هل كل الفتيات تتمنى ان يعجب بها اى شاب ؟ ياريت تردوا عليا

[عايشه فى عذاب]

انا اكتر حاجه مدايقانى فى عيشتى هيا التفكير فى الموضوع ده
يعنى ممكن اشوف شاب وابقى مستنياه انه يكلمنى او حتى يعجب بيا او يهتم بيا من بعيد لبعيد حتى
وانا مش عارفه دلوقتى هل التفكير بالطريقة حرام ولا كل البنات بتفكر كده
عشان انا كده حاسه ان انا اللى نفسى حقيرة عشان بفكر كده
بجد ماتتصوروش الموضوع ده بيالمنى قد ايه
كل مافكر كده بتمنى اموت فى اللحظه دى عشان بحس كده انى برتكب فاحشة الزنا - والعياذ بالله- عشان زى ما العين بتزنى ادى المخ كمان بيفكر
بجد نفسى اخواتى البنات يقولولى هل هما كمان بيحسوا كده وعادى يعنى
ولا انا لوحدى اللى بفكر التفكير الغبى ده
معلش انا عارفه انه سؤال محرج بس انا نفسى اتكلم مع حد فى الموضوع ده
لانه الموضوع الوحيد اللى بجد معيشنى فى عذاب على طول
وانا قصدت انى اعمل الموضوع ده فى قسم البنت المسلمة عشان نتكلم فيه من ناحية الدين مش ناحية الدنيا ويتحول لكلام المراهقة بقى وكده
انا عايزه اعرف ازاى اتخلص من التفكير فى الموضوع ده
وياريت تساعدونى واكيد ربنا هيجازيكم عنى كل خير

[Erona]

اعملى اى حاجه بس متكنش حرام او عيب والاهم من كل ده انك تكونى عارفه ايه الحرام وايه العيب

واهلا بيكى معانا عضوه اموره وصريحه

[أم عمار قائد الأحرار]

اشغلي نفسك بالله دائما يا اختي

[مروج البحر]

حبيبيتي في الله اعلم جيدا هذا الشعور الذي تمرين بيه شعرت بها مرات كثيره

واعتقد ان بنات كتيره بتحس بالكلام اللي انتي قولتيه

بس بجد احسن علاج للموضوع ده البعد او التقليل من الاختلاط وخلي دائما ذكر ربنا في لسانك وفي كل حياتك

وربنا يكرمك ان شاء الله بالزوج الصالح الذي يسد هذه الفجوه

استعيني بالله وربنا هيكون معاكي

وجزاكي الله كل خير علي طرحك للموضوع الهام ده

[pureheart]

دية حاجة طبيعية بس مش مفروض تخليها محور حياتك
و حولى تغيرى من الفكرة دية عشان بصت الولاد للبنات اللى عايزة تتكلم
مع اى حد مش كويسة
و حيبصلها على انها سلعة رخيصة و تسقط فى نظر اللى حولها (الولاد و البنات كمان)

[شيماء koki]

فعلا يا جماعة ديه حاجة طبيعية جدا بتحس بيها كل بنت مراهقة
المهم دلوقتي إحنا نعمل إيه ونحاول نسيطر على نفسنا زي ما بيقولوا النظرة الأولى ليك والتانيةعليك فنحاول على قد ما نقدر نسيطر على نفسنا
ومن ترك شيئا لله عوضه الله بخير منه
وشكرا على الموضوع

[mido125]

دى حاجة طبيبعية بتحس بيها كل بنت وولد كمان فى مرحلة المراهقة
البنت بتكون عاوزه الولاد يبصوا عليها او يهتموا بيها
والولد عاوز يظهر بمظهر جيد علشان يشد البنات ليه


دى حاجة طبيبعية فى النفس واستحالة حد يقدر يسيطر عليها لانها مرحلة فى عمر الانسان
لكن اول ما بتخلص المرحلة دى كل حاجة بتروح

ولكن على طول حطى فى دماغك وفى قلبك ذكر الله على طول
و انتى هتقللى من الحكاية دى

[ميراج]

قربى من ربنا شويه لكن متقلقيش دى حاجه بتحس بيها اى بنت وهيه فتره وتعدىانا على فكره معجبه بصراحتك جدا

[أسيل رزق]

حبيبتى أى بنت فى سن المراهقة بيكون فكرها كده بالظبط

بس حاولى بقدر المستطاع إنك تفكرى فى ربنا كل ما عقلك يقرب من الحكايات دى

إشغلى وقتك بالعبادة والمذاكرة و الأعمال الخيرية و إخرجى مع صحباتك

هتلاقى الموضوع ده قل كتير

دى مجرد أحلام يقظة زى ما بيقولوا

فترة و هتعدى إن شاء الله

وأهلاً بيكى معانا فى المنتدى

[أمير الظلام]

أنا هقولك حاجة
أنا فى يوم كنت قاعد مع المستر بتاعى وفضل يتكلم معايا فى امورى الشخصية وضيق الخناق عليا جامد أوى لحد لما بكيت وانا صعب ابكى ادام أى حد
المهم هو قالى انك فى المرحلة دى كل حاجة فيك بتبقى اوفر شوية فحاول تهدئ نفسك وبلاش تحمل نفسك هموم نفسية انت مش قدها
وانا بقولك نفس الكلام
احساسك يا اختى اعتقد انه مش غريب وانه طبيعة فى الانثى العادية
هونى على نفسك

فعلا هوسن المراهقة البنت بتحب ان يعجب بيها شاب زى انا يمكن عشن دية مرحلة المراهقة فكل بنت بتحب ان يهتم بيها شاب ويكلمها