على طريقة مش هز اكتاف !!!! الشحاتة فن مش مد ايدين !!!!!!!!!!

[الأستاذة هدى]

تقع في قرية فقيرة نائية مدرسة فريدة من نوعها بالهند تعلّم الأطفال "أصول علم التسوّل"





نيودلهي- (العربية) وائل عواد
تفتح مدرسة في الهند أبوابها لتعليم الأطفال الفقراء فن التسول، وتقع تلك المدرسة في قرية غولغوليا بمنطقة نائية في ولاية اترانشال، في الشمال الشرقي للهند. وتوجد بالقرية 200 عائلة يرسلون أطفالهم إلى المدرسة المفتوحة لتعلم المهنة ويتلقون دورسا خاصة في "علم أصول التسول".

ويقول "المدرس" بارادش لـ"العربية" مبررا وجود مثل هذه المدرسة:، "ليس بيدنا حيلة؛ فلا طعام ولا مال ولاعمل لأهل القرية وبالتالي علينا أن نتسول".

وتتفق ريكا غولغوليا وهي أم لأحد التلاميذ في تلك المدرسة مع بارادش بتساؤلها: "ماذا تريدنا أن نعمل؟ لا أحد يكترث لمعاناتنا، ولا أحد يريد مساعدتنا. المسؤولون يأتون؛ يستمعون إلينا ولايفعلون شيئا. وتضيف قائلة: "لا أعتقد أن المشكلة سوف تحل في حياتي. الوضع سيء للغاية وأوضاعنا كذلك".


ويخضع الصغار لتدريبات يومية في الصباح قبل التوجه إلى أماكنهم المحددة لممارسة المهنة، ومن ثم يتجمعون في المساء مع ذويهم على العشاء ويعطونهم ما حصلوا عليه من المال، ويقول راجو عن تجربته في التسول: "أذهب إلى القرى المجاورة وأتسول، ومن ثم أشتري ما نحتاجه من الطعام والمؤن وأعود للبيت في المساء".

أما الطفلة لاكشمي، فتتمنى لو أن الظروف تساعدها في الذهاب إلى مدرسة حقيقة تنهل فيها من العلم والمعرفة وتحقق لها أحلامها، حيث قالت لـ"العربية" أريد الذهاب إلى مدرسة لأتعلم وأصبح ضابطة لتحسين حياة أهلي وحياتي.

و يوجد في هذه القرية الفقيرة قرابة 200 عائلة تدرب أطفالها على التسول لضعف الدخل وعدم استجابة السلطات المحلية لمطالبهم وإعانتهم على كسب لقمة العيش. وتحدث الناشط الاجتماعي انيل كومار باندي إلى "العربية" عن مدى معاناة هؤلاء القرويين، موضحا أن "أبناء هذه القرية يمارسون مهنة التسول لأربعة أجيال متتالية وهم يدربون أطفالهم عليها جيلا بعد جيل" والحكومة تعدهم بتحسين أوضاعهم ولكن لا أحد يهتم بهم ".

ومع قرب موعد الألعاب الرياضية لدول الكومونولث في العاصمة الهندية دلهي، فإن السلطات هنا تحاول القضاء على ظاهرة التسول حيث تعج شوارع العاصمة بأكثر من 100 ألف متسول

وهذا هو الرابط

http://www.alarabiya.net/articles/2009/10/31/89810.html


يعنى ممكن الأم مننا تبعت ابنها مدرسة "الشحاتين ؟؟"
أو تقول لابنها ذاكر عشان تجيب مجموع كبير وتدخل مدرسة الشحاتة وتكمل فى جامعة الشحاتة؟؟؟
وتدعى وتقول عقبال ما أشوفك بااش شحات أد الدنيا

[BaNZeR]

المشاركة الأصلية كتبت بواسطة ابلة هدى

يعنى ممكن الأم مننا تبعت ابنها مدرسة "الشحاتين ؟؟"
أو تقول لابنها ذاكر عشان تجيب مجموع كبير وتدخل مدرسة الشحاتة وتكمل فى جامعة الشحاتة؟؟؟
وتدعى وتقول عقبال ما أشوفك بااش شحات أد الدنيا

وياترى حتبقى معهد سنتين ولا اربعة

اكيد بتعتمد على المنهج العملي في التوسل اكتر من النظري
إذن نستنتج إنها كلية علمية
يبقى لازم يدخلو علمي رياضة
اكيد رياضة عشان حيعدو الفلوس

وعقبال بكالوريوس الشحاتة
ده بيزود الاجرة
يعني لو الشحات عندنا بياخد نص جنيه ولا جنيه
هناك ياخد خمسة جنيه ولا عشرة
مهو بشهادة بقى

ممكن ياخد لغة ويطلع يشتغل بره برده
يقبض بالدولار
والاجر يومي مش اي حاجة

بجد هم يبكي وهم يضحك

[سمر2000]

مش عارفه الهند هيخرج منها ايه تانى عامة احنا عندنا بيتعلمو وياخدو شهدات قد الدنيا وبعدين بيشحتو

[علاء سيف]

الغالية الاستاذة هدى
موضوع مبتكر ومتميز
بس هنا طرق للشحاته اظن الهنود لو عرفوها هيعينوا الشحاتين عندنا رؤساء اقسام
منها مرة لقيت ولد يعدي الشارع شايل صينية كبيرة واتلخم قدام عربية وقع هو والصينية وعليها اطباق كشري
قعد يبكي ويصرخ الاسطى هيموتني ويلم الكشري من الارض
والناس تديله اللي في النصيب
وبعد ساعتين وانا مروح وبالصدفة لقيته هو بعينه عمال يعيط في ميدان تاني ويلم في الكشري طبعا هو هو ويقول الاسطى هيموتني ويبكي بحرقة
ينفع اساذ ورئيس قسم

[**تسابيح**]

مع اني بحب الهند ونفسي اعيش فيها ...
دلوقتي حبتها اكثر
عشان لو مش لقيت شغل .. اروح المدرسة اللي هناك

[هانى الشرقاوى]

لو هناك مجرد تلامذة
فاحنا عندنا رؤساء أقسام فى فن الشحاته

[الأستاذة هدى]

المشاركة الأصلية كتبت بواسطة BaNZeR

وياترى حتبقى معهد سنتين ولا اربعة

اكيد بتعتمد على المنهج العملي في التوسل اكتر من النظري
إذن نستنتج إنها كلية علمية
يبقى لازم يدخلو علمي رياضة
اكيد رياضة عشان حيعدو الفلوس

وعقبال بكالوريوس الشحاتة
ده بيزود الاجرة
يعني لو الشحات عندنا بياخد نص جنيه ولا جنيه
هناك ياخد خمسة جنيه ولا عشرة
مهو بشهادة بقى

ممكن ياخد لغة ويطلع يشتغل بره برده
يقبض بالدولار
والاجر يومي مش اي حاجة

بجد هم يبكي وهم يضحك

أكيد أربعة عشان يبقوا مؤهلات عليا فى الشحاتة
وأؤيدك انهم لازم علمى رياضة عشان يعدوا الفلوس ويستعملوا الآلة الحاسبة ببراعة

أكيد برضه اما يكون الشحات مؤهل لازم هيختشى الزبون على دمه وهو بيديله الحسنة ويبقالهم حد أدنى مهو بشهادة بقى طبعا

ههههههههههههه كمان هيطلعوا برة؟؟؟؟ ده انت خيالك واسع أوى يا حماسى عاوز تعمل ثورة نوعية ف الشحاتة هههههههههه
اما يطلع برة هيكون الأجر بالساعة مش يومى ..... والحسابة بتحسب

[الأستاذة هدى]

المشاركة الأصلية كتبت بواسطة سمر2000

مش عارفه الهند هيخرج منها ايه تانى عامة احنا عندنا بيتعلمو وياخدو شهدات قد الدنيا وبعدين بيشحتو

ملاحظة واقعية أحييكى عليها ..

يعنى احنا اللى لينا السبق على كده

[الأستاذة هدى]

المشاركة الأصلية كتبت بواسطة علاء سيف

الغالية الاستاذة هدى
موضوع مبتكر ومتميز
بس هنا طرق للشحاته اظن الهنود لو عرفوها هيعينوا الشحاتين عندنا رؤساء اقسام
منها مرة لقيت ولد يعدي الشارع شايل صينية كبيرة واتلخم قدام عربية وقع هو والصينية وعليها اطباق كشري
قعد يبكي ويصرخ الاسطى هيموتني ويلم الكشري من الارض
والناس تديله اللي في النصيب
وبعد ساعتين وانا مروح وبالصدفة لقيته هو بعينه عمال يعيط في ميدان تاني ويلم في الكشري طبعا هو هو ويقول الاسطى هيموتني ويبكي بحرقة
ينفع اساذ ورئيس قسم

عندك حق أستاذ علاء ... ودايما المصريين أصحاب إبداع
وطبعا الواد بتاع الكشرى ده أستاذ فعلا ورئيس قسم ..
ويا ترى الكشرى كان بالدقة والا لاء؟؟؟؟؟؟؟

تصدق انك أوحيتلى بفكرة جميلة ان كل واحد منا هنا يحكى عن حيلة رآها من الشحاتين .. ربما نتعلم ونأخذ منها عبرة ولا ننخدع بحيلهم ....

انا كمان شوفت مرة ولد قاعد جنب كوبرى ع الرصيف بيعيط بصمت لا عامل دوشة ولا حاجة !!!!!!!!! وجنبه غزل بنات شكله فاسد ليس منتفخ كما هو معروف ...

طبعا صعب عليا جدااااااااا الولد والله قلبى اتعصر عشانه .. روحتله قولتله : مالك؟؟؟؟ قاللى : الغزل باظ والمعلم لو روحتله هيموتنى !!!!!!!! قولتله : لاء ماتزعلش هو بكام ؟؟؟ قال : بكذا ، قولتله خد الفلوس اهى وقوم روح .. أخدهم وما ردش عليا وفضل قاعد ... سيبته وروحت وبعدها برضه مريت بشارع تانى لاقيت نفس المنظر !!!!!!!!

[الأستاذة هدى]

المشاركة الأصلية كتبت بواسطة تسابيح النجوم

مع اني بحب الهند ونفسي اعيش فيها ...

دلوقتي حبتها اكثر

عشان لو مش لقيت شغل .. اروح المدرسة اللي هناك

كده إحنا بنعمل إعلان للمدرسة دى ... عامة بالطريقة دى ممكن نلاقى حد فاتح لها فرع عندنا ...
ونخلى زيتنا ف دقيقنا بدل السفر برة احنا أولى بمواطنينا

[ممدوح مصطفى الانصارى]

خبر مثير ابلة هدى
شكرا جزيلا على الموضوع المدهش المثير
وان كان التسول ظاهرة اجتماعية
خطيرة وغير صحية ويصاحبها العديد
من طرق النصب .
والأشد اثارة ما اعرفه عن مدارس تعلم النشل
التى تعمل بصفة غير رسمية (طبعا خوفا من الضرائب ).

[الأستاذة هدى]

المشاركة الأصلية كتبت بواسطة عندليبو

لو هناك مجرد تلامذة
فاحنا عندنا رؤساء أقسام فى فن الشحاته

طبعا ... مصر أم الدنيا

[الأستاذة هدى]

المشاركة الأصلية كتبت بواسطة ممدوح مصطفى الانصارى

خبر مثير ابلة هدى
شكرا جزيلا على الموضوع المدهش المثير
وان كان التسول ظاهرة اجتماعية
خطيرة وغير صحية ويصاحبها العديد
من طرق النصب .
والأشد اثارة ما اعرفه عن مدارس تعلم النشل
التى تعمل بصفة غير رسمية (طبعا خوفا من الضرائب ).

يادى النور يادى النور ... الزعيم منور عندنا ؟؟

نورت الموضوع أستاذنا الغالى أستاذ ممدوح

ولسه مسيرهم يفتحوا مدرسة رسمى للنشل .. وساعتها يا ساتر يا ساتر من قنطرة الدفاتر .. مش هيفلتوا من تحت ايد الحكومة... هتاخد منهم ضرايب القديم والجديد