أرجو المساعدة من كل اساتذة الكيميا المحترمين

[مصرية في السعودية]

السلام عليكم ورحمة الله وبركاته

صبـاح/مساء الخير يا أحلى أساتذة وأحلى طلاب

انا كتبت الموضوع ده وبوجهه لكل اساتذة الكيميا وكمان الطلاب لو حد يقدر يساعدني

الحكاية بإختصار

ان دي أول سنة ليا أدرس منهج مصري ,, كنت قبل كده بدرس منهج سعودي وطبعا الكل عارف الفرق بين المنهجين

ما عليناااااااااااا

المهم يعني

الكيميا بالنسبالي سهلة بس

اللي واقف قدامي ومعقدلي الدنيا

المعادلات الكيميائية

وبالتحديد لما يجيلي سؤال يقولي

أعد كتابة المعادلات التالية الى معادلة رمزية موزونة !!!!

ومثلا يجبلي معادلة زي دي

خارصين + كبريتات النحاس ـــــــــــ> كبريتات خارصين + نحاس

ويطلب مني اني احول المعادلة دي مثلا لرموز وأوزنها

انا المشكلة عندي هنا الرموز

ومش عارفة أعمل ايه

انا بجد محتارة وتعبت من المعادلات دي

وكل ما اقول كده لـ المستر اللي بيديني

يقولي احفظي الجدول الدوري

وانا كل ما أحفظه انساه

انا عاوزة طريقة سهلة أقدر أجمع فيها الرموز وكمان التكافؤات

ياريت أي حد يساعدني يا جماعه

وأتمنى انكو تكونو فهمتو انا قصدي ايه

وشكرا مقدما

[abo3ali3000]

بصى المعادلات سهله جدااااااااااا فمتحاوليش تعقدى نفسك انتى كل ماهو عليكى انك تحفضى الرموز بس شويه شويه حتى لو خمسه خمسه كل يوم ومثلا لما يجيلك يقولك كبريتات النحاس تبداى بلرمز الاخير وهو النحاس فتقولى cuso4ماشى وهقولا حاجه تساعدك برده لما تلاقى hفى اول الجزى او المركب يبقى ده حمض ولما تلاقيه منتهى بoh يبقى قلوى ما عدا اللى فيه كربونات ودايما افتكرى ان الحمض يحمر ورقه عباد الشمس والقلوى يزرق ورقه عباد الشمس ويارب اكون قدرت اوصلك المعلومه البسيطه دى وربنا معاكى ومعانا جميعنا

[مصرية في السعودية]

والله انا اللي بشكرك جدا على ردك الجميل ده

وان شاء الله احاول احل مشكلة الرموز دي

ودلوقتي بئا في سؤالين في امتحان الكيميا النهاردة معرفتش احلهم

انا هحطهم وياريت لو حد حلهم يشرحلي الطريقة

السؤال الاول ::


احسب كتلة (12 في 10 أس 21 ) ذرة كربون علما بأن ( c=12 )

معليش مش عارفة أكتب رمز الضرب والأس كمان فكتبتهم كتابة يارب تكونو فهمتوها

السؤال التاني بئا ::

كم مولا من ثاني أكسيد الكربون (co2) يمكن ان ينتج من 8 مولات أكسجين . ثم احسب كتلة الاكسيد الناتج بالجم

ـــــــــ

ياريت بئا تجاوبوني عليهم

وهكون شاكرة ليكم بجد

[عبدالسلام الديباوى]

السلام عليكم ورحمة الله وبركاته
** بالنسبة لطلبك الأول وهو كتابة المعادلات عليك اولا واخيرا بحفظ رموز العناصر والمجموعات الذرية واشهر هذه العناصر الصوديوم والبوتاسيوم والكالسيوم والماغنسيوم والنحاس والألومنيوم والخارصين والهيدروجين والأكسجين والكبريت والنيتروجين والكربون واشهر المجموعات الذرية هى الهيدروكسيد والنيترات والكبريتات والكربونات
** بالنسبة لاجابة السئلة تكون كالتالى
1- عدد مولات الكربون = عدد ذرات الكربون فى المسألة / عدد افوجادرو , اذن كتلة الكربون = عدد مولات الكربون × كتلة الكربون
2- c + o2 = co2 من واقع المعادلة 1 مول من الأكسجين ينتج 1مول من ثانى اكسيد الكربون
اذن 8مول اكسجين تنتج 8 مول ثانى اكسيد الكربون
كتلة الأكسيد الناتج = 8 × 44 = 352 جم