اخوانى لابد من التروى قبل الحكم

[boudy1983]

لماذا نحن الشعب المصرى نصدق كل شىء كده بسرعة لابد اولا ندقق من قائل الخبر هو مسئول فى المركز القومى للامتحانات اى ليس له اى صله بسياسة الوزارة , ثم ان رئيس الاكاديمية قال تعيين ولسيس عقد فى اجتماع الفيديو كونفرنس ثم ان كان العقد الجديد وليس تعيين سوف تضيع المدارس لان اغلبية المعلمين المساعدين هيمشو وكذلك اللى عاوز يتعاقد جديد مش هيعاقد فلابد من تنحرى الصدق وبعد التاكد من هذا الكلام نبقى نفكر هنعمل ايه لان لو كان تعاقد بافعل يبقى الوزارة كدابة واحنا مش هنشتغل فى وزارة كدابة

[منار على]

هههههههههههههههههههه

لو احنا مش هنشتغل فى وزاره كدابه فيه غيرنا كتير بقالهم سنين متخرجين ومش لاقيين شغل

ماهيصدقوا فرصه زى دى

ياريت نكون واقعيين

للاسف هما عارفين دا كويس جدا

علشان كدا بيعملوا اللى هما عايزينه معانا

مره كنت فى مكتب فنى

الموجه العام قالنا بوضوح شديد

هو كدا واللى عاجبه عاجبه مش عاجبه يمشى ونجيب مكانه عشره

انتوا لسه اسماءكم مكتوبه بالرصاص

وللاسف دا الواقع

والحل الوحيد من وجهه نظرى مستحيل تنفيذه

لانه كالتالى

اننا كلنا نقف ايد واحده ونقرر منشتغلش

ومبقصدش المتعاقدين بس

لا دا كل خريجى كليات تربيه يقفوا ايد واحده ويقرروا ميشتغلوش غير تثبيت مباشره

لان لو المتعاقدين بس هيجيبوا مليون غيرهم

بجد حاجه محزنه جدا لما نحارب علشان ناخد ابسط حقوقنا فى بلدنا

وهو حقنا فى الشغل علشان نعرف نعيش ونربى ولادنا

وكمان ياريته بسهوله

دا بعد امتحانات اقل مايقال عليها انها اهانه للمعلم المصرى

خاصه خريجين كليات التربيه

اللى فضلوا اربع سنين يدخلوا امتحانات ويخرجوا منها

ولما يشتغلوا بعقد عليهم تانى انهم يدخلوا امتحانات

امال اصلا كانوا بيعملوا ايه فى كليات التربيه طول الاربع سنين

الظاهر انهم شايفين اننا كنا بنلعب فى الكليه

طب مايقفلوا كليات التربيه احسن

واشمعنى باقى خريجى الكليات الاخرى زى تجاره وحقوق وغيرها

مبيدخلوش امتحانات قبل مايشتغلوا

اشمعنى بتوع تربيه

ولا المدرسين اللى بقالهم سنين وسنين شغالين

لسه مابقوش بعد كل سنين الخبره دى كفء للعمل فى التربيه والتعليم

جايين يدخلوهم امتحانات واغلبهم طالعين معاش بعد كام سنه

والمفروض ان اول واحد يدخل الامتحانات دى هو وزير التربيه والتعليم نفسه

يمكن يحس باللى حسوه المدرسين اللى بقالهم سنين ممكن يتعدوا ال25 سنه

واغلبهم موجهين وشغالين من سنين

والله عيب اللى بيحصل دا

وفعلا

حسبى الله ونعم الوكيل

والحل الوحيد اننا نقف ايد واحده سواء متعاقدين

او خريجى تربيه او حتى مدرسين شغالين من سنين

ونوقف الامتحانات المهينه دى اللى يريتها امتحانات حقيقيه ولاحتى بتقيس حاجه

دى بتتنقل من ايد لايد وبتتحفظ وبس وبتتكرر ولا كفايه اللى بيحصل فيها واللى

كلنا عارفينه كويس

المفروض

نقف ايد واحده وناخد حقوقنا غصبن عنهم

ونطالب بتعيين المتعاقدين

لكن للاسف كل واحد مش بيفكر غير فى نفسه وبس

او نقول الغالبيه العظمى كدا

وطول مااحنا كدا هتفضل دى احوالنا وهتفضل دى معاملتهم لينا

وربنا يستر بقى على اللى ممكن يحصل تانى الايام الجايه