عجال استشهاد جندى مصرى على الحدود مع غزه

[المجاهد فى سبيل الله]

المشاركة الأصلية كتبت بواسطة علاء سيف

اولا نسأل الله ان يرحم المجنداحمد شعبان ويسكنه فسيح جناته
ثانيا الاخ محمد اعذرك في ما قلته واتفق معاك في معظمه
الاخ المجاهد في سبيل الله ردك به انفاس اخوانية وحماسية تدفعني لعدة اسئلة
هل تريد حماس فعلا وصول مساعدات لاهالي غزة ؟ ولا الموضوع مجرد شو اعلامي ؟؟؟
لان اكيد هنية ورفاقه المجاهدين مش مستنين مساعدات مصر والتمويل الايراني ماشاء الله
ومافتكرش هما يهمهم قوي اهل غزة بدليل الحرب العام الماضي كان شعار حماس فيها تموت غزة وتعيش حماس
ولو مش مصدق شوف عدد القتلي من المدنين ومن حماس ؟؟؟؟
وطبعا اوعي تقولي زي الجزيرة ان اسرائيل كانت تستهدف المدنين والاطفال هههههه يعني بيسيبوا الاشاوس المسلحين الحمساويين ويقتلوا الاطفال والستات ؟؟؟؟؟؟؟؟؟؟
هؤلاء الحماسيين الا من رحم ربي هم تجار الموت واضاعو القضية وكل همهم كرسي السلطة
يتحدون مع الشيعة الرافضة ومع الاخوان ومع اي حد بس الكرسي
وهم فرع من الاخوان المفلسين في مصر
اما الاخوة بتوع مصر العميلة وتجويع غزة واتباع الجزيرة فالحقائق ان ارادوها
المعبر فتح 100 يوم خلال 2009 مر منه 75 الف ومنهم 5800 حاج
وطبعا هناك من يريد هذة الوقيعة وهم تجار الانفاق ومنهم اعضاء في المجلس التشريعي
وللحديث بقية 00

اولا قبل ما ادخل فى رد حضرتك
احب اقول الحمدلله على نعمة الاسلام وعلى نعمة الاخوة و الاخوان
واسال الله العلى العظيم ان يتغمد اخونا الشهيد ويتقبله الله مع الشهداء هو وجميع موتى اخونا فى غزة من الاهالى او من اخونا فى حركتنا المباركة حركة المقاومة الاسلامية حماس
جنود الله فى الارض
وحماة الاسلام المجاهدين لنصرة دينه
ردى على حضرتك حيتلخص ليس فى القاء التهم ولكن حيكون ردا على كلام حضرتك
اخى الحبيب واستاذى الفاضل
لو مكنش هدف حماس هو مساعدت اهالى غزة
كان اهل غزة طلعوا مظاهرات وقالوا دا
ان حماس مش بتحمينا
اننا مش عايزين حماس
ولا حماس كاتمة على الحريات للدرجة دى ؟
ولا انت ايه راى حضرتك هل حماس فعلا مش عايزه تساعد اهالى غزة ؟
وتانى حاجه فين دليل حضرتك على ان ايران بتمول اخونا فى غزة
طب بالله عليك والله انا مكسوف وانا بقولها مش عيب علينا احنا كا مسلمين اهل سنه وجماعه منساعدش اخونا السنه وهما جمبنا ملناش دعوة بقى هما ايه ولا مين المهم انهم مسلمين زينا و نسيب ايران الشيعية دا طبعا على حسب كلام حضرتك هى الى تساعدها ؟
انا عن نفسى حتى لو دا حقيقى انا اتكسف اقول كدا
وكمان ايه دليل حضرتك انا مشفتش بصراحة الشعار بتاع تموت غزة و تعيش حماس هو حضرتك شوفتها فين
شوفتها على الاعلام اليهودى شوفتها على القناة العاشره بتاعت اسرائيل ولا فين اصل مفيش دليل واحد على كلام حضرتك دا
بدليل انهم حتى ضربوا مدارس الانروا ايه فيها كمان اخونا فى حماس ولا عارفين ان الشعب بحتمى فيها يبقى هما كانوا قاصدين مين ؟حماس برضه يا استاذى فكر شوية واحضرتك حتوصل اكيد حتوصل للحقيقة
ونسيت اقولك انهم مضربوش اخونا فى حماس لانهم مش عارفين اماكنهم زى بالظبط ما اخونا المجاهدين فى الشيشان و العراق و افغانستان واعظم قوى موجوده حالية مش عارفه تجبهم ايه برضه بيضحوا بالاهالى علشان هما يعبشوا ولا ايه
تعرف لو وجدوا فيكم خيرا لتحدوا معكم
انما بكل اسف دا طبعا جدلا لو كلام حضرتك صح وانهم فعلا اتحدوا مع الدولة الرافدية الشيعية
بجد انا مكسوف انى ارد على حضرتك لان تهم حضرتك مع احترامى الشديد طبعا مغزيه جدا اننا نتحدث فيها
بتنكر ان حماس كانت بدافع عن الاسلام وعن المسلمين بتنكر انها هى مثال العزة و الكرامة فى وقت الكل اعترف باسرائيل وهى ثابته لا تتحرك عن ثوابتها ومبادئها حين قالها صريحة القائد اسماعيل هنية لن نعترف باسرائيل
انت حضرتك قدرت تقولها ؟
اسف بجد على الاطالة