كلية الاعلام ((مساعدة ضرورى))

youssif ali · #1 18-09-2009, 05:23 AM

السلام عليكم
يا جماعة انا جايب 83% وداخل كلية اعلام تعليم مفتوح جامعة القاهرة

وقدمت ورقى بس لسة مستنى المقابلة الشخصية

انا عايز اعرف من كل اللى اجتاز هذه المقابلة ان يكلمنى عنها بالتفصيل
ويقولى سأله ايه واسألتهم عبارة عن ايه واجاوب عليهم ازااى عشان يقبلونى
اعذرونى عشان انا عايزة اظبط نفسى كويس
عشان لو مقبلونيش مش هلحق اقدم فى اى جامعة تانية

ارجوكم قولولى كل حاجة عن المقابلة بالتفصيل الممل

youssif ali · #2 19-09-2009, 01:51 AM

مفيش اى ردود؟؟

ahmedal3mda · #3 20-09-2009, 07:37 AM

اكيد المقابلة بتاعتك لسة بعد العيد أن شاء الله هلحق اكتبلك عن المقابلة بالتفصيل وماتقلقيش

طبيبة ان شاء الله · #4 22-09-2009, 05:30 AM

مش عارفة بس اللي اعرفه انها بتبقى عن الصحافة وكدة بس بتبقى مقابلة هابلة يعني وكله بيدخل

ahmedal3mda · #5 22-09-2009, 05:38 PM

معلش اتأخرت فى الرد على الموضوع بصى اولا عندك امتحان كمبيوتر فى المعلومات العامة من 50 سؤال 30 سؤال اختيارات و20 صح وغلط الاسئلة عموما سهلة فى المعلومات العامة زى مخرجين الافلام رؤسا تحرير الجرئد بعض اسامى الوزراء وبعض المعلومات الترايخية اللى ممكن تكونى درستيها امثلة على الاسلة يجبلك كاتب معين ويقولك اية من الاختيارات دى كتبة بعض ابطال الافلام واية بلد الرئيس اوباما (كينيا) من اللاعبين دول احترف فى الخارج (عمرو زكى) وبقيت الاسئلة زى كدة والامتحان من 50 وبيضرب فى 2 يعنى بتبقى الدرجة من مية مهما جبيتى من درجات هتحضرى المقابلة والمهم هى المقابلة
وثانيا المقابلة وهتتسئلى اسئلة بسيطة عن مجموعك وداخلة اعلام علشان قسم اية وامثلة على الحاجة اللى انتى هتختاريها ونادرا ممكن يطلب منك انك تقولى ابيات شعر او تكلمى باللغة العربية الفصحة او تقولى سيرتك الزاتية بالانجليزى ودة نادرا وبتستمر 5 دقايق والموضوع بسيط ان شاء الله وخصوصا انك مجموعك كويس 83 % انا مجموعى كان 86% مالوش لزمة القلق اللى انتى فية الموضوع بسيط واطمنى

totatito · #6 23-09-2009, 08:21 AM

اطمنى وانشاء لله خير وخصوصا ان مجموعك كبير لانهم بياخدو ا اكتر حاجة المجامعيهم عالية انما المجاميعهم قليلة خالص وداخلين اعلام دى هما وحظهم والاغلابية الااقل من 60%
دول بيترفضوا بسبب المجموع والمش بينجحفى المقابلة ممكن يحول ويقدم فى اى جامعة مفتوحة