|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#1
|
||||
|
||||
![]() السلام عليكم ورحمة الله وبركاته إخوانى الكرام موضوع سرقة عضويات الأعضاء المشاهير المراقبين الإداريين وأحيانا المشرفين تكررت جدا حتى بت أخاف أن أنام يوما وأقوم ألاقى واحد سارق باسورد الثانويةوبيدخل بيها يلعب فى المنتدى ![]() حقة لو دة حصل ممكن بكرة ألاقى نفسى لون عضويتى أحمر ؟؟ سيـــــــ(الحق)ـــــــف وساعتها صدقونى كل الوعود الإنتخابية ههتنفز وأولها مد ماسورة مياه 2.5 بوصة من منتدى الشكاوى للمنتدى العام لتغذية جميع بقاع المنتدى و أحيائه بالمياه العذبة وخصوصا العشوائيات وإدخال الصرف الصحى الذى كنا تكلمنا عنه من سابق وكل مشاريع البنية التحتية وبعيد عن ثقل الدم هذا ![]() الحقيقة أن إحنا لازم نبحث فى أسباب سرقة باسوورد عضوية المشرفين والأعضاء وندور عليها ونعدل من سلوكنا على شان نقلل من الجريمة دى ![]() لماذا يقوم الهاكر بسرقة باس العضوية ![]() السبب الاساسى الإثارة والقدرة على تخطى الحواجز الامنية وربما قليل من تقليد الغربيين خطوات سرقة العضوية **- حضرتك راجل خلبوص ودونجوان ؟؟ يجى الهاكر يقولك (( أنا منى وكنت محتاجة مساعدتك فى الموضوع الفلانى لو ممكن تضيفنى على الميل )) ** حضرتك بداعى الشهومية والفكاكة ويمكن كمان نتقابل فى سينما صيفى مع إتنين حاجة ساقعة كانز تديها ميلك **طبعا منى دى غالبا بتبقى فتحى وممكن بقى ودى حصلت لواحد معرفة مشرف معانا هنا بس هوة لبط شوية ففهم الموضوع على طول يخلى بنت معرفته تكلمك تليفون ههههههه عيال مخلصة يا جماعة سعادتك ترتكب الخطأ رقم واحد تضيف شخص مجهول على ميلك الشخصى وبالطبع هناك مجموعة من الأساليب لسرقة الباس من الإيميل أى عيل مبتدئ هاكنج بيعرف يعملها منها إنه يبعلتك فلاش أو صورة حسب العلاقة بقى يعنى لو ناس محترمة خد شوف الصورة دى أبو تريكة بيهزر مع مش عارف مين لو مش محترم ممكن صورة لحد تانى يعنى كل واحد وله صوره اللى تهمه سعادتك بحسن نية تحمل الملف ينزلك معاه هاك تول يسرق بياناتك من الكوكيز خصوصا لو بتستعمل موزييلا والأداة دى (( صدق أو لا تصدق )) معمولة فى ليبيا بيدخل بيها وينقلها كل الكوكيز والملفات صاحبنا بيعمل إيه بياخد الكوكيز هيلا بيلا يحطها عنده ويدخل المنتدى .. فيلاقى نفسه داخل بعضويتك ودة الخطأ الثانى إنك مبتمسحش الكوكيز لما تطلع من المنتدى أو مبتسجلش خروج لا بتكتفى بغلق المتصفح وكل مرة تدخل مبتحتجش تكتب الباس نرجع لفتحى ههههه صاحبنا دخل ملفك بالعضوية أهه يروح مغير الباس والخيارات كلها و يغير ميلك لميله طبعا علشان الناس اللى مش خلابيص متزعلش ممكن يقولك أى حاجة وكل صنعة وليها سيمها يعنى لو مشرف فى المنتدى الإسلامى معانا هيقوله والله يا أخى أنا فى موضوع كنت محتاج أكلم فيه حد وربنا العالم (( ملحوظة اللى يقول ربنا يعلم على شئ كذب يبقى كافر لأنه بيتهم الله بالجهل ضمنا )) أنا فى ورطة والدنيا ضاقت بى ومش عارف أتصرف صاحبنا يعمل فيها الشيخ الشعراوى وعبد الوهاب مطاوع مع بعض ويضيفه ويتكرر الأمر مع تعديلات طفيفة طيب إيه الحلول لا تكن خلبوصا لا تضيف أى شخص لا تعرفه على ميلك الشخصى وأصنع لنفسك ميل إحتياطى لإضافة الأشخاص الجدد عليه لحين الإطمئنان لنواياهم ** إحمى جهازك بحائط نارى محترم وأقترح منتجات نورتون سيمانتك ** غير باسوردك لشئ صعب** مكون من رموز وحروف وأرقام مثلا abcABC123*#* إحذف ملفات الكوكيز وملفات الإنترنت المؤقتة بإستمرار ** ولا تحتفظ بأى شئ ذا قيمة على السى ونصيحة الأمهات الأبدية ( متاخدش حاجة يا حبيبى من حد متعرفوش ) والكلام دة زى ما كان بينطبق على الحلاوة فى الشارع زمان بينطبق على الملفات اليومين دول لا تنسى أنك مجرد شاب عادى ** لست حلال مشاكل ولا أبو العريف ولا أى شئ خليك فى حالك بدون سلبية لكن بالمعقول اللى يريد شئ منك يكلمك فى المنتدى من خلال الرسائل الشخصية قلل قدر الأمكان من العلاقات الشخصية ** ونصيحتى الأبدية ** أطفئ الكاميرا لست عبد الحليم حافظ ولا محمود الخطيب ولا يهم أحد شكلك ولا مظهرك |
العلامات المرجعية |
|
|