مش عارفه

[soul333]

بصراحة انا مش عارفة اقولك ايه
عمّاله تقولى مبعرفش مبعرفش مبعرفش وكده غلط
اوعى تقوليها تانى
لازم تفهمى ان الارادة والعزيمة والاصرار
بيعملو حاجات كتير وبيخلو المستحيل ممكن وانتى لازم تثبتى وجودك
وبالنسبة يا ستى لحكاية التسميع دى
فسمعى انتى واصحابك مع بعض مش شرط انتى لوحدك
جينا بقى لكسوفك (اللى يودى فى داهية)
على فكرة انا كنت زيك(الى حد ما يعنى)
بتبرجل واتلخبط ومعرفش اتكلم
بس انا اتحديت نفسى
وقررت اتخلص من الحكاية دى
قلت (لنفسى طبعا) بلاش جنان ومتضحكيش حد عليكى
وبطلى اللى بتعمليه ده
ثقى بنفسك وخليكى لبقة فى كلامك
وخليكى عادى هوه انتى بتقولى حاجة غلط ولاّ عيب
(وانا بعيد عنك اللى يقولى كلمه اردها 15
بس بكل ادب واحترام ومبحبش ابدا ان حد يتريق علياوكنت ببقى مخنوقة ومتضايقة اوى)
و واحده واحده بقيت احسن من الاول
وقدرت اتغلب على المشكلة دى عندى
وكمان بقيت اقدم الاذاعة المدرسية بالانجلش
عادى قدام كل المدرسين مفيش مشكلة
وكمان جنبى المديرة

وانتى ماتديش فرصة لليأس انه يتحكم فيكى
وثقى فى نفسك وفى توفيق ربنا ليكى وبكده هتقدرى
وبعدين تعالى هنا قوليلى لمّ انتى بتتنرفزى بسرعة
وبتنطرى الورق من اديكى حتى ولو على المكتب
تبقى عايزه المستر يعاملك كويس ازاى
ايه بتعالجى الغلط بغلط اكبر منه