قررت إني ماخدش درس إنجليش، أنا صح ولا غلط؟

[Eng. Ahmed Said]

السلام عليكم جميعاً،

أنا أخدت فترة مع مدرس إنجليش وبعد كده سيبته نظراً لعدم إرتياحي لأسلوبه إللى كان مش حماسي أوي ويخليني مُتفاعل أكتر معاه ومع المادة، المهم أنا قعدت فترة ببحث عن مدرس كفء وفى الفترة دي أنا كنت شغال لوحدي فى المنهج والحمدلله قدرت إني أشتغل كويس من غير أي مساعدات لإن المادة إن شاء الله سهلة أصلاً، المهم بعد فترة من التفكير والبحث برضه عن مدرس متميز، وبعد ما لاقيته قررت إني أشتغل لوحدي فى المادة لحد شهر 2 إللى هي فترة إنهاء المنهج الدراسي بالنسبة لنظام المدرسين، لإني مش بشوف من الملازم إن المدرس بيضيف حاجة جديدة عن الموجود فى الكتب الخارجية، بالعكس النقل بيكون بالكربون، والفرق بيكون فى الشرح وتوضيح الفكرة، وأعتقد إن الإنجليش مش بحاجة لمساعدة حقيقية فى توضيح أفكار معقدة يعني، ومن شهر 2 إن شاء الله أنا هبتدي أروح عند أى مدرس تقيل أو حتي 2 مدرسين وأنتظم معاهم وأحضر المراجعات والمحاضرات والإمتحانات، عشان بجد أنا حاسس إني هعرف أشتغل لوحدي إن شاء الله وأوفر الوقت بتاع الدرس

طبعاً الموضوع هنا فى البيت قوبل بالرفض، مش الرفض القاطع لكن بابا وماما هنا مش مأيدين الفكرة بتاعتي نهائي رغم إعترافهم بمجهودي وإني إن شاء الله قادر

ياريت تنقلولي آرائكم، أنا صح ولا غلط؟ وياريت أصحاب نفس التجربة يقولولي إزاي كانت تجربتهم

[**تسابيح**]

أولا :: انت في 2ث ولا 3ث !!
طيب هم الاثنين بيكملوا بعض في الانجليزي ع فكرة
وبعدي مش تستسهل الانجليزي وبرده انا شايفة انك بتحبه
المدرس بيضيف حاجات كثير
يمكن مش تكون في المنهج اصلا
بس لازم يقولها عشان يفهم موضوع معين
انصحك لو انت فعلا في 2ث
يبق يروح عند مدرس كويس وفي 3ث لو مش عايز تروح مش تروح
لان يعتبرالمنهج هو هو مع تغير في الدروس في الكتاب
فيه حاجة كمان كل مدرس هتلاقي فيه حاجة مش هتعجيبك
فيه مدرس بيشرح كويس ومش بيركز ع الحل اوي
وفيه مدرس العكس
انت شوف مدرس وكمله لان عمر ما هتلاقي مدرس كامل
يعني في الانجليزي لازم تقرأ دروس القراءة كلها وكمان الدروس اللي في الورك بوك مهم برده وتفهمها وتشوف كلماتها الصعبة وتحفها
وتحل برجراف كثير والترجمة برده تحفظ كلمات ترجمة كثير
برده وتحل من جيم اما في المراجعة the bestمراجعة
كويس لان فيه اسئلة الورك بوك وتعتبر اكثر حاجة بتيجي في الامتحان ...
بس برده عايزة اقلك انك اكثر واحد عارف نفسك وعارف هتقدر تكمل فعلا من غير مدرس ولا لا
دا مجرد راي بس يمكن يساعدك
ربنا يوفقك يارب

[أسيل رزق]

لو انت قادر و واثق من نفسك و عارف إنك هتقدر تذاكر المادة لواحدك يبقى مفيش مشاكل و فى الآخر ادخل مراجعة مع مدرس كويس و إن شاء الله ربنا يوفقك
بس خد بالك من مذاكرتك و ماتهملش أى مادة

[pureheart]

انا رائى انك تاخد مع مدرس
بدل ما تيجى فى شهر 2 تاخد مع مدرسين فانت من دلوقتى خد و الوقت اللى عايز توفره دلوقتى وفره فى اخر السنة عشان فى مواد تانية اتقل من الانجليزى بتبقى عايزة تتلم فى اخر السنة
و بردة ممكن عدم وجودك مع مدرس يخليك تهمل المادة ديه و على فكرة الانجليزى سهل مش صعب بس ممكن تضيع فى درجات على الفاضى
ربنا يوفقك

[هانى الشرقاوى]

لا
صدقنى وجود المدرس معاك هيفرق كتير