حد عرف خطته وجدوله !!!!

[mohammedabdelsa]

يا إخواني اللي وصل له حاجة رسمي عن النظام الاعدادي نرجوا الإفادة

[alostaz777]

بالله عليكم ، من يتفضل بعرض رأيه في هذا الشأن فليكن بدليل واضح ويرفعه علي المنتدى للافادة ، ولاداعي للاجتهادات
مع الشكر

[1sara]

إحنا فى الاسماعيلية كانت مدرستنا 25 فصل اعدادى جالن تعليمات من الادارة بتخفيف الكثافة فوصلت الى 31 فصل وكل حاجة زى ما هيا أرجو فقط أن يطبق القرا ر195 لسنة 2009 والمفروض تطبيقه من 1/8/2009 بأن السادة الوكلاء يرجعوا للمسمى اللى تقاضوا عليه الكادر ويشيلوا مع المدرسين الحصص الزيادة لان مافيش حاجة حاليا اسمها وكيل لحد ما الوزارة تبعت لنا المدرسين الجدد لان ده اتفاق الوزير معاهم

[دبدوب زهران]

فى الدقهلية للان ما فيش مساس بعدد الحصص يعنى نفس العدد والقسمة على 3 ايام بحيث لا يزيد عدد الطلاب عن 15 فى الفصل ومتروك لكل مدرسة الحرية فى زمن الحصة وبداية العمل ونهايته وبعض المدارس الثانوية جعلت الحصة 30 دقبقة وكل حصتين متلاصقتين زمنهم ساعة والجرس كل نصف ساعة ولا فاصل بين الحصص علشان الحصص الفردية العدد يبقى المدرس اللى كان نصابه 18 حصة اصبح نصابه 18 ساعة ×1/2 ساعة = 36 حصة
خطة الدراسة 36 حصة فى الاسبوع على 3 ايام = 12 حصة كل يوم = 6 ساعات + ربع ساعة طابور الصباح +ربع ساعة فسحة تكون الجملة 6،5 ساعة يبقى لو بدأ العمل 7،5 + 6،5 = 14 يعنى الساعة 2
ولو عملنا فاصل بين الحصص نحتاج 25 دقيقة زيادة يبقى الخروج 2،25
وهناك اعتماد من الادارة التعليمية لخطة كل مدرسة

[مجرد حلم]

ههههههههههههههه والله حتى الان فى دمياط بيتخيلوا خطط وكله كلام بلا نشرات ومحدش فاهم حاجة والاكيد ان الفوضى شعار الفترة الجاية بالمناسبة لما يكون مدرس العربى معاه 18 حصة والمدرسة تشتغل ثلاثة ايام وثلالاثة ايام يبقى هيعمل ايه؟ لازم يخد معاه اكله وشربه وهو داخل الفصل لانه مش هيخرج الا مع خروج الطلاب والله تخطيط عبقرى وطبعا لامساس بالمنهج

[محمود ماس]

أي حد عنده أخبار عن 3 أيام في أعدي ونحن نحتاج 21 فترة في الأسبوع أي 7 في اليوم فما هو وقت كل فترة فإذا كانت 40 دقيقة و15 دقيقة طابور وبدون فسحة أو 5 دقائق بين الفترات فلو بدئنا الساعة الواحدة ظهراً سوف ينتهي اليوم في السادسة و النصف وخمس دقائق

[ahmedgamalsms]

وصلة نشرة عندنا فى الغربية من وكيل الوزارة بالاتى:
رياض الاطفال والصف الاول الابتدائى والثانى والثالث والاول الاعدادى والاول الثانوى الحضور سبت إثنين أربعاء والباقى حد -ثلاثاء خميس وتم تخفيض الحصص فى جميع المراحل التعلمية (إبتدائى -إعدادى -ثانوى )إلى ثلاثين حصة أو 15فترة كل يوم من الثلاثة أيام خمس فترات اى عشر حصص مدة الحصة 35دقيقة أى مدة الفترة 70دقيقة والفسحة بعد الفترة الثالثة وتخفيض الحصص كما ذكرت سابقا

[محمود ماس]

شكراً استاذ أحمد على الرد والرجاء الي عنده خبر عن محافظة الاسكندرية يرد

[صفاء عزمى]

المشكلة في انصبة مدرس مدرس يشتغل 40 حصص

[MAYSAKASSEM]

المشاركة الأصلية كتبت بواسطة صفاء عزمى

المشكلة في انصبة مدرس مدرس يشتغل 40 حصص

نعم فية مشكلة كبيرة فيها بعض المدرسين رفضين قرارات الكادر ومصرين ان يكونو مدرسين اوائل ووخدين حصص قليلة ومشيلين مدرسين حصص كتيرة
ومش كدة معروف ان الصف الثاني والثالث قليل من الطلبة ان حضرو
اعطو لانفسهم مع قلة الطلب الصف الثاني والثالث يعني مرتاحين طول الاسبوع
والمدرسين الاخرين اعلي من النصاب ب 8 حصص على الاقل للاسف ودي مواد العربي والرياضة
اما الانجليزي الموجة وزعها بالتساوي علي جميع المدرسين كلة يشيل اولي وكلة يشيل ثانية
وكذلك الدرسات

[الاستاذ / عاطف ابو خاطر]

المنيا
تم اجبارالمدارس على عمل فصول كل فصل به 30 تلميذ
الدراسة على ثلاثة ايام
اما الحصص
سمك لبن تمرهندى

[ancore1111]

المشكله فى الموضوع مش محافظة ايه اللى نفذت ياجماعه الموجهين العموم أحسن ناس ياخدوا قرارات عشوائيه هل تم دراسة تلك القرارات جيدا قللو الحصص طيب قللت كام وزودت كام بمعنى ان نسبة التقليل الى الزيادة 3 : 30 دا كلام ياجماعه وربنا مع المنكسرين جابر