|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
12-10-2009, 12:30 AM
|
||||
|
||||
ياريت الواحد كان ؟؟؟؟؟ ( واحده ست )
اه!!!!!!!!!!!!!!!!!!!!!!!!!!!من الستات واللى بتعملوا فى الرجاله
انا بقى كل يوم اروح الشغل متأخر طبعا ما انا بقلد نهى ومنال ونجوى وسهام بس كل يوم اخدلى دش من الريس انت جى الساعة كام , فى موظف بيجى الساعة 8.15 انت مشطوب عليك النهارده روح ما تتعبنيش اتحايل عليه شويا فيخلينى امضى ادخل المكتب اقعد اشتغل للساعة 11 ومحدش يكون لسه جه طبعا من الستات وابص الاقى واحدة واحدة عمالين ييجوا فاستغرب ازاى ما روحوش ازاى مضوا ودخلوا الشغل فاكبر وقول الظاهر خدوا طريحة تمام من الريس وفى يوم راحت على نومه فاتأخرت للساعة 10.30 فرحت على الشغل وانا عارف ان انا مشطوب عليا دخلت على الريس وانا بقدم رجل واخر رجل بصيت لقيت نجوى دخله والريس قام يسلم عليها دخلت فى ديلها ساعت لما شافنى كشر ووشه احمرمع انه كان بيضحك ساعة لما شاف نجوى المهم غمزلها بعنيه علشان تخش ويستفرد بيا انا شوفته بس هى ما خدتش بالها شدت الكرسى وقعدت وانا واقف طبعا وقلتله ازيك ياميدو ضحكلها وقالى انت كنت فين يامحترم انت ازاى تجيلك الجرأة تتأخر لحد دلوقتى لسه باقول قاللى ماتنطقش مع السلامه لحقتنى نجوى قلتله معلشى باميدو سامحو النوبه دى علشان خاطرى باصلها وضحك وقالها ياستى الاشكال دى انا عارفها لو سيبنالها الحبل هايتعودو على كدى ومش ها نعرف نحكمهم وقام قيلها لكن طالما انت اللى حكمت كلامك لازم يتنفذ ولو على رقبتى وقالى امضى ياخويا وكان هايعيط ان مضيت وانا جى واخرى دخلت وقعدت نجوى يجى نص ساعه على ما شربت الشاى وجيت قالتلى ما تعملش كدى تانى قلتلها ايه يابنتى انتى مفكرى نفسك المدير ولا ايه وبعدين ما انتى كل يوم بتيجى الساعه11 قلتلى هو انت ها تحط راسك براسنا انت هاتنسى نفسك ولا ايه قلت فى سرى فعلا كلامها حقيقى بس رديت عليها بكل قوة وقلت ليه هو انت موظفه وانا مرمطون صدمتنى وقالت ايوة مش انت لوحدك كلكم مرمطونات زميلى اللى كانوا سيبين شغلهم وبيسمعوا الحوار مخدوش بالهم من الكلمة دى { الا صحيح احنا كدى نبقى مرمطونات } وشى احمر وقلتلها ليه قلتلى يابنى متخدعش نفسك شوف انت بتيجى كل يوم الساعة كام وبردو بتسمع كلام فى جنابك لحد لما جتتك نحست واحنا بنيجى الساعة كام وبنقعد نشرب الشاى معاه وشوف بيعملنا ازاى وبيعملكوا ازاى يابنى احنا بنيجى الساعة11 ونروح 12 انتو بتيجو 8 وتروحوا 3 هاتساووا نفسكوا بينا طب اهو النهارده مفيش حد جه الا انا روح شوف الدفتر كلنا ماضيين ولو مكنتش خاليته يسمحك كان زمانك مشطوب عليك انا اللى استاهل !!!!!!!!!!!!!!!!!!!!! قلتلها هو انت الواحد ما يعرقشى ينفك معاك يانجوى بكلمتين هو حد برضو يقدر يساوى نفسه بيكو دا أنا كنت بهزر معاك وكتمت فى نفسى وسكت ما زميلى كلهم سمعين ومطنشين انا اللى هاعمل راجل خدت بعضها وقالت انا اتأخرت بقى انا ماشيه لو حد سأل عليا قله دى مشيت ضحكت ضحكه صفره وقلتلها اتفضلى ياهانم وافتكرت امبارح لما جيت فى معادى الساعة 8 وجيت استأذن الساعه 2 علشان كنت رايح ادفن واحد جرنا ورحت للمدير وشخط فيا وقالى هو اليوم اللى تيجى فيه فى معادك عايز تزوغ انت مش هتبطل الحركات دى خش يافندى روح على مكتبك وطبعا كان كل الستات فى الشغل مروحين من الصبح حطيت فى نفسى وسكت وانا بقول لنفسى ليه الواحد مطلعشى ست ليه الواحد مكنشى ست لو كان الواحد ست كان انفتحلو كل الابواب كان هيروح الشغل على مزاجه ويروح على مزاجه وكان هيهزق اى راجل يقف فى طريقه وكان هيرعب جوزه فى البيت وبره البيت وكان هيضرب جوزه بالجزمه اه يانى دى الستات دول محظوظين دى حتى عم فتحى بتاع الفاكهه اللى فى الحته رحت اشترى منه كيلو موز ادهولى 5.5 ج وراحت حنان صاحبة مراتى ادهولها ب3ج وبقتلو الفلوس دى عمل الحركه دى فيا اكتر من خمسين مرة لحد لما مراتى زعقتلى ومخلتنيش اجيب حاجه منه لدرجة ان فى مرة بجيب منه خوخ وبقلو بكام قالى ب4ج وانا بنقى جيت واحده ادهولها ب3ج وكان مفكر انى مش واخد بالى لحد اما فاض بى منه قلتله انت عايزنى البسلك سنتيانه وانا جى اشترى منك دى حتى فى الفرن احنا نقف طابور وهم يطلعلهم العيش الخصوصى دى حتى انا كل لما اشترى لحمه من الجزار صحبى وحبيبى يدهالى نصها دهن ولو مراتى جابت تجبها حمره دى حتى فى المواصلات تلاقى اى واحدة حلوة تركب يقف ميت واحد عشان يقعدها ولو فى راجل كبير واقف الكل يعمل مش واخد باله واللى يحرق الدم اكتر لما ناديه مسكت سميرضربته وفتحتلو دماغه كان هو فى المستشفى وهى كات بتعملو محضر فى القسم بعد لما خيط دماغه راح يعملها محضر لقاها قاعده مع الظابط عملين يضحكو سوى ولما دخل تناه واقف وهى قاعده وحكى للظابط وقالو ياباشا انا كنت قالو متكملش ونادى للعسكرى خدو حبسه وروحت ناديه لبتها وفضل هو محبوس لحد اما راحت طلعتو بعد لما ولاد الحلال اترجوها تسمحو مع انه معملش حاجه كل اللى حصل انه كان واقف بيجيب عيش بقالو تلت ساعات وشفهم بيدوها العيش من الفرن فقال من غيظه ياناس دخلو العيش الكشك بلاش كوسه انا مراتى هاتبهدلنى مشفشى حصلو ايه بعد كده وخدته المروه وقال اعمل محضر مطلعشى الا لما صفحت عنه بالذمه مش ليه حق اقول ياريت الواحد كان واحده ست وشكرا
__________________
محمد الشناوى الفارس المقهور |
|
#2
15-10-2009, 11:22 PM
|
||||
|
||||
تحية احترام وتقدير لحضرتك
سيدي على كده احنا محظوظات ومحسودات
ههههههههههههه شكرا استاذ محمد على الموضوع الجميل |
|
#3
16-10-2009, 01:44 AM
|
|||
|
|||
اقتباس:
مع احترامى لرايك ياشروق بس ياريت تقوليلنا ايه الجمال فى الموضوع بالظبط لانى على مااتذكر انى قريته قبل مااضيف صاحبه لقائمه التجاهل وبصراحه كنت شايفه انه موضوع مافيهوش اى شىء من الجمال وبيوصل معنى ساخر ومسيىء للمراه بين سطوره وهو انها بتستخدم انوثتها لاخذ حقوق ومميزات مش من حقها فياريت تعرضيلنا وجهه نظرك وتقوليلنا ايه الجمال اللى انتى شايفاه فى الموضوع شكرا ليكى |
|
#4
16-10-2009, 04:10 AM
|
||||
|
||||
اقتباس:
وافقك الضيق .....؟ رأت انه جميلا ممتعا ..وام تر اننى اسبها ...ظهر عقلها ... ودفنت عقلك ...لا تغضبى منها فهى قالت ما رأته ولتفرحى بها فهى صادقة فى احاسيسها... لو نافقت ...لاسرعت مهرولة ...؟ وقلت .: شكرا ليك ياشروق وانا كمان بأيدك .:. ويريت كل الاعضاء يقولوا رأيهم ...وياريت مشرفين القسم يحذفوا الموضوع ؟ انت تودين اضلالها ..فهيهات ... تودين الحجر على رأيها ..هيهات ... هى لن تقول اين الجمال .. لانه جلى كالشمس...انت لا ترينه فقلبك مغضوب عليه
__________________
محمد الشناوى الفارس المقهور |
|
#5
16-10-2009, 10:47 AM
|
|||
|
|||
هههههههههههههههه
انا بتهيالى انى سالت العضوه شروق مسالتكش انت ومش معنى ان شروق ضايفاك عندها كصديق ليها وانكوا اصدقاء انك ترد مكانها بس لو هيا معندهاش مانع انك ترد مكانها مفيش اى مشكله طبعا بس انا سالتها ايه الجمال فى الموضوع من وجهه نظرها واعتقد ان دا سؤال مايجابوش غيرها كمان انا مش زيك مبحترمش الراى الاخر وبهاجمه وبعتبره نفاق وبرد عليه باسلوب غير لائق بكاتب او انسان متحضر اطلاقا ودا واضح حتى فى ردك بدل شروق يعنى مفيش داعى للمقدمه العنيفه دى فى ردك والاسلوب دا ياكاتب ياكبير والهجوم دا بلاسبب لمجرد انى سالت سؤال عادى جدا خذلتك شروق واشرقت كالشمس عندى ... دمرتك .. وهزمتك ...بينت ضعف عقلك المحدود ... وافقك الضيق .....؟ ياريت توسع انت افقك وانصح نفسك الاول وياريت تحكم عقلك فى ردودك وتتحكم فى انفعالاتك لان واضح جدا انك من الاشخاص اللى من السهل جدا استفزازهم وسريعى الغضب ودى نقطه ضعف وفيه ناس متخصصه وشاطره جدا فى استغلال نقاط الضعف واللعب بالبشر عن طريق استغلال نقط ضعفهم يامن وصفت نفسك بالعاقل الذكى  يعنى مفيش اى كلمه فى كلامى تعبر عن انى غضبانه او ضدها او بحاول الحجر على رايها اطلاقا وبتهيالى واضح من ردك مين عايز يحجر على راى مين بالعكس انا سالت شروق عادى جدا ايه الجمال اللى شايفاه فى موضوعك لانى بختلف معاها فى رايها وعايزاها تعرضنلنا وجهه نظرها يمكن اقتنع بيها مش شايفه انا فين المشكله فى دا كمان طبعا انا محبتش اسىء الظن بيها خاصه لما لقيتك فى قايمه الاصدقاء عندها واقول انها بتجاملك وبترفع من معنوياتك خاصه بعد مااغلب مواضيعك الجديده عن المراه اللى محطوطه من فتره عدد الردود فيها صفر   وبتهيالى ميدينيش اطلاقا ان اللى يتفق مع رايى اقوله انا معاك واللى يعارضنى فى رايى اطلب منه انه يشرحلى وجهه نظره بهدوء وبساطه لكن اللى يدينى ان اللى مايبقاش فى صفى ويقول كلام ميعجبنيش انى اهاجمه بالاسلوب دا واحاول احجر على رايه واقوله لو مش عاجبك مواضيعى اكتفى بعدم الرد او اكتب لا تعليق كما سبق فى ردك على اعضاء فى مواضيع سابقه فين اسلوب الحوار الهادف والنقاش البناء ياكاتب ياكبير |
|
#6
16-10-2009, 02:14 PM
|
||||
|
||||
|
استاذي الفاضل
اشكر حضرتك على المجامله اللطيفه واسمح لي ان اعبر عن رايي ماكان له داعي حضرتك اللي ترد على الاخت متعاقده لان الاسئله موجهه لي وهي من حقها تعرف رايي وانا اذكر مثل لولا اختلاف الاذواق لبارت الاسواق اختي العزيزه متعاقده من حقك ان تدافعي عن المرأه كونك امرأه وانا مثلك امرأه ولاأقبل الاساءه الى بني جنسي. ربنا سبحانه وتعالى خلق المرأه والرجل وجعل لكل منهما مميزاته الخاصه به . وخلقهما ليكمل احدهم الاخر ولايستطيع الرجل الاستغناء عن المرأه وكذلك المرأه وهذه سنة الحياةفمن اعتقد غير ذلك فقد شذ ولكل قاعده شذوذ انا قريت كل المواضيع التي كتبها استاذ محمد ورديت عليه في اكثر من موضوع والمواضيع التي لم ارد عليها فقد قرأتها وتابعت كل المناقشات التي كتبت حولها وبصراحه النقاش لم يعجبني لانه نقاش غير بناء وكان حاد وانا مستغربه من الاداره لانها لم تتخذ الاجراء لوضع حد لهذه المناقشات الطويله العريضه . لان سبق والاداره اتخذت اجراءتها وبسرعه في مواضيع كان النقاش بين الاعضاء اقل بكثير من النقاش الي دارحول الموضوع والان اجيب على سؤال حضرتك 1.انا يعجبني اسلوب استاذ محمد لانه سهل سلس فيه عنصر التشويق 2.انه يتطرق الى السلبيات الموجوده في دوائر الدوله باسلوب فيه متعه ودعابه وسخريه 3. الموضوع في ظاهره موجه الى المراه ومضمونه يختلف فيه عمق وموجه الى اشخاص معينين والله اعلم هذا الي حسيت به نرجع الى الموضوع شويه الرجل الذي يتخلى عن مكانه للمراه في المواصلات ولا يحترم الرجل الكبير اعتقد هنا الاساء ه للرجل واخيرا تمنى ان يكون ست اين هي الاساءه استاذي انا متنازله عن كل التسهيلات الي حضرتك تذكرتها رغم اشراقة الشمس الذي املكها كي اتمتع بكل المميزات اللي اعطاها المجتمع للرجل وليس ربنا سبحانه وتعالى لان كلنا بشر اختي العزيزه متعاقده شكر لانك تدافعين عن المراه وهذا حقك بس بدون انفعال وانا اسفه لاني لااتمكن الدخول في مناقشات طويله وتقبلي تحياتي واحترامي وتحياتي الى الاستاذ محمد ارجوكم اغلقوا الموضوع استاذ محمد حضرتك كتبت كثير عن المراه اكتب ولو موضوع واحد عن الرجل حتى تشفي غليلنا ودمتم جمعيا بخير |
|
#7
16-10-2009, 03:15 PM
|
||||
|
||||
__________________
محمد الشناوى الفارس المقهور |
|
#8
16-10-2009, 06:43 PM
|
|||
|
|||
[
بجد ياشروق انا فعلا بحترم رايك جدا وبحترم عقلك على الرغم من اختلافنا فى الاراء حول الموضوع لكن اختلاف الراى لايفسد للود قضيه فانتى شايفه انه موضوع جميل ووضحتيلى وجهه نظرك باسلوب جدير بالاحترام وعلى الرغم بانى مختلفه معاكى لانى شايفه بصراحه من خلال مناقشاتى مع كاتب الموضوع انه بيتعمد الى استفزاز المراه والسخريه منها باسلوب غير لائق ولا يهدف الى كتابه الادب الجيد كما يدعى وليس دليلا على وجهه نظرى افضل من مواضيعه الجديده عن المراه ورده على العضو بانزر فى موضوع سابق بقوله واستمع الى نصيحة ... الفاضلة وان شاء الله هنزل موضوعى الجديد ( تعلم كيف تضرب زوجتك - ومتى ؟) وبشكرك على تفهمك ليا فى دفاعى عن المراه بس احب اقولك انى لو كنت انفعلت فى بعض ردودى فدا نتيجه للردود المستفزه والهجوم الغير متقبل من كاتب الموضوع وليس ادل على كلامى من رده عليه فى الموضوع دا واللى انتى بنفسك انكرتيه عليه لان للاسف كاتب الموضوع لايتقبل الراى الاخر بل يهاجمه بمنتهى العنف كما ظهر فى رده فى بدايه الموضوع ورده فى مواضيع سابقه ومش عليا انا لوحدى بل على كتير من العضوات والاعضاء وانا بالفعل كنت توقفت عن الرد عليه وضفته لقايمه التجاهل عندى وبعت رساله للاداره علشان تشوف ايه اللى بيحصل لكن للاسف افتكر انى انسحبت من المناقشه واعتبر دا ضعف منى وعدم مقدره على الرد عليه وتجاوز حدوده فى الكلام عنى كما وصلنى من احدى العضوات ودا اللى خلانى ارجع ارد عليه تانى واخيرا ياشروق انا زى ماقلتلك انا بحترم فعلا رايك وعقلك اللى بيفتقد ليه بعض الاعضاء الذكور فلو كان لبعض الاعضاء عقلك وتقبلك للراى الاخر لما وصلنا لهذا الحد فى النقاش شكرا ليكى |
|
#9
16-10-2009, 07:28 PM
|
|||
|
|||
|
اه بالمناسبه ياشروق بالنسبه لطلبك من كاتب الموضوع
استاذ محمد حضرتك كتبت كثير عن المراه اكتب ولو موضوع واحد عن الرجل اعتقد انه صعب جدا عليه ولو عمله فعلا هستغرب لان كاتب الموضوع واضح جدا انه معادى للمراه وبيحس بالانتصار والتفوق لما يعمل منها ماده للسخريه لكن صعب عليه جدا انه يعمل من الراجل ماده للسخريه فى مواضيعه وعلى العموم انا فى انتظار تحقيق طلبك شكرا ليكى |
|
#10
16-10-2009, 11:55 PM
|
||||
|
||||
|
القسم الأدبي يتم فيه عرض كل ما له صله بالشعر والخواطر والنثر من كبار الشُعراء والكُتاب في العالم
تم النقل الي المكان المناسب للموضوع
__________________
 ... if i die don't cry just look at the sky and say bye bye
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 06:49 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
