أحم .... تصدقوا رائع

[Soha Hamed]

المشاركة الأصلية كتبت بواسطة :: التائب الى الله ::

كان فى رد كنت كتبته على الموضوع القديم

و أختفى الموضوع قبل ما اضغط على موافقة

قلت اما أحطه هنا بقه أصلى مستعجل على حظرى

************************************************


سلام عليكم

أولا قبل أى شىء أحترامى لجميع الشخصيات اللى تواجدت هنا

و أحترامى الشديد جدا لأستاذ شريف و كلامه المنطقى جدا

اللى ممكن نعتبره اكتر الكلام موضوعيه هنا

أنا هتكلم عن شوية حاجات و ياريت محدش يزعل منى

و لو حتى ناس زعلت فمش مشكله معدتش فارقه

1- بالنسبة للكلام اللى كتبه اللورد فأنا مش شايف فيه أى مشكله

بل بالعكس انا أعتقد أن محمد غلطاااااان جدا انه معملوش من زمان

لأن بقه شىء واضح جدا أن فى أى شمرفين مبيشتغلوش تماما

و بكل صراحه انا منهم حاليا و مش هنكر

لكن نبص برده على سبب أن فى بعض المشرفين مبنشوفهمش

اولا و الحمد السياسة الغريبه جدا جدا التى تتبعها منتديات بوابة الثانوية العامه و حصريا

و هى ان لو فى مشرف اتعين يبقى مش هيتشال الا لو مات او جاتله مصيبه تخده

او زعل حد من كبار الموقع زى ما حصل لأستاذه ايه و دى نقطه تانيه نتكلم عنها بعدين

أعتقد أنى لو مشرف و عارف انى لو أشتغلت أو مشتغلتش فأنا موجود

طيب ليه هشتغل ؟؟؟

انما لو كان بيحصل هنا زى ما بيحصل فى اى منتدى محترم ان فى حاجه اسمها

دورات أشرافيه و محاسبه محترمه للمشرفين مكنش هيحصل الخمول ده من الأول

و لو كان فى ترقيات و تقدير للمجهودات برده مكنش ده حصل من الأول

و لى تعقيب صغير على كلام الأدمن أنه بيتم ترقية الأشخاص الجادين دائما

ببساطه لو كان ده بيحصل مكنش هيبقى فى مشرف عادى او سوبر مش شغال

و مكنش المشرفين هيبقوا عاوزين يسيبوا الأشراف بأى طريقة

2- النقطه دى يمكن تكون رخمه شويه لناس ليهم معزه عندى كبييره

أستاذى الكريم أستاذ محمد سرور ليه حضرتك كتبت الموضوع بتاعك

و بأى صفه حضرتك بتتكلم

كنت فين حضرتك لفترات طويله جدا جدا جدا و محدش بيشوفك

و كمان حضرتك أتهمت الأدمن ( اللى أنا مش موافقه فى أغلب قراراته )

أنه هو اللى كتب الكلام ده و بدأت تتكلم عنه و طلع فى الاخر أن محمد اللورد هو اللى كتبه

ثانيا أستاذى الكبير أستاذ عصام صوت الحق

أعترف انى بحب حضرتك جدا و منكرش انك قدمت كتير جدا

بس ليه كل المواضيع الأعراضيه اللى كانت موجوده فى الفتره اللى فاتت دى

و أعتقد أن أغلبها مواضيع مخالفه

و ليه الطريقة اللى حضرتك بتتلكم عن الطاقم الأدراى الحالى بالطريقه دى

و بتمسك ليهم أى خطأ مثلا أعتراضك من فتره على اللورد

هو مين اللى خلى اللورد أدارى أصلا و كمان لولا انه عنده كفاءه مكنش كمل

و أكرر أحترامى الشديد جدا الحضرتك

بالنسبة للأدمن

حضرتك بتقول أنك مش المدير أنما المؤسس فقط

الموضوع مش القاب و كلام شوف تدخل حضرتك فى كل حاجه هل ده يعتبر أداره و لا مجرد ...

و على أعتبار أن كلام حضرتك صح فى أنك مؤسس الموقع فقط

فأنت برده مقصر فى أنك المؤسس فين الدعم الفنى ؟

فين المتابعه للطلبات اللى بتوصل حضرتك من الأداريين ؟

فين مصداقية الوعود اللى بتتقل ؟



أعتقد أنه كفايه كده بس فى حاجه مهمه جدا عاوز أقولها

أول ما أستاذ أشرف مشى كله كان بيقول فين أيامه كان أحلى وقت للمنتدى و كان الأعتراض المستمر على أدراة أستاذ عصام

و لما مشى أستاذ عصام كله قال فين أيامه كانت أحلى أيام و كان المنتدى ماشى تمام

أعتقد أن ده يدل و بشده اننا نفتقد للموضوعيه و كله بيتكلم مجاملات أو لمصالح عنده

يا ريت لو كنتم عاوزين تمشواا المنتدى ده صح فكفاية ان كل واحد يتكلم علشان مصلحته او علشان مصلحة اللى يحبه

و نشوف طلبات الأعضاء و نشجعهم و نحاول أنه يكون المنتدى ده لامم الكل

أيه المشكله أن كل الناس اللى خسرتها البوابة دول يرجعوا و يشتغلوا مع بعض

مش هدفهم انهم يكونوا قاده مع بعض أنما يكونوا متعاونين بالأفكار و المجهود

أخيرا أكرر أحترامى لكل اللى اتكلمت عنهم



اااه نسيت حاجه مهمه .. يا ريت الأدارة متنساش حظرى انا كمان
انا مش أحسن نم الناس اللى اتحظروا فى اى حاجه و لا كفائتى تيجى جنبهم حاجه


سلام عليكم

**************************************************

يارب الموضوع ده هو كمان ميتحذفش وأعيده من تانى

كلام أكثر من رائع
فيه إعتدال في عرض الآراء ومعارضة متوازنة
بس في الآخر أنهى بجملة يا ريت الأدارة متنساش حظرى انا كمان طب ليه؟؟؟
إذا كان تم حجب أي من الأعضاء أو المشرفين وذلك لإستخدام ألفاظ أو التعامل بأسلوب غير لائق في الحديث (حيث يتم حجب أي عضو يتحدث بأسلوب غير لائق مع أي عضو آخر ليس مع الإدارة فقط)
أو بناءاً على طلب له
بصراحة من تلك المشاركة ومشاركات أخرى مثل الأستاذ أحمد نجم والأستاذ محمد اللورد والأستاذ جايد
وغيرهم ...... اتضح أن هناك من على الإستعداد للمشاركة في النهوض بالمنتدى

بارك الله في من وضع الإعلان للحفاظ على آداء الجميع والنهوض بالمنتدى