الي كل من في جامعة الزقازيق

[Ahmed_naeem]

المشاركة الأصلية كتبت بواسطة الطالبة المطحونة !

أنا من المنصورة وفي طب الزقازيق وع فكرة الجامعة والمدينة الجامعية حلوين بس الزقازيق نفسها مش حلوة ...

بالظبط زى ما حضرتك قولتى
بالإضافة إن الجامعة على ما أنا سمعت من ناس كتير سهلة عن المنصورة
بس انتو المدينة بتاعتكوا أحسن من المدينة بتاعتنا بكتير نصيبنا بقى

[الطالبة المطحونة !]

المشاركة الأصلية كتبت بواسطة ahmed_naeem

بالظبط زى ما حضرتك قولتى
بالإضافة إن الجامعة على ما أنا سمعت من ناس كتير سهلة عن المنصورة
بس انتو المدينة بتاعتكوا أحسن من المدينة بتاعتنا بكتير نصيبنا بقى

وأنا كمان بأسمع انها أسهل بكتير من المنصورة بس مش عارفة مدينتكم الجامعية دي عاملة ازاي؟؟؟ بس واضح من كلامكم انها وحشة أوي احنا مدينتنا الجامعية كويسة بس فيها ناس أجارك الله ...

[ابراهيم نجيب]

السلام عليكم ورحمة الله
كل سنة وانتم طيبين
عاملين ايه مع العيد في مصر؟
عالعموم هوا بالنسبة لي مش عيد خالص لأن اهلي أجازتهم خلصت وراحوا عالسعودية وسابوني وحدي

طبعا شايفكم بتتكلمو عن الزقازيق والجامعة عالعموم يا جماعة الزقازيق أحسن من غيرها يعني الجماعة بتوع المنصورة بالزاد نعمة ان يجيلهم الزقازيق أحسن ما يجيلهم أسيوط وسوهاج ويتحدفوا في آخر الدنيا
لكن الزقازيق ممكن يشوفو أهلهم كل نهاية أسبوع أوحتى لو في أيام فاضية مفيهاش محاضرات

وبالنسبة للدكاترة هم فعلا متعاونون وطيبون باستثناء كليتين
هندسة اللي أصبحت دلوقت واخدة سمعة أوحش من هندسة عين شمس في تعقيد الدكاترة لدرجة ان السنة اللي فاتت اعدادي هندسة الأوائل فيها مقبول وجيد وبالعافية والكلية التانية طب دكاترتها يعني شوية معقدين بس طبعا مش زي هندسة (هما والله دكاترة محترمين وكل حاجة يعني ,,,لحسن حد منهم يسمعني يبهدلني)

الحاجة الثالثة انا رايح كل يوم وجاي عالجامعة من يوم ما النتيجة طلعت ( وده لأني الحمد لله جالي في الزقازيق وانا من هنا) الناس بتوع شئون الطلبة بيقولو ان الشهادات المعادلة لسه مفيش عنها حاجة
يا ريت لو حد يعرف حاجة عن كشوف الترشييح والملفات بتاعتنا يقول لأن فعلا لو الحاجات دي ما وصلتش اسمك مش هينزل في الكشوف بتاعت الكلية وده هيخليهم يحسبوك غياب مما سيؤثر على تقديرك ومستواك ومش هتقدر تحضر السكاشن يا ريت حد ينقذني ويقول لو يعرف حاجة