الأفلام و المسلسلات

[أميرة الثلج]

السلام عليكم ورحمه الله وبركاته
أنا عندي مشكله بحاول أحلها ومحتاجه مساعدتكم وكمان أنا واثقه أن في منكم عنده نفس المشكله
المعصيه دي صعبه أوي لأن النفس اتعودت عليها
حاولوا تعملوا الخطوات دي واحده واحده وان شاء الله هتساعدكم أوي ودي حاجات بسيطه بس حسيت أن الخطوات البسيطه ساعدتني وياريت اللي عنده اقتراحات تانيه يقول
الأولي:
اتفرج زي ما أنت متعود كل الفرق أن وأنت بتتفرج لاحظ الحاجات اللي بتاخد عليها ذنب(غض البصر,كلام قبيح,الخوض في الكبائر….) وهتتفاجأ أن بعد شويه هتلاقي نفسك واخد بالك من حاجات كتيره أوي ماكنتش بتيجي علي بالك قبل كده.

الثانيه:
اتفرج برده زي ما أنت متعود بس وأنت قاعد احسب الوقت اللي بتقعده وخليك دقيق أوي

الثالثه:
اتفرج برده زي ما أنت متعود….بس المره دي بص كويس علي الممثلين واسأل نفسك حل نجحوا في الحياه وحل حققوا أهدافهم هتلاقي الاجابه …أيوه هما حققوا أهدافهم بدليل شهرتهم وكتر أعمالهم…….طيب وأنت هل حققت أهدافك في الحياه؟؟؟؟الاجابه دي مرتبطه بعدد الساعات اللي أنت بتتفرج فيها علي التليفزيون…

الرابعه:
اتفرج برده زي ما أنت متعود….وفكر تاني في الممثلين….طيب لو هما مسلمين يبقي هما بياخدوا ذنوب صح؟؟ طيب تفتكر من العدل أن ربنا يعذبهم بذنوبهم وأنت لأ مع أنك بتتسلي بيهم؟؟
طيب لو كانوا غير مسلمين؟؟يبقي أنت بتتفرج علي ناس لا يحبهم الله وموعدهم النار وأنت مستمتع بصحبتهم!!!!!!!!
طبعا كل الكلام السابق عن الأفلام والمسلسلات…الخ يعني أي حاجه مش مفيده
نصيحه:اللي عايز يبطل الموضوع أو علي الأقل يقلله لازم يلاقي حاجه تانيه تبقي هوايه بيحبها يرفه بيها عن نفسه زي مثلا:الرسم,القراءه,الرياضه,اللعب علي الكمبيوتر…..
وأهم حاجه الدعاء وياريت تدعولي معاكم
رمضان:
علي الأقل كلنا ان شاء الله السنه دي مانفتحش التليفزيون في رمضان ونستغل الشهر ده فرصه لأن ندعي ربنا أنه يثبتنا
السلام عليكم ورحمه الله وبركاته
منقول

[msamido]

جزاكي الله خيرا

والله انا مش بفتح التليفزيون غير نادرا والمسلسلات المصريه دي مش بحبها اصلا اما الأفلام فانا كنت مدمن افلام اجنبي بس دلوقتي بطلت اتفرج علي التليفزيون غير نادرا بس بردوه لسه بجيب افلام علي الكومبيوتر

اللهم اهدي الجميع شكرا اميره الثلج

[المجاهد فى سبيل الله]

السلام عليكم ورحمة الله وبركاته
اولا جزاكى الله كل خير اختى فى الله بجد هذه خطوات ايجابيه بس انا الحمدلله برضه مش بفتح التلفزيون الا نادر يعنى على بعض القنوات او فى البرامج المهمه علما انى عندى دش مش تلفزيون عادى والحمدلله مش بقعد قدامه شبه خالص