|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
|
|
#1
24-09-2009, 01:52 PM
|
||||
|
||||
اقتباس:
اقتباس:
بالنسة للرد على سؤالك يا ماريهان _ أولاً : _ لا شكر على واجب.
انتى بتقولى انى قسم فرنساوى جميل جدااااااااااااااا وكده المعلومة اتأكدت عندك الحمد لله. ثانياً انتى بتقولى فى رسالتك انى أنا موش راضيه انى ما أسمعش كلام اهلى معنى كلامك كده انك عاوزة تدخلى قسم وثائق مكتبات ومعلومات وموش عاوزة أصلاً تدخلى قسم فرنساوى. معنا كلامك كده. بس انا هأقولك حاجة لو افترضنا مثلاً انك دخلتى قسم وثائق مكتبات واخدتى ال 4 سنين واتخرجتى الحمد لله. وفى يوم من الايام كده قابلتى واحدة صاحبتك انتى وماشيه فى الشارع وكان بقالكم فترة تزيد على ال سنتين ما شوفتوش بعض وسعتها هتكونى انتى رايحة 3 كلية وسألتيها انتى عامله ايه واخبارك ايه وقالتلك الحمد لله انا ربنا كرمنى ودخلت كلية الاداب قسم اللغة الفرنسية وطبعاً انتى هتسأليها الدراسه بتاعتكوا عامله اية والمواد كمان وفجأه لقتيها قالتلك ان القسم سهل وصعب فى نفس الوقت بس هوا عاوز واحد يروح البيت يذاكر المحاضرات بتاعته اول بأول . وكمان قالتلك انى بعد ما أتخرج هلاقى الشغل مستنينى بره غير أى قسم هيتخرج وده لانى الفرنساوى نزل فى اعدادى وعايزين مدرسين كتييير بذمتك شعورك فى اللحظة دى هيبقى عامل ايه ! اكيد هتندمى على الكلمة اللى قولتيها دلوقتى فى رسالتك انى انا موش راضية ما اسمعشى كلام اهلى بذمتك اهلك هينفعوكى لو ما لقيتشيشى شغل بكرة وبعده واحنا فى زمن صعب جدا الا اذا انتى كنتى موش عايزة تشتشغلى وعايزة تقعدى فى البيت. دى يبقى فيها كلام تانى. واهوا اديكى شايفة هشام داخل معاكى قسم فرنساوى يعنى اتوا الاتين اى مساعدة عايزينها هأكون مجود ان شاء الله. ماريهان انا عملت اللى عليا من ناحيتك انى نصحتك ووجهتك للطريق الصح اكتر من مرة وانتى براحتك افعلى ما تشاءى بس بكرة وبعده اوعى تندمى على قرار اخدتيه بناء على طلب اهلك ليكى. وانا بتمنالك انى ربنا يلهمك حسن الاختيار وزى ما انتى قولتى اعملى صلاة استخارة وشوفى انتى رسيتى على ايه.
__________________
 |
|
#2
25-09-2009, 11:38 AM
|
||||
|
||||
|
انا عارفة انى زهقتكم منى وتعبتكم معايا من كتر الاجابة على السوال دا ولكن لو كمنش حاستفيد من هنا حاستفيد منين اولا شكرا ليك يا هيثم على اهتماك بالرد على السوال وفعلا انت كدا عملت الى عليك بس مش معنى انى قلت انا مش راضية انى ماشمعش كلام اهلى انى عاوزة ادخل وثاثق ومكتبات ومش عاوزة ادخل اصلا قسم فرنساوى طيب على فرض ذلك انا كنت باكتب السوال لية لما انا عاوزة وثائق ومكتبات منظرة يعنى ولا اية وكنت كتبت فرنساوى فى اولى الرغبات ليى على شان مش عاوزها ولا اية انا من وانا فى تانية ثانوى وانا عاوزة ادخل اداب فرنساوى والعجيب ان اهلى هما اللى كانوا بيشجعونى على ونفسهم ادخل اداب فرنساوى وعلى شان كدا كتبت الفرنساوى رغبة اولى ولكن المشكلة ابتدت بعد ممليت الرغبات وبدا بابا يسئل عن فرنساوى وناس كتير قالولة انة صعب وهية مش حتعرف تجيب فية تقدير كويس ووهية على شان تشتغل لازم تجيب تقدير كويس ولازم كمان تعمل سنتين تربوى غير الاربع سنين بتوع الكلية هية دى المشكلةوانسب قسم ليها هو وثائق ومكتبات بس هو دا الموضوع وبعدين انا قصدى كمان انا لو دخلت قسم هما مش راضين عنة ممكن ربنا ميكرمنيش فية هية دى كل الحكاية انا مش متخلية نفسى انى ادخل قسم تانى غير فرنساوى وانا ان شاء الله حاوال اقنعهم واعرفهم انى فى دا هو مستقيبلى وان شاء الله حادخل فرنساوى برضاهم بعدين انا ازين مش عاوزة اشتغل امال كنت بتعمل لية على شان اقعد فى البيت ولا اية ومرة تانية شكرا ليك على تعبك معايا
|
|
#3
26-09-2009, 12:22 AM
|
||||
|
||||
|
لا تعب ولا حاجه يا مريهان احنا اخواتك
بصى انا هقولك على حاجه حصلتلى انا فى ابتدائى واعدادى كنت ممتازه جدا جيت فى ثانوى طنشت وجبت وجيت ادخل 2 بقى طبعا فى البيت واخدين فكره انى لسه ممتازه وكنت عايزه ابقى مهندسة ديكور بس هدفى اتغير لاداب تاريخ جيت اكتب ادبى ولا علمى فكتبت ادبى على غير رغبة اهلى وعديت المرحله دى صحيح ماجبتش مجموع كويس فى 2 بس الحمد لله سعيت واجتهدت علشان اوصل لهدفى والحمد لله وصلتله انا بقولك الحكاية دى علشان خاطر حاجه انك لو دخلتى فرنساوى لازم تتعبى فيه وتذاكرى كويس علشان تثبتى لاهلك انك قد مسئولية اختياراتك وبالنسبه للسنتين التربوى لو عايزه تشتغلى مدرسه لازم تخديهم والفرنساوى مستقبله احسن من الوثائق والوثائق حلوة برده وبيقولوا فيها شغل وصحابى اكبر منى بسنه فى اداب قالولى ادخليها وسهله والكلام ده خلونى اميل انى افكر فيها وخلاص كنت هكتبها قبل التاريخ بس كنت بدعى ربنا وانا ساجده ان ربنا يوفقنى للى يرضى ربنا ويكون فيه الخير ليا روحت الكلية كتبت رغبتى اللى انا عايزاها ومهما حد يحاول يغير رأيك عن حاجه مقتنعه بيها 100% مش هيقدر هيقدر فى حاله واحده لو كنتى مش واثقه انتى عايزه ايه حطى فى دماغك هدف واسعى ليه وان شاء الله ربنا هيوفقك ويختارلك اللى فيه الاحسن وصلى صلاة استخاره ولو بدورى على السهوله ادخلى وثائق هى مش سهله اوى برده عايزه مذاكره وممكن تشتغلى منها بس فرصه قليله انك تشتغلى ولو عايزه حاجه ليها مستقبل وليها قيمه ادخلى فرنساوى طالما انتى حاباه كده وفى مثال لواحده صحبتى افتكرتها دلوقتى كانت بعد النتيجه بتقول هتدخل اجتماع او وثائق بس فكرت ودخلت فرنساوى اللغات يابنتى اهم الاقسام فكرى بتركيز وابعدى على اى عامل خارجى وقولى لاهلك يساعدوكى انك تحددى مستقبلك بس تكونى قد المسئوليه ومعلش طولت عليكى بس انا عايزه مصلحة اختى
__________________
 لما تلاقى نجوم السما مليانه ايمان واما تلاقى الخير والحب فى كل مكان واما تلاقى هلال نور فى السما فرحان يبقى بعوده رجوعك لينا يا رمضان |
| العلامات المرجعية |
«
الموضوع السابق
|
الموضوع التالي
»
العرض المتطور
|
|
جميع الأوقات بتوقيت GMT +2. الساعة الآن 05:04 AM.
