لمادا تم وقف صرف الكادر فى سوهاج

[omda_0]

المحافظ ووكيل الوزارة وموجهى عموم العلوم السابقين والحاليين كدسوا فى المدينة عددكبير جدا من مدرسى العلوم واكثره هشام عيد وكيل الوزارة السابق واحمد شمخ الوكيل الحالى عطوا تاشيرات بالكوم حيث كانوا يكتبوا فى التاشيرة عبارة مع عدم اعادة العرض حسب الله ونعم الوكيل فية خلى مدرسين اخذت دور زملائهم المستحقين للنقل لمدينة سوهاج واحمد شمخ ساير على دربة

[محمد أبوسريع]

المشاركة الأصلية كتبت بواسطة الشاكرة

المدرسون يكفيهم الدروس الخصوصيةالواحد بوصل دخله حوالى عشرون الف فى الشهر

يا أخي حرام عليك الكلام ده

[aml mohamed]

هو فى العلوم وبس التكدس فى كل المواد دا فيه ناس اترقت السنة اللى فاتت بقدرة قادر مع إن الترقيات كانت موقوفة

وبعد موضوع فصل الكادر عن المرتب وتوزيع الأنصبة اللى كل واحد بيفتى فيه شوية مرة الترتيب حسب الوظيفة الأ على ومرة حسب أقدمية آخر وظيفة ومرة حسب تاريخ التعيين ومحدش عارف الصح إيه تخبط فى كل شيء

ربنا يرحمنا برحمته الواسعة

[aml mohamed]

اللى اترقى السنة اللى فاتت عايز ياخذ أقدمية اللى اترقى منست سنين علشان تاريخ تعيينه أقدم منه والتنسيق معندوش رد شافى ولا التوجيه كذلك

[حكيييمة]

ترتيب الاقدمية يكون حسب القانون 155 لسنة2007 من المادة(89) ومن تاكيد الكتاب الدورى للتنظيم والادارة لهذة المادة وتفسيرها وهو رقم(1) لسنة2010
1-الاقدم الاعلى مستوى فى التسكين فمثلا المعلم الخبير يعتبر اقدم من المعلم اول(ا)
2-عند التساوى فى المستوى نرجع لتاريخ قرار التسكين فمثلا المسكن بقرار وزارى(397)فى30/11/2008 يعتبر اقدم من المسكن بقرار وزارى(196)فى20/8/2009 وهكذا0000
3-عند التساوى فى تاريخ قرار التسكين تكون المفاضلة حسب تاريخ شغل الوظيفة قبل التسكين وعند التساوى فيها نحتكم لتاريخ قرار التعيين
التخبط اللى همة فية بسبب انى كل واحد عايز يجامل اللى لية التوجية عايز يجامل ناس والتعليم الابتدائى والاعدادى والثانوى عايزين يجاملوا ناس مستغلين عدم معرفة المدرسين لفانون155 واحكامة لكن فى الواقع همة عارفين الصح لكن بيستهبلوا

[aml mohamed]

المشاركة الأصلية كتبت بواسطة حكيييمة

ترتيب الاقدمية يكون حسب القانون 155 لسنة2007 من المادة(89) ومن تاكيد الكتاب الدورى للتنظيم والادارة لهذة المادة وتفسيرها وهو رقم(1) لسنة2010
1-الاقدم الاعلى مستوى فى التسكين فمثلا المعلم الخبير يعتبر اقدم من المعلم اول(ا)
2-عند التساوى فى المستوى نرجع لتاريخ قرار التسكين فمثلا المسكن بقرار وزارى(397)فى30/11/2008 يعتبر اقدم من المسكن بقرار وزارى(196)فى20/8/2009 وهكذا0000
3-عند التساوى فى تاريخ قرار التسكين تكون المفاضلة حسب تاريخ شغل الوظيفة قبل التسكين وعند التساوى فيها نحتكم لتاريخ قرار التعيين
التخبط اللى همة فية بسبب انى كل واحد عايز يجامل اللى لية التوجية عايز يجامل ناس والتعليم الابتدائى والاعدادى والثانوى عايزين يجاملوا ناس مستغلين عدم معرفة المدرسين لفانون155 واحكامة لكن فى الواقع همة عارفين الصح لكن بيستهبلوا

فعلا التخبط كله سببه عدم فهم التوجيه وتشبث كل واحد برأيه،والتأكيد أن رأيه هو الصح ومتسألش
لأن ماحدش هايفيدك أكثر منه

[abo_kelany]

اين دور المؤهل فى هذه الحالة وهل يمكن لمعلم ترك العمل بالتدريس منذ اعوام وفى ظل هذا التطوير والتغيير وملف الانجاز ان يقوم بمثل هذا العمل ام انه سوف يهتم بالاعمال الورقية فقط دون الاهتمام بالمحتوى العلمى وفهم التلاميذ

[abo_kelany]

افيدونى بالرد افادكم الله بعد توزيع النصاب وحدث ظرف طارئ ادى الى غياب معلم ما لفترة طويلة مين يشيل نصابه

[عصام البنا]

من بداية شهر يناير مدرسو سوهاج بلا كادر اكبر علامة استفهام
كادر المعلم في سوهاج ( فقط سوهاج ) لاي حد الا المعلم ، اية المطلوب بالزبط علشان حكاية الانصبة دي مش داخلة دماغنا
كل يوم قرار ( شفوي ) حطوا الكادر شيلوا الكادر ومحدش عارف مين السبب في حرمان معلمي سوهاج من الكادر

[د.عبدالله محمود]

صبرا إخوانى ..هى مسألة وقت وترجع الأمور كما كانت .. مؤكد احنا زى غيرنا من الإخوة المدرسين فى باقى المحافظات