|
||||||
| أرشيف المنتدي هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
27-09-2009, 02:32 AM
|
||||
|
||||
لماذا نخاف من زوجاتنا ؟
 دى سؤال ذكى جدا . ولازم اجاوب عليه علشان اللى ما اتجوزشى . يوم ما يتجوز يبقى فاهم الحياة , ويعرف يعامل مراته من اول يوم ...................... لو اى حد متجوز سألناه / انت بتخاف من مراتك ؟ تتخيل ها يقول ايه ............... فيه اللى هايقول طبعا بخاف دى حاجة معروفة . هو فى حد مبيخفش من مراته لسه وللا بينكسف يقول انه بيخاف . دى رد العقلاء وفيه اللى هايقول: انت ياعم بتصطعبط دى سؤال يتسأل هو الموضوع ده محتاج كلام امشى من هنا متفكرنيش . دى رد اقوياء الشخصية المتهورون وفيه اللى هايضحك بطريقة هيستيريه وميردش ويسيبك ويمشى . ودى رد اللى فقد الامل خلاص وفيه اللى هايمسك فى زمارة رقابتك .. ويديك بنيتين او راسين . ودى رد اللى لسه مضروب من مراته او مزعقاله او شتماه او عكننت عليه ساعة الاكل . وفيه اللى هايسمعك بتقول ( كلمة مراتك) هايطير جرى ومش ها تشوفو تانى ودى رد اللى هاربان من الحكومة علشان , النفقة, المؤخر,العفش,الدهب,نفقة المتعه,اتعاب المحاماه,التبديد,التزوير,الشروع فى ال***, وصل الامانه, الى غير ذلك من الاسلحة التى سلحت بها المرأة وفيه اللى هايقعد يعيط لحد ما تمد ايدك فى جيبك وتديله حاجه ( زى الحاج جمعه) اللى كان شغال فى البترول ومراته شردته , وفيه اللى هايجرى وراك بمطوة , ودى اللى لسه خارج من السجن فى قضيه من اللى فاتوا وعايز يخش تانى علشان اكلته ونومته , وانت جتله لحد عنده , ففرصة هايطفى ناره ويلافى اللى يأكله ويشربه وينيمه وبلاش ..... وفيه اللى هايكدب ويقول { بصوت واطى واطى واطى } لأ ما بخفشى ودول قلة مندسة فى المجتمع ................. ومسيرهم هاينكشفوا ويتفضحوا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ نرجع بقى لموضوعنا. انا ليه بخاف من مراتى ؟ مش انا لوحدى كلنا يعنى , غير بقى موضوع النفقة والمؤخر والعيال الخخخخخخ فى حاجات تانيه كتير , وهى / الواحد بعد ما يعدى مرحلة الكدب قصدى { الخطوبه} واللى بيحصل فيها لبس جميل , شكل جميل , كلام جميل , مونكير , باديكير , اكلادور, روج,اى شادو, كحل العنين, برفان , فستان, صندل بكعب , تحجيبه , تقصيعه, تشبيك الايدين, صوت واطى جميل , سلملى على ماما وبابا , اصل مامى بتقولى وبابى جبلى , جدو وعمتو وخلتو, صحباتى , مرسى , متشكره , حبيبى , قلبى روحى , الخخخخخخخخخخخخخخخخخخخخخخخخخخخخخخخخخخخخخخخخخخخخخخخخ خخخخخخخخخخخخخخخخخخ يبقى الراجل مننا هيموت ويتجوز الملاك اللى خطبها , وبعد ما يتجوز على طول , يبص يلاقى اللى كات بتقول مامى بتقول امى , واللى كات بتقول سلملى على ماما , بتقول امك دى ما تجيش هنا , واللى كات بتتكلم ببرائة وبصوت واطى صوتها بقى اتخن من صوت الجاموسة وهى بتنعر .... واللى كات بتقول ياحبيبى بتقول يازفت , واللى كات بتلبس فستان بقى بنطلون , واللى كات بتلبس تحجيبه بقت اشارب وتعقده عقده تقطع بعقدتها الخميرة من البيت , واللى كات بصحتها جالها المرض لما دخلت والصندل بقى جزمه او شبشب, والبرفان بقى بصل , والروج ساح من الركنة والمونكير والبادكير والاكلادور نشفه, واللى كات بتمسكه من صباعه بحنيه بقت تهجم عليه زى اللى هاتكله , راحت فين الرومانسيه والخجل , فيقوم الراجل مننا يبتدى يخاف , فيسمع الكلام , وواحده واحده ينبدل الحال فتشخط وتنطر والراجل مطاطى , تؤمر وتنهى والراجل ينفذ , تتصور للراجل كأنها عفريت بالظبط , فيخاف منها ويترعب زى اللى بيخاف من العفريت , فميقدرش يضربها لانها اقوى منه وميقدرش يفكر فى واحده تانيه لانها كتم على نفسه ومخلصه فلوسه, دى غير بقى اللى بيشوفه فى الدنيا من الحوادث اللى بتحصل , فيخاف لحسن اسمه ييجى فى الجرنال , وغير المحاكم , فيخاف ليتبهدل زى عصام , كل دى بقى كوم والشقه اللى الواحد طفح فيها دم قلبه كوم تانى , بعيل واحد تتحول ملكية الشقه للست , دى مصيبه سوده , طب والراجل ينام فين لو جار عليه الزمن (يعنى مراته)؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ قانون ايه دى ياخواتى - طب مش كفايه انه هينام فى الشارع لأ هيدفع كمان اللهم ارحمنا يارب - دى ايه الذل اللى احنا فيه ده ..................... وذل ليه ما الواحد يمشى جنب الحيط , وميكسرش كلمة مراته , وهو هايعيش مرتاح , طب ما كل ده بيحصل بس المشكلة ان الواحد بيبقى عايش فى رعب , ومراتك مبتسكتش . دايما مربيالك الخفيف - طب نعمل ايه يعنى , الحل بسيط , , ان شتمتك ما تردش , ان مدت اديها استحمل , ان كرشتك ما تمشيش, ان خدت منك فلوسك طنش , ان كلمنك ما تردش - خليها تعيد الكلام مرتين واعمل كأنك مش سامع , بوظلها التلاجه , والبوتجاز , والتلفزيون, اوع حد يقول ما الراجل اللى هايدفع , دى كان زمان , ما هى بتاخد الفلوس كلها, استمر على الحالة دى اسبوعين , ان لقيت دماغها بقى بيصدع كتير فمبروك لك جبتلها الضغط, وان لقيت جنبها بيوجعها , فاالف مبروك مؤشرات المرارة وتنك عا الحالة ديت - مع شوية دعوات خالصة كدى من قلبك فى اخر الليل هيجيلك الفرج فورا وتبقى خدت حريتك اما بقى لو طلعت من اياهم فعليه العوض مفيش قدامك غير حل واحد - تستنى بقى لما تيجى من فوق هل حد يجرؤ بقى انه يقول ( انا ما بخفشى من مراتى ) شكرا لكم |
|
#2
27-09-2009, 04:32 PM
|
||||
|
||||
من أجمل ماقرأت
شكرا ياستاذ محمد |
|
#4
30-09-2009, 12:31 AM
|
||||
|
||||
شكرا ياجماعة ربنا يبارك فيكن
|
|
#5
09-10-2009, 02:59 PM
|
|||
|
|||
|
مبيخافش غير اللى بيعمل حاجه غلط
لكن اللى ماشى مظبوط عمره مايخاف ولا يهمه اى حد |
|
#6
10-10-2009, 01:13 AM
|
||||
|
||||
|
وايه الغلط فى الموضوع العنوان = هو حتى الابداع ينقض لاجل النقض
وبدون فائدة .,.,., وهل يوجد رجال كما قلت ام هو النقض للنقض وكلنا ؟.؟.. كرجال ....... لا نخاف من زوجاتنا بل هو الابداع والادب الجميل الاترينه جميلا
__________________
محمد الشناوى الفارس المقهور |
|
#7
10-10-2009, 12:36 PM
|
|||
|
|||
|
مشكووووووووووور
__________________
mr.mahmood_rabee Al Merinab Sec School Where there's a will there's a way
|
|
#8
10-10-2009, 12:52 PM
|
|||
|
|||
|
اقتباس:
ههههههههههههههههههه على فكره انا مش بنقد موضوعك ولا حاجه انا بتكلم بصفه عامه ان اللى بيخاف دا لازم يكون عامل حاجه غلط علشان يخاف منها سواء كان اللى بيخاف دا بنت او ولد اما بقى بخصوص كلام حضرتك كرجال ....... لا نخاف من زوجاتنا فبصراحه انا مش متفقه معاك اطلاقا فيه |
|
#9
11-10-2009, 01:34 AM
|
||||
|
||||
|
كرجال ....... لا نخاف من زوجاتنا
فبصراحه انا مش متفقه معاك اطلاقا فيه وانا كمان بصراحة مش متفق معاه فى النقطه دى ههههههههههههههههههههههههههههههههههههههههه شكرا
__________________
محمد الشناوى الفارس المقهور |
|
#11
13-10-2009, 04:11 PM
|
||||
|
||||
|
شكرا يا يارا ............... تنيرى الدنيا فكيف بموضوعى
اخشى عليه الاحتراق ؟؟؟؟؟؟؟؟؟
__________________
محمد الشناوى الفارس المقهور |
|
#12
17-10-2009, 12:08 AM
|
||||
|
||||
|
القسم الأدبي يتم فيه عرض كل ما له صله بالشعر والخواطر والنثر من كبار الشُعراء والكُتاب في العالم
تم النقل الي المكان المناسب للموضوع
__________________
 ... if i die don't cry just look at the sky and say bye bye
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:29 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
