للمرح !!!!!! ومنقول من منتدي كليتي

[timo mido]

نصيحه لكل شاب فى العلاقات النسائيه, عايز تجيب لأى بنت شلل ونقطه





كيف يرفع الولد ضغط دم البنت؟؟؟

العملية فى منتهى السهولة و سيتم عرضها من خلال من خلال عدة مواقف متتالية و الله المستعان و ربنا يقدرنا على بنت حواء......



- اذا كنت ماشفتهاش من زمان و قابلتها صدفة و بتسالك انت عامل ايه ازى احوالك ؟
ترد بمنتهى السماجة ...انتى مش شايفانى فرحان و سعيد انى قابلتك اقوم ارقصلك يعنى؟



2-ولما ترد و تقول خلاص انا اسفة .. ترد و تقول شىءطبيعى



3- لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها ميه!!



4- لو كنت فى عرابيتك و عدى من جنبيك عربية و فيها بنت حلوة افضل باصيصلها و متنح و لماتسالك انت بتبصلى كده ليه شد على الرابع و نفضلها .......



5- لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها ماعليش اصل صوتك شبه صوت حسنى بالظبط .



6- لو ماشى مع بنت جميلة جدا و بتسالك عن رايك فى شكلها قولها هايلة يا حياتى بس لو فيه منك على حريمى !!!!!!

( اللى مافيهمهاش يسالنى )




7- لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعه 4:30
بص فى ساعتك و قوللها تمام الساعة بتاعتك مظبوطة!!!!!



8- لو راكب عربية نقل (مقطورة) وعدت قدامك بنت فمن الجنتلة انك تيجى جنبها و تزمر على اخرك .....



9- لو نفسك تمشى مع بنت فى كليتك و كانت جاية تطلب منك حاجة للمرة الاولى فى حياتها (والطريقة مجربة و جابت مفعول .....
هتنادى عليك........
- احمد .... ممكن لو سمحت......
- بصلها و اضحك فى و شها و بعدين دير وشك و نفضلها خالص و لا كانك شفتها قبل كده .....
طبعا و شها هيبقى شبه الطمطماية لكنها بعد كده هتروح تشتكيك لزميلاتها و تقول عليك انك و لد تنك و ماعندكش دم و لا ذوق ....
و فاجاة روح كلمها عادى و لا كان حاجة حصلت ...
هتحتار فيك و تعجب بيك.... و يمكن تحبك .....
و تقول : على فكرة انا لما عملت كده كانت صدفة و الله ماكنتش اقصد



10- لو انت فى محل ودخلت بعديك بنت طبعا من الزوق انك تقول للبياع خلص الانسة الاول ........
و البياع لسة بيجيبلها الحاجة قوله : ماتخلصنى بقالى ساعة قدامك و بعدين بتمشى الانسة ليه انا جى قبلها
طبعا اعمل حسابك ان البقال هيضربك باى حاجة فى ايده



11- لو انت مع بنت و هتركبوا تاكسى و غيران عليها و خايف للسواق يقعد يبصلها فى المراية
طبعا اتصرف على الفور و قعدها جنبه و اقعد انت ورا !!!!!!



12- لو انت مصاحب بنت جادعة قوى و بتقف معاك فى كل المواقف المنيلة اللى بتحصلك و اخر موقف انك نايم على السرير بعد ما انضربت من شوية رجالة كانوا بيعاكسوها و انت عملت فيها احمد عرابى ....
امسك ايديها برومانسية و بص فى عنيها و لو لابسة نضارة ماتبصش وقولها: انا مش عارف ارد جمايلك دى كلها ازاى لما سقطت السنة اللى فاتت و قفتى جنبى... و لما اتثبت و اتسرقت هدومى و فلوسى و قفتى جنبى .....و لما ابويا مات وقفتى جنبى ......
مش عارف ليه يا حياتى حاسس انك فقر و نحس!!!!!!!!



13- لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى؟؟؟
قولها: هو انتى مين فيهم !!!!!!!!



14- لو كنت ماشى مع بنت سامرة (على فكرة انا بموت فى السمر ماتفهمونيش غلط انا حتى اللى بمشى معاها شبه سامية جمال!!) وكانت لابسة فستان احمر و قاليتلك دلعنى ...
قولها : يا فحم مولع.!!!



15- لو كنت ماشى مع بنت و شفت شاب بيبوس ايد حبيبته (رومانسية طبعا.. وولد جنتل قوى يعنى) و بتقولك ماتبقى تعمل زيه
رد عليها و قولها : واعمل زيه ازاى و انا ماعرفش البنت اللى بيمشى معاها



16- لو بتسالك فى غيرة ( انا عرفت انك ماشى مع بنت تانية غيرى اسمها دعاء و شاقرة) رد و قول لا و الله انا ماشى مع بنت خمرية و اسمها سارة !!!!!!!



17- لو قالتلك اى بنت مش بزمتك انا مالية عليك حياتك
قولها ايوة بس لو ماكنتش عرفتك كانت محفظتى هتفضل مليانة

[timo mido]

[align=center]
الفرق بين الولد الفافى والولد البيئة !!


(دي مقارنه بسيطه بين (الطفل الفافي) ... و(الطفل البيئه )

(*الطفل الفافي)و (الهافلايف) :

1-الولد من دول يصحى على صوت الكناري اللي في اوضته ....
- سو سو سو سو .... -

2-يدخل الحمام ياخد شاور .... ويغسل شعره بشامبو من ايطاليا .... ويحط جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -

3- يطلع من الحمام يلاقي الداده مستنياه بفوطه من حريييييير .... وتلاعبه وتهزر معاه بالانجليزي ....
- الداده معاها دكتوراه من جامعة اسفخص في لندن -

4-يخش على اوضته ... ويفتح الدولاب ويطلع منه هدومه المكويه واللي ريحة اريال باينه فيها .....
- اريال .... نسيم الصباح -

5- يجيب جزمته من الجزامه ... اللي مليانه جزم وكوتشيهات ... وسبوووز .....
- تقولش دخلت محل لطفي أو توكيل تمبرلاند -

6- ينزل يفطر مع مامي ودادي ... والفطار كورن فليكس بطعم الستروبوري او الشوكولات ....
- كورن فيليكس كلووقز .. مش بسكو مصر -

7- يسلم على مامي ويبوسها بعد ماتكون حطتله ديناربوكس بتاعه وفيه .... ساندوتشين تشيزبرجر و كيس شيبسي و عصير جهينه او ايزي موزوو
- ايزي مووزو !!!! فاكرين الاعلان ده ؟؟؟ -

8- يسلم على دادي اللي يديله البوكيت موني بالدولار ..... مش يعرفو حاجه اسمها جنيه طبعا
- جنيه ؟؟؟؟ دي عملة انكردت من زمااان -

9- يطلع من البيت بعد الداده ماتلبسه الشنطه بتاعة الكتب على ضهره ..
- بنشوف الشنطه دي مع الخواجات في شرم وبس -

10- يركب الباس بتاع السكول .... ويشاور (باي باي) للداده ولمامي ... ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -

*الطفل البييييئه :

1- دييييييييب .... اخوه رمى عليه طوبه عشان بقاله ساعتين بيصحي فيه ... وهو ولا هنا ...
- طبعا .. مقضيها صرمحه في الشارع للفجر -

2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر ....
- بدل تمارين الصباح ... رياضه برضه -

3- طبعا بعد الخناق ده بيبقى جعان ... تلاقيه بيحوم في الشقه ويدوّر في المطبخ على اي حاجه .... انشالله صرصار .. برضه هاياكله من الجوع
- عشان كده ماتلاقيش في بيتهم صراصير -

4- بعد ما يحط في بطنه اي حاجه في رغيف ... يدور على اي حاجه يلبسها .... القميص مرمي تحت السرير ... ويقلع اخوه الصغير البنطلون بتاعه وهو نايم ...
- هدومه كلها مكرمشه ... تقولوش طالعه من بق كلب -

5- طب وبعدين .... ساعتين بيدور على الجزمه ... مش عارف رزعها فين ... واخوه الكبير خارج من البيت حافي كمان عشان مايقولش انه خدها ... افتكر اخيرا انه حاطط فرده منهم فوق الدولاب .... والتانيه ... تحت التلاجه !!!!!!
- طبعا ما يعرفش اختراع اسمه الشرابات -

6- دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ..... دييييب ...
- ضربة بالحله على نافوخه -

7- الباشمهندس الصغير .... مايعرفش فين كتبه ولا كشاكيله اصلا .... عشان كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -

8- هايروح مدرسته ازاي ؟؟؟ طبعا اي ميكروباز او عربيه نقل وقضيها شعبطه ....
- ليااااااااااااااااااااااااااااقة -


في طابور المدرسه ....

*الطفل الفافي (الهاف لايف) :

1- العيال كلهم واقفين في صفوف شكلها يفرح .. ده غير ريحتهم اللي زي الفل
- نضافه رباااااااااني -

2- الطابور كله تمارين ونشاط ....
- على انغام الدي جي (ياسر شاكر) -

3- الاذاعه المدرسيه ... اخبار من مجلات (واشنطون بوست)
- وطبعا .... مافيش ترجمه -

4- يغنو النشيد الوطني بقيادة المايسترو (سليم سحاب)
- (حسن كامي) ... كان بيغنيه معاهم قبل ما ربنا يفتح عليه -

5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -

*الطفل البيئه :

1- داخل المدرسه متأخر وحالته نيله
- اتشعبط في مكروباز (شبرا) ... ومدرسته اصلا في (الحلميه) -

2- بعد التذنيب والشتيمه من مدرس الألعاب (حسن أبو شفه) ... انضم لباقي زمايله في المعتقل ... سوري ... زمايله في المدرسه
- ولا واحد منهم فاهم هو فين أصلا ... واتضح ان صاحبنا أكتر واحد شيييك فيهم -

3- الأثاحه الملثيه .....----> تحريف لكلمة (الاذاعة المدرسيه) ...
- تخيلو انتو باقي الأخبار بقى -

4- النشيد الوطني اللي هم بيقولوه .... بتاع دوله مجهوله ... ونفسي اعرف ايه هي؟؟؟
- طبعا على موسيقا آلات النفخ ..... الشيشه -

5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -

بعد المدرسه ما تخلص ... بيرجعو على بيوتهم بنفس الاسلوب .... ونشوف يومهم عامل ازاي دلوقتي

*الطفل الفافي (الهاف لايف) :

1- يرجع من السكول تكون الداده في استقباله ... وتشيل منه الشنطه ... ويغسل وشه ويغير هدومه
- والله العظيم ... وشه انضف من ما كان طالع الصبح أصلا -

2- بعد ما اتشطف .... وإتصبّن - الكلمه دي متعوب عليها على فكره - يقعد يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -

3- هاني ... دينر از ريدي
- السيييم بتاعهم لما يجهز الغدا -

4- بعد الغدا ... يشرب كبايه (اورانج جووس) وينام ساعه عشان يعرف يذاكر ويحل الهوم وورك
- مش عارف يعني ايه هوم وورك ... بس سمعتها من بنت اخويه -

*الطفل البييئه :

1- أخينا رجع من المعتقل ... او المدرسه زي مابيقولو عليها ... وهدومه كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -

2- امه لسه ماخلصتش الغدا ...
- النهارده امه دابحه دكر جبنه بيضه ... واحتمال يكون في فول بالصلصه -

3- ترااااادااترااااااااااااااااااااااااا ...
- دي اعلان الحرب ... أو الغدا <هجووووووووووم> -

4- بعد اكلة الفول بالصلصه ومعاه فحلين بصل ... عادة ما يعقبها احساس بالضياع
- تنااااااااحه ... فور آيفير -

بعد حالة التناحه او النوم دي ... بيجي وقت الشده ... ياترى الحياه معاهم - الطفل الفافي .. والطفل البييئه - عامله ازاي ؟؟؟؟

*الطفل الفافي (الهاف لايف) :

1- يقوم من النوم على صوت الداده ... الهادي طبعا .. عشان يقوم يذاكر مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -

2- بعد ما يخلص المذاكره وتحضير دروس تاني يوم .... مامته تاخده النادي عشان يلعب رياضه (باسكت او تنس) و احتمال (سكواش)
- مشتركين في نادي المعادي والصيد والشمس ... ده غير سبورتنج في الصيف -

3- يرجع من النادي ... ياخد دش ويحضر شنطته وينزل يتفرج على شانل تو
- شانل تو بتاعة الام بي سي ... مش بتاعة مصر طبعا -

4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -

5- ينام على صوت الداده وهي بتغنيله اغنيه رومانسيه ... وفي حضنه الدبدوب اللي جاله في عيد ميلاده
- ملاك نايم يا اخواتي -

*الطفل البيييئه :

1- يفوق من حالة التناحه من الفول والبصل على صوت حد من صحابه ... عشان ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد -

2- يرجع بيتهم وهو بيجري وهدومه متقطعه ودماغه واخده بتاع تلاتين قلم على سهوه .... عشان شاط الكوره وكسر القزاز بتاع محل (عم سيد) البقال
- الراجل ده من كتر القزاز بتاعه ما اتكسر ... هايفتح مصنع قزاز -

3- اخته جابته عشان يحل الواجب ويذاكر ... بس مامعاهوش قلم ... قام نزل الشارع عشان يجيب قلم
- آدي دقني لو جاب ولا حتى رجع من أصله -

4- على الساعه 2 الفجر ... باب بيتهم بيخبط .. وامه فتحت الباب شافت جارهم دماغه متعوره وجايب لها المحروس اللي كان بيلعب حرب بالطوب وفتح دماغه
- تقولش طفل من أطفال الانتفاضه -

5- ساب امه وابوه وهم بيصالحو جارهم وبيبوسو ايده عشان ما يعملوش محضر .... واتسحّب المفعوص على المطبخ جاب حتة جبنه وطماطمايه ورغيف معطن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل[/align]

#2

[timo mido]

بدأ يوم الشباب
عندما تتجمع (( العصابة )) يعنى الشلة كل (( مورنينج )) عند (( ناصية الرمش )) وهى
عبارة عن مكان تتوافد إلية مجموعة من بنات النادي أو الجامعة معظمهم بنات (( استبن )) يعنى غير أصحابهم الأساسيين وكل بنت لها المصطلح الخاص بهايعنى لو البنت حلوه يطلق عليها (( أوكشة )) (( فى الزيف )) يعنى فى الجون

ولو لابسة جزمة كعب عالى (( الأستوك بيتوك )) أو حتة (( شامبو )) يعنى ريحتها حلوة وهاي فايولو البنت صغيرة
يطلق عليها (( أووزى ))
ولو كانت البنت الاجمل فى الشلة يطلق عليها((النتفة ))

أما لو كانت قبيحة الشكل تبقى((صندل مقطوع أو ضاربها طبنجة ))

ولو البنت تخينة تكون (( اتوبيس )) ولو كانت غير متناسقة القوام او الملامح تسمى
(( سلعووه ))

ولو كانت لعوباً
يطلق عليها (( هشكة )) ولو كانت مرتبطة تبقى (( أوفسايد )) أو (( متشفرة)) والكارت
بتاعها مع فلان !

ولو كانــت
البنت سمـراء البشرة تسمى (( ضالمة من قارة افريقيا )) أو (( مزرقة )) ولو كانت
بنت من مكان شعبى تسمــى
(( بيئة)) ....

وعندما ترفض
البنت المعاكسة تقول لمن يعاكسها (( يا خفة .. اية التهزير دة ... روح لمامتك يا
بيبى))وممكن الحكاية
تكون فى السليم وتقلب صحوبية وتقول للولد (( خلينا فى الفيوتشر))......ولو الولد زهق ((اتخنق )) من البنت أو العكس يقولها (( سمعينى بودعك )) أو (( حديها الدبلة))....... حاجة زي الفل .... زيييييييي الفلوعندما تريد
البنت معرفة رأى أصحابها فى (( البوى فريند )) بتاعها تعطية ميعاداً وتطلب من
صديقاتها رأيهم بدون أن يعرف((الموكوس )) الغلبان .... خدوا بالكم
يا شباب من المصطلحات اللى جاية دية للأهمية القصوى عندما تقول لها صديقتها انك((تاكسى )) يعنى انت لافف وبتاع بنات ..
ولو قالت (( سكامونى )) يعنى جميل و أمور ...(( ملسكوبيتش )) يعنى بخيل ...
...(( شامورتى )) يعنى خنييق((توت فروت )) مظهرجى ... (( خفشاوى )) غير
واضح وهايف ... (( شنيش )) يعنى لامؤخذة هفأ .. !

ولو الولد تعبان
فى المذاكرة يعنى (( جايب جاز والشراب هوى ومتخرتق)) !

وأكثر مصطلحات
متداولة هذة الايام((العب باشكا )) يعنى العب على المكشوفحطيت إيدى على البلف )) يعنى فهمت الموضوع))


((أدعك الفانوس دلوقتى )) يعنى ممكن
تمشى وترحل((أرحلك )) أخرجك من الشلة((الجوند )) فلوس((مكيش القفف )) معاه فلوس كتير((يا صباح المظلات )) للمتقدمين للكليات العسكرية((فهمـى )) يعنى نفض وكبر الجمجمة((أحلق )) طنش((انت حتزاولنى )) انت حتشتغلنى((مهييس )) عامل دماغ وطاير قووى((يا صباح اللى بتغنى )) صباح الخير((يا مساء الليل )) يعنى يا مساء الخير((فوكك )) سيبك من الموضوع دة((أراك أمس )) يعنى مش عايز اشوفك تانى((أحنا عيال قادرة وكفأة .. ودكتوراة فى الحداقة )) يعنى
احنا شباب 100 / 100((كل معرفتى بيه .. هاى باى )) يعنى مش صاحبى قوى((شوليطى . موليطى )) يعنى مش معايا فلووس .. مفلس****************************


هى دى مصطلحات الشباب

[timo mido]

المعادله 1


الانسان = اكل + نوم + عمل + استمتاع

الحمار = اكل + نوم

بالتعويض

الانسان = حمار + عمل + استمتاع

بنقل الاستمتاع الى الطرف الثاني من المعادله

الانسان – استمتاع = حمار + عمل



معادله 2


الرجل = اكل + نوم + جمع المال

الحمار = اكل + نوم

بالتعويض

الرجل = حمار + جمع المال

بنقل جمع المال الى الطرف الثاني من المعادله

الرجل – جمع المال = حمار
الاستنتاج : الرجل الذي لا يجمع المال = حمار


المعادله 3

المراة = اكل + نوم + صرف

الحمار = اكل + نوم


وعليه


المراة = حمار + صرف


بنقل صرف الى الطرف الثانa من المعادله


المراة – صرف = حمار


الاستنتاج : المراة التي لا تصرف المال = حمار


و بالنتيجة نستنتج من المعادله 2و3

الرجل الذي لا يجمع المال = المراة التي لا تصرف


اذا


الرجل الذي يمجمع المال سوف يجعل المراة لاتساوي حمار

والمراة التي تصرف المال سوف تجعل الرجل لا يساوي حمار

اذا

الرجل + المراة = حمار + جمع المال + حمار + صرف

اذا

الرجل + المراة = 2 حمار عايشين بسعاده مع بعضهم

[DiC0vErY]

amzing ya timo really nice topic

[Dr.Ahmed Moussa]

جااااااااااااامد جداااااااااا

[maryam.s]

بجد
no comment
ربنا يهدينا جميعا يارب
هم دول الشباب اللى هيحررورا الاقصى ا ش ا
اللهم اهد بنات وشباب المسلمين
يارب العالمين