|
أرشيف المنتدي هنا نقل الموضوعات المكررة والروابط التى لا تعمل |
|
أدوات الموضوع | ابحث في الموضوع | انواع عرض الموضوع |
#1
|
||||
|
||||
![]() المبالغة هي المغالاة والزيادة في الشيء
المجاملة هي إعطاء الشيء اكثر من حقه سواء بالكلام او بالفعل او بالتقدير العرف هو السائد والمتعارف عليه في منطقة معينة المفروض إنه التلاتة مختلفين وغير متعلقين في بعض ولكن في بلد الارقام القياسية (أكيد مصر) تحققت الثلاثة معاً ![]() ممكن المجاملات تبقى في المناسبات لما تلاقي واحد عازمك في بيته حاططلك جميع اصناف الطعام الموجودة ماشي كويس تيجي انت عنده وتبدأ تاكل اكيد حتاكل من نوع واحد بعد ما تخلص يقولك طب دوق ده جميلة والله طب مكملتش السلطة والعصير و و كده وصلنا للمبالغة انا جاي عندك آكل ولا أخلصلك الأكل كله بالعافية ممكن متعرفش تروح بعد كده من كتر منتا واكل ![]() طيب حتقولي ايه الحل ؟ في الدول المتقدمة واللى بتقدر قيمة كل حاجة دايماً بيبقى الاكل على قد الحاجة ومفيش حاجة بتترمي معندهمش مبالغة معندهمش اسراف طيب كده الضيف حيفتكرني بخيل وحيقول عليا مش عايز اعمله حاجة حلوة هو ده اللى بتكلم عليه بقى العرف العرف عندنا بقى الاسراف بقى المنظر مش مهم هو شبع ولا لسه المهم السفرة قدامه تبقى مليانة ساعات كنت بفكر ليه احنا في رمضان بناكل كتير جداً ؟ انا عن نفسي كنت بحسبها بلاقي نفسي باكل أقل من الايام العادية بشبع في الفطار وبشبع في السحور والفترة اللى في النص متكفيش آكل زيادة امال الناس ده بتاكل امتى بغض النظر عن شنط التبرعات اللى بتبقى في رمضان ده واللى فيها الفقراء بياكلو اكتر من الايام العادية وجدت أن السبب يكمن في المجاملات والمبالغة !!! ازاي العزومات دايماً بتكتر في رمضان وبالتالي الموائد حتتملي اكتر واصناف اكل اكتر واللى دايماً مصيرها بيكون في الزبالة !!! المهم إنه محدش يقول علينا بخلا ولا مش بنعرف اكل يعني كده حنفضل نسرف ونرمي في الاكل عشان المنظر العام بس ![]() عموماً مش ده اللى انا كاتب الموضوع عشاه مين ![]() في الحقيقة انا اتكلمت من وجهة نظر الشخص المضيف دلوقتي انا عايز اتكلم اصلاً من جهة الضيف المبالغة ده بتدايقه جداً لما اكون عند ضيف وعازمني واكلت وشبعت يقولي امسك اشرب كوباية العصير ده شربتها يروح يعبيلي كوباية تانية ويقولي اشرب ياعم انا واكل وشبعان وشرب خلاص والله لا تشربها انا حلفت خلاص حاضر عشان خاطرك حشرب يلا بقى وطبق البتاع ده سبته ليه ده جميل خالص والله مش قادر كفاية لا لا لا مينفعش امال يترمي دنا عاملهولك مخصوص المنظر ده مش بيتكرر في العزومات والاكل بس احياناً لما بتشتري من واحد حاجة انت بتطلب منه يجيبلك حاجة يروح يجيبهالك تيجي تدفعله يقولك لا خلي ياعم امسك بس لا والله خلاص اعتبرها هدية هدية ايه انا اللى طالبها منك واكيد شفتو من المنظر ده كتير برده من الآخر عايز اقول عندنا في مصر الطيبة والحب زايدين عن حدهم اوي واصبحت المبالغة من مبالغتها تدايق الطرف الآخر ويشعر أنه يثقل عليه كثيراً على الرغم أن الآخر يقوم بها عن رضا لا تبالغ عند المجاملة فهذه المبالغة وإن لم تتعبك فهي تضايق نفسية اللى قدامك مش عارف حتوافقوني الكلام ولا انا بس اللى بحس بكده
__________________
It was over 3 years since my last visit ![]() |
#2
|
||||
|
||||
![]()
ههههههههههههههههه
انت محق جزئيا ف الموضوع الاسراف شئ سخيف جدا.... والعرف دا حاجة اخترعناها وعشنا الدور بقى |
#3
|
||||
|
||||
![]() اقتباس:
![]()
__________________
It was over 3 years since my last visit ![]() |
#4
|
|||
|
|||
![]()
اهاااااااااااااااااااااااا عندك حق فعلا في كل كلمه قلتها يا ساتر لو حد يقعد يعزم عليا كتير وانا ببقي خلاص مش قادره ومبحبش كده فعلا انا عن نفسي لما مثلا بعزم علي الناس هي مره مرتين وكفايه لكن بالمنظر ده لأ معرفش انا مبحبش كده لكن في حكايه الهديه دي وحاجات زيها بعملها عاتي يعني كمجامله
![]() ![]() انا فهمت موضوعك بس تقريبا مافيش بلد هتتغير يا بانزر هنفضل كده طول عمرنا لانها عادات وتقاليد اتعودنا عليها لان بس اللي عاوز يتغير وده نادر لما تلاقيه هيغير من العرف او العادات ميرسي علي الموضوع
__________________
B,M,Y مع السلامه اتمني تبقوا افضل حالا
|
#5
|
||||
|
||||
![]()
انا بيضايقنى جداً معظم الناس عندهم عزومة يعنى 30 صنف حتى لو المعزوم على الاكل 3 أفراد
و اللى بيضايق أكتر إن اللى بياكلوا بيعملوا نفسهم واكلين سد الحنك بياكلوا لقمة ويقولوا الحمد لله و فاكرين إن ده الاتيكيت يعنى أصحابى لما بعزمهم عندى مفيش غير اتنين اللى بياكلوا عادى و الباقى بيستعبطوا و لما اقولهم الاكل هيترمى يعنى تاكلوا معلقتين من الطبق مين اللى هياكل مكانكم ؟؟!! العيب فى اللى بينفذ العرف مع إنه مش صح و العيب فى اللى مياكلش و يقول ده الاحترام و الذوق يعنى مثلاً معزومة على حلفة عيد ميلاد واحدة صحبتى كل واحدة اخدت حته أنا خلصتها مش طفاسة منى لكن عارفة إن الحتة اللى سيبها علشان ابقى ذوق هتترمى فى الزبالة طب و هى مش مقدمالنا الطبق علشان نسيب حتة فيه علشان ترميه فى الزبالة و كذلك العصير و الشاى إلخ يعنى مش العرف بنستعمله غلط الاتيكيت برده دخلناه فى العرف و المبالغة بجد عندنا ليها مفاهيم عجيبة النت عندى بطىء هعلق على باقى الموضوع بعدين
__________________
إذا فقدت كل شىء و بقيت ثقتك بالله فإنك لم تفقد شيئاً
|
#6
|
||||
|
||||
![]() اقتباس:
العرف ده مش حيتغير بالنسبة للاجيال السابقة اللى اتعودت لكن احنا لو اتفاهمنا فيما بيننا ممكن نبدأ نغير العرف ده ومفيش حاجة أبداً اسمها عمرها ما حتتغير وبلدنا حتفضل كده البلد ما هي إلا مكان نحن نعيشه ونحن القادرون على تغييره اقتباس:
مش عارف ليه حاسس إني بكره لفظ الايتيكيت ده
اسلامنا مسبش حاجة الا وعطانا كل تعليمتها امرنا نخلص الاكل اللى قدامنا امرنا ناكل من قدامنا وناكل باليمين امرنا بعدم الاسراف في الطعام امرنا بثلث للطعام وثلث للشراب وثلث يبقى فاضي بس للاسف بندخل برده لفظ الايتيكيت وبالنسبة للعرف والمبالغة وصلو عندنا لمرحلة تعدت الدين زي موضوع الايتيكيت ده مثلاً في القرض لو استلفت منك فلوس الدين قال (وإذا تداينتم فاكتتبوا) ولو جيت تطلب من واحد ورقة بالفلوس ممكن يرمي الفلوس في وشك ويقول هو ده العيش والملح !!! منتظر عودتك مرة أخرى
__________________
It was over 3 years since my last visit ![]() |
#7
|
||||
|
||||
![]()
انا بايدك فى الموضوع ده
حتى لما اروح لحد ن اقاربى يقولولى دا انت مبتكلش - ده مش اكلك على الرغم ان كنت بقوم اخر واحد اصل احب اكل واتفرج على التليفزيون وساعات كنت باكل متاخر علشان محدش بفتح بقه بس بيقعدوا يولولى الكلام اللى ملهوش فايدة ده بس اعمل ايه ( ده طبع ولا هنشتريه ) وشكراااا على الموضوع الجميل ده يا BaNZeR آخر تعديل بواسطة أسيل رزق ، 28-09-2009 الساعة 02:24 PM |
#8
|
||||
|
||||
![]()
انت ليه متدايق ان احنا شعب طيب
![]() ولا دى متصنفش طيابة مننا
__________________
![]() ••• والعز كل العز في ايماني •••
آخر تعديل بواسطة براءة ، 28-09-2009 الساعة 01:01 AM |
#9
|
||||
|
||||
![]() اقتباس:
اقتباس:
![]() عادي عادي بنحاول نستحمل الكلام ![]() في ناس صنفت الطيبة الزيادة هبل المفروض الطيبة بتكون بحدود مش باسراف يعني في رأيك العزومات والولايم الكبيرة ده لما نرمي نص الاكل الباقي في الزبالة تبقى طيبة ؟ اسمحيلي اقولك - بلفظ مبسط - ده استهتار وهي ده المشكلة إننا خلينا عرف
__________________
It was over 3 years since my last visit ![]() آخر تعديل بواسطة أسيل رزق ، 28-09-2009 الساعة 02:27 PM |
#10
|
||||
|
||||
![]()
موضوع قمه فى الروعه
بارك الله فيك
__________________
![]() كم كنت اتمنى ان اراكى يوماااااااااااااااااا
|
العلامات المرجعية |
|
|