع وقال نفس الكلام المدرس قالة ولا يهمك انا سايبلك المحافظة كلها ونقل الي القاهرة والله بجد كانت فاتحة خير عليه طلع اعارة لليمن وطلع تعاقد للسعودية واشتغل في القاهرة في ثانوي عام وحاليا رجع ولا بيعطي دروس وربنا فاتحها عليه عموما شكرا لحضرتك علي التعليق
__________________
|
|
#7
22-01-2010, 10:22 AM
|
|||
|
|||
|
بِسْمِ اللهِ الرَّحْمنِ الرَّحِيمِ قال الله تعالى: (وَمَنْ يَتَّقِ اللَّهَ يَجْعَلْ لَهُ مَخْرَجاً*وَيَرْزُقْهُ مِنْ حَيْثُ لا يَحْتَسِب ) هذا كلام الله تعالى الذي لايأتيه الباطل من بين يديه ولا من خلفه وليس قول أحد من البشر، وهو سبحانه وتعالى إذا قال فإن قوله الحق. هذه الآية العظيمة جاءت على سياق شرطي فعل شرط وجواب شرط: من يتق الله يكون جزاؤه أن يجعل الله له مخرجاً وأيضاً يرزقه من حيث لايعلم ولايحتسب. فمتى ماتحقق فعل الشرط وهو التقوى تحقق جوابه وجزاؤه. وياله من جزاء عظيم ومكسب كبير ولكن كيف الطريق إلى التقوى أيها الأخوة؟ بل ماهي التقوى أولاً؟ إنها بعبارة مختصرة : كلمة جامعة لكل خير، هي امتثال أوامر الله واجتناب نواهيه والوقوف عند حدوده. لذا كانت التقوى هي وصية الله للأولين والآخرين ووصية كل رسول لقومه إن اتقوا الله لأن فيها السعادة في الدنيا والآخرة وفيها النجاوالمخرج من الشدائد والأزمات. فالمعلم يتق الله ولا يعطى دروسا داخل المدرسة والمحافظ عليه ان يتق الله فلا يسرف فى الايذاء ويقطر فى العطاء .وسنحاسب جميعا فلنستعد لهذا الحساب العادل من عند الله. دمتم فى امان الله.
__________________
|
|
#8
22-01-2010, 10:46 AM
|
||||
|
||||
|
اقتباس:
وجعلنا من عباده المتقين -وفي الحقيقة انا كنت اقصد لماذا العقاب بالاشهر والثواب بالملاليم؟
__________________
|
|
#9
22-01-2010, 06:45 PM
|
||||
|
||||
|
اقتباس:
من الاخر هما كل ما يعنيهم انهم يطلعوا بسلبية من المدرسة وخلاص
__________________
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 01:33 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
