نصيحة لكل اللي اخدين ايطالي

[n.s.s.2]

جماعة انا لقيت كل اللي ايطالي مضايق اوي متضيقوش . بصوا بجد الايطالي لغة جميلة انا حبيتها اوي , اتمسكوا باللغة دي مش من اولها كدة وكمان متيئسوش مدرسين الايطالي برة كتير جدا وكمان انا عرفتلكم كتاب كويس للايطالي اسمه بريمير ومعاه سي دي فيه كل حاجة ولو بتفكروا تحولوا لاي لغة تانية فاسمعوا الكلام ده كويس لانه من ناس جربوا ده انا قبل ماأحول ايطالي كنت فرنساوي فضلت شهر ونص اخد درس فيه حسيت انه لغه خنيقه تفاصيلها كتير و محتاجة تركيز عالي اوي لان شواذها كتيير وده انا اللي اخدته في شهر ونص بس فاتخنقت منه ومن كلامه وكنت محتارة في موضوع التحويل حضرت حصتين ايطالي قبل محول لقيته في حاجات مش سهلة اوي برده بس اسهل بكتير من فرنساوي حي كلماته بجد سهلة اوي اما عن الماني فكانت ليا قريبتي مخلصه ألسن وكانت واخده الماني قالتلي عنها لغه صعبة جدا في نطقها يعني نطقها جامد اوي تصوروا كلمة كتاب يعني بوخ مش ده المهم في كل لغة حاجات مش سهلة وبجد الايطالي لغة لذيذة جدا وعشان نبقي واقعين اللي مذاكر في اي مادة هتفرق وكله محتاج مذاكرة بس في حاجات هتقع في ماده وفي مادة تانية لأ انا حبيت اللي اقولكم تجربتي دي يمكن تفيد حد فيكم

[terbo2007]

ايوة فعلا الأيطالى ده حاجة تمام جدا و الله Come Ti Chiami?:D

[The king Boy]

اشكرك اختي على توضيحك وهي فعلا لغة جميلة جدا

[dm3t amel]

لما تعرفى المعقد والصعب هتعرفى السهل

[n.s.s.2]

قصدك ايه ؟

[abdohero2010]

هي فعلا لغه جميله بس اوعي حد يقول عشان متلمش

[n.s.s.2]

هههههههههههه بس تصور انا لاحظت ان في عدد كبير اوي داخلنها لاحظت كدة في الدروس اعداد كبيييييييييرة

[غريبه الناس]

ههههههههه انا كنت اتخنقت من الايطالى لان مفيش مدرسين كتير بس فعلا ماده سهله